27.07.2022 | 
Ուսանողական, Կրթություն
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ:

Դեռևս փոքր տարիքից ծնողներս ԵՊՀ-ի հանդեպ սեր ու հետաքրքրություն են սերմանել։

 

Ծնողներս նույնպես Երևանի պետական համալսարանի շրջանավարտ են: Նրանք ինձ մշտապես ասում էին, որ համալսարանում ձեռք են բերում ոչ միայն մասնագիտություն, այլև այնպիսի արժեքներ, որոնք ձևավորում են պետականաշինության գործում էական դեր ունեցող մարդու: Գալով համալսարան՝ հասկացա, որ ԵՊՀ-ն իսկապես ձևավորում է բարձր ու վեհ արժեքներ:

 

 

Աշխարհագրության և երկրաբանության ֆակուլտետում կրթություն ստանալն օգնում  է, որ աշխարհն ավելի լավ ճանաչես։

 

Մեծ առավելություն է ուսումնառության տարիներին մասնագիտությամբ աշխատելն ու համալսարանի փոխանցած գիտելիքները պրակտիկայում կիրառելը: Վստահ կարող եմ ասել, որ այդ գիտելիքները հիմք են դարձել՝ ոլորտում կայանալու և աշխատաշուկայում մրցունակ մասնագետ դառնալու համար։

 

Ինձ համար պատիվ էր լինել ֆակուլտետի ուսխորհրդի նախագահը:

 

Որպես ուսխորհրդի նախագահ՝ առավել մեծ ներգրավվածություն եմ ունեցել համալսարանական կյանքում: Կարևոր եմ համարում նշել, որ համալսարանում գործող ուսանողական երկու կառույցներն էլ՝ ՈՒԽ-ն և ՈՒԳԸ-ն, միտված են հագեցնելու համալսարանականների ուսումնառության տարիները, զարգացնելու նրանց աշխարհայացքը:

 

 

Պատրաստվում եմ ուսումս շարունակել «Սերվիս» մագիստրոսական ծրագրում:

 

Կան նաև մի քանի այլ ոլորտներ, որոնցով հետաքրքրված եմ, օրինակ՝ մարդկային ռեսուրսների կառավարում, սոցիալական մեդիա, մարքեթինգ: Մասնագիտական գիտելիքներից զատ՝ ձգտում եմ ձեռք բերել նաև նշված ոլորտների վերաբերյալ խորքային գիտելիքներ։

 

Մարինե Մկրտչյան

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: