22.04.2014 | 
Գիտություն
ՀԱՄԱԼՍԱՐԱՆԱԿԱՆՆԵՐԸ ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ԱՄԵՆԱՄԵԾ ՀԱՄԱԺՈՂՈՎՈՒՄ
ՀԱՄԱԼՍԱՐԱՆԱԿԱՆՆԵՐԸ ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ԱՄԵՆԱՄԵԾ ՀԱՄԱԺՈՂՈՎՈՒՄ
ԵՊՀ երիտասարդ համալսարանականներն ապրիլի 6-12-ը մասնակցել են «Լոմոնոսով-2014» միջազգային երիտասարդական գիտական համաժողովին:

Մոսկվայի Մ. Լոմոնոսովի անվան պետական համալսարանն արդեն 21-րդ անգամ է, ինչ կազմակերպում է «Լոմոնոսով» միջազգային երիտասարդական գիտական համաժողովը:

 

Գիտական միջոցառմանը մասնակցում էին Մայր բուհի 8 ներկայացուցիչներ` ՈՒԳԸ նախագահ Միքայել Մալխասյանը, ՈՒԽ փոխնախագահ Վարդան Ղափլանյանը, Միջազգային հարաբերությունների ֆակուլտետի դասախոս Ցոլակ Ակոպյանը, ԵՊՀ արևելագիտության ֆակուլտետի ասպիրանտ Նաիրա Պողոսյանը, Կենսաբանության ֆակուլտետի մագիստրանտներ Ռուզաննա Մաթևոսյանը և Նելլի Գրիգորյանը, Պատմության ֆակուլտետի բակալավրիատի ուսանող Ալբերտ Բարսեղյանը և Եվրոպական ուսումնասիրությունների կենտրոնի մագիստրոս Լեյլի Ալեքսանյանը:

 

ՈՒԳԸ նախագահ Միքայել Մալխասյանի խոսքերով` «Լոմոնոսով-2014» միջազգային երիտասարդական գիտական համաժողովին մասնակցելու հրավեր էին ստացել ԵՊՀ ևս 2 ներկայացուցիչներ, սակայն նյութական միջոցների սղության պատճառով հրավիրյալները չեն կարողացել մեկնել Մոսկվա:

 

«Երկու տարի առաջ ԵՊՀ ՈՒԳԸ և ՄՊՀ ուսանողական միության միջև կնքված համաձայնագրի շրջանակներում ծավալված համագործակցության, ինչպես նաև ԵՊՀ ուսանողների հետ տարվող աշխատանքների բաժնի աշխատանքի շնորհիվ արդեն գործնականում լուծվում են ԵՊՀ ներկայացուցիչների` «Լոմոնոսով» ամենամյա համաժողովի ընթացքում ՄՊՀ-ում կեցության և այլ խնդիրների լուծման կազմակերպական հարցերը, եթե նման անհրաժեշտություն մասնակիցներն ունենում են»,- նշում է Միքայել Մալխասյանը:

 

Միքայել Մալխասյանը և Վարդան Ղափլանյանը մասնակցել են նաև համաժողովի շրջանակներում անցկացվող ԱՊՀ երկրների երիտասարդ առաջնորդների գագաթնաժողովի աշխատանքներին: 

 

Այլ նորություններ
ԱՄՓՈՓՎԵՑ ՈՒԳԸ 5-ՐԴ ՄԻՋԱԶԳԱՅԻՆ ԳԻՏԱԺՈՂՈՎԸ
Այսօր ԵՊՀ Պալեանների անվան դահլիճում տեղի ունեցավ ՈՒԳԸ 5-րդ միջազգային գիտաժողովի փակման հանդիսավոր արարողությունը:
«ԵՍ ԵՐՋԱՆԻԿ ԵՄ. ԸՆՏՐԵԼ ԵՄ ԳԻՏՈՒԹՅԱՆ ՄԵՋ ՄԻ ՃՅՈՒՂ, ՈՐԸ ԿԱՐՈՂ ԵՄ ՀԱՅԱՍՏԱՆՈՒՄ  ԷԼ ԱՎԵԼԻ ԶԱՐԳԱՑՆԵԼ». ԵՊՀ ԿՐՏՍԵՐ ԳԻՏԱՇԽԱՏՈՂ
Հայաստանում գործող «Երիտասարդ գիտնականների աջակցության ծրագրի» (ԵԳԱԾ) շրջանակում ԵՊՀ կրտսեր գիտաշխատող, ԵԳԱԾ ղեկավար կազմի նորանշանակ անդամ Հայկ Զաքարյանը վերապատրաստվել է Սկոլկովոյի գիտության և տեխնոլոգիաների ինստիտուտի լաբորատորիայում: