18.07.2022 | 
Կրթություն, Գիտություն
ԵՊՀ ՆԵՐԿԱՅԱՑՈՒՑԻՉՆԵՐԸ ՄԱԴՐԻԴՈՒՄ ՄԱՍՆԱԿՑԵԼ ԵՆ ՄԻՋԱԶԳԱՅԻՆ ԳԻՏԱԺՈՂՈՎԻ
ԵՊՀ ՆԵՐԿԱՅԱՑՈՒՑԻՉՆԵՐԸ ՄԱԴՐԻԴՈՒՄ ՄԱՍՆԱԿՑԵԼ ԵՆ ՄԻՋԱԶԳԱՅԻՆ ԳԻՏԱԺՈՂՈՎԻ
«Անձի հոգեբանության եվրոպական 20-րդ գիտաժողովին» («European Conference of Personality Psychology», ECP 20) մասնակցելու նպատակով Մադրիդ են մեկնել ԵՊՀ անձի հոգեբանության ամբիոնի ներկայացուցիչները:

Գիտաժողովը Անձի եվրոպական ասոցիացիայի հիմնական միջոցառումն է, որը կազմակերպվում է երկու տարին մեկ անգամ։ Եվրոպայում և Եվրոպայից դուրս անձի հոգեբանության բնագավառը զարգացնելու նպատակով կազմակերպված գիտաժողովին ելույթներով հանդես են եկել ԵՊՀ անձի հոգեբանության ամբիոնի վարիչ, ամբիոնի լաբորանտ, դասախոս Լիանա Սարգսյանը, Անձ և սոցիալական միջավայր գիտահետազոտական լաբորատորիայի վարիչ, հ.գ.թ., դոցենտ Նարինե Խաչատրյանը, լաբորատորիայի գիտաշխատողներ Աստղիկ Սերոբյանը, Անի Գրիգորյանը, հ.գ.թ. Աննա Հակոբջանյանը։

 

Գիտաժողովի մասնակիցներին Իսպանիայում ընդունել է Հայաստանի դեսպանը։ Հանդիպման ժամանակ ներկայացվել են Անձ և սոցիալական միջավայր գիտահետազոտական լաբորատորիայի նախագծերը, ընթացիկ աշխատանքները և Իսպանիայի համալսարանների հետ համագործակցության հնարավորությունը։

 

Գիտաժողովի ընթացքում Նարինե Խաչատրյանը ընտրվել է Անձի հոգեբանության եվրոպական ասոցիացիայի Արևելյան Եվրոպայի ռեգիոնալ ներկայացուցիչ։ Ռեգիոնալ ներկայացուցչի գործառույթն է նպաստել անձի հոգեբանության զարգացմանը Եվրոպայի տարբեր տարածաշրջաններում։

 

 

Գիտաժողովի ժամանակ հ.գ.թ. Աննա Հակոբջանյանի հետազոտությունը հավանության է արժանացել, և «European Journal of Personality» ժողովածուի խմբագրի` Ռենե Մոտտուսի կողմից. Ա. Հակոբջանյանն առաջարկություն է ստացել Փոդքաստի համար ելույթ ունենալու և իր կատարած հետազոտությունը հակիրճ ներկայացնելու։

 

Այցի շրջանակում նախանշվել են հետազոտական նոր նախագծեր՝ միտված ԵՊՀ «Անձ և սոցիալական միջավայր» գիտահետազոտական լաբորատորիայի և Գերմանիայի Վուպերտալի ինստիտուտի պրոֆեսոր Աննա Բաումերտի լաբորատորիայի համագործակցությանը։

 

Գիտաժողովի մասնակիցները, 2022 թվականից լինելով Անձի եվրոպական ասոցիացիայի անդամներ, մասնակցել են ասոցիացիայի ամենամյա հանդիպմանը։ Հանդիպման ժամանակ ասոցիացիայի գործադիր մարմինը ներկայացրել է տարեկան հաշվետվություն, ընտրվել է ասոցիացիայի նախագահ, ինչպես նաև ներկայացվել են նոր նախագծեր, որոնց նպատակն է նպաստել երիտասարդ գիտնականների և հետազոտողների մասնագիտական հմտությունների զարգացմանը։

 

Նշենք, որ հուլիսի 12-15-ը կայացած գիտաժողովը հնարավորություն է ընձեռել ասպիրանտներին և երիտասարդ գիտնականներին սեփական հետազոտությունները ներկայացնելու, անվանի մասնագետներից դիտարկումներ, առաջարկներ ստանալու, ինչպես նաև համագործակցության և համատեղ հետազոտական աշխատանքների վերաբերյալ քննարկումներ անցկացնելու։

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: