22.01.2019 | 
Ուսանողական, Հասարակություն
ԵՊՀ ՈՒՍԱՆՈՂՆԵՐԸ՝ ԻՐԱՆՈՒՄ ԿԱԶՄԱԿԵՐՊԱԾ ՃԱՄԲԱՐ-ԴԱՍԸՆԹԱՑԻ ՄԱՍՆԱԿԻՑՆԵՐ
ԵՊՀ ՈՒՍԱՆՈՂՆԵՐԸ՝ ԻՐԱՆՈՒՄ ԿԱԶՄԱԿԵՐՊԱԾ ՃԱՄԲԱՐ-ԴԱՍԸՆԹԱՑԻ ՄԱՍՆԱԿԻՑՆԵՐ
ԵՊՀ ուսանողները դեկտեմբերի 31-ին Իրանում մասնակցել են Սառցամագլցման միջազգային ֆեդերացիայի կողմից կազմակերպած ճամբար-դասընթացներին և Հայաստան են վերադարձել հաղթանակով:

Նշենք, որ արդեն երկու տարի է ԵՊՀ-ի «Ապառաժ» լեռնագնացության ակումբն ակտիվորեն իրականացնում է ժայռամագլցման պարապմունքներ ու կազմակերպում է միջոցառումներ: Նկատելի է ԵՊՀ ուսանողների ոգևորությունն ու ներգրավվածությունը ժայռամագլցման պարապմունքներին: 

 

Իրանում տեղի ունեցած ճամբար-դասընթացներին մասնակցել են նաև ԵՊՀ ուսանողները: Թեև ուսանողներն անփորձ էին, բայց աչքի են ընկել համառությամբ ու տոկունությամբ:

 

Հայաստանի ալպինիզմի և լեռնային զբոսաշրջության հայկական ֆեդերացիայի վարչության անդամ, Իրանի Իսլամական Հանրապետության ալպինիզմի ֆեդերացիայի նախագահի տեղակալ Սուրեն Ստեփանյանը մեզ հետ զրույցում նշեց, որ 

Նոր տարին դիմավորել են հայրենիքից դուրս, և տարվա մեկնարկին  գրանցել են հաջողություններ. «Մեր ուսանողները դասընթաց-ճամբարին մասնակցում էին առաջին անգամ: Մարզումների մի մասը մարզադահլիճում էր, մյուսը՝ դրսում»:

 

Ուսանողները ծանոթացել են նաև սառցամագլցման գույքին, մասնակցել ժայռամագլցման պարապմունքներին և ստացել որակավորում: 

 

Ստեփանյանի տեղեկացմամբ, դասընթացներին մասնակցել են տարբեր երկրներից ժամանած՝ ալպինիզմով հետաքրքրված և դրանով զբաղվող մարզիկներ:

 

Ստեփանյանի հավաստմամբ, ուսանողներն արդարացրել են իր սպասելիքները:

 

Նա գոհունակությամբ խոսեց նաև մարզիկների պատրաստվածության և թիմային համախմբվածության մասին. «Տանջալից աշխատանք էր, պարապմունքներն ընթանում էր առավոտից երեկո»,- նշեց մարզիչը:

 

Մարզիկներից Զավեն Առաքելյանը մի քանի տարի է, ինչ մասնակցում է ժայռամագլցման պարապմունքներին: Նա Սուրեն Ստեփանյանի առաջին սաներից է: Առաջին սաներից են նաև Ինֆորմատիկայի և կիրառական մաթեմատիկայի ֆակուլտետի ուսանող Սարգիս Մանուկյանը, Աշխարհագրության և երկրաբանության ֆակուլտետի ուսանողներ Արամ Մարկոսյանը և Վահագն Աղաբեկյանը:

 

Ռոմանագերմանական բանասիրության երրորդ կուրսի ուսանողն ասում է, որ Երևանի աշխարհագրական դիրքը չի խանգարում՝ բարձր գագաթներ բարձրանան.«Ժայռամագլցումը ոչ միայն սիրած զբաղմունք է, այլև՝ ապրելակերպ»:

 

Զավենը նպատակ ունի բարձրանալու Բիբլիական լեռը՝ Արարատը: «Յուրաքանչյուր հայի բաղձանքն է նվաճել Արարատը»,- ասում է Զավենը:

 

Կարևորելով լեռնագնացության դերը ապագա և ներկա սերունդների կոփման գործում՝ Ստեփանյանը նշեց. «Մեզ անհրաժեշտ են կոփված, ամուր ու պայքարող երիտասարդներ, որոնք մեր վաղվա ապագայի հենքն են կազմելու»:

 

Խոսելով ապագա ծրագրերի մասին ՝մարզիչը նշեց, որ մարտի երկրորդ կեսին պատրաստվում են կազմակերպել ժայռամագլցման առաջնություն, որին կմասնակցեն նաև օտարերկրյա մարզիկներ: 


Անգին Խաչատրյան

Այլ նորություններ
«ՄԱՅՐԵՆԻՆ ՄԵՐ ԱԶԳԱՅԻՆ ԻՆՔՆՈՒԹՅՈՒՆՆ Է, ՄԵՐ ԱՆՁՆԱԳԻՐԸ». ՀԱՄԱԼՍԱՐԱՆԱԿԱՆՆԵՐԸ  ԵՎ «ՇԻՐԱԿԱՑՈՒ ՃԵՄԱՐԱՆԻ» ՍԱՆԵՐԸ  ՏՈՆՈՒՄ ԵՆ ՄԱՅՐԵՆԻԻ  ՕՐԸ
ԵՊՀ մշակույթի կենտրոնի և «Շիրակացու ճեմարան» միջազգային գիտակրթական համալիրի համատեղ ջանքերով այսօր տեղի է ունեցել Մայրենի լեզվի օրվան նվիրված «Մայրենի լեզու, Մայր ճեմարան, Մայր համալսարան» խորագիրը կրող միջոցառումը:
«ԱՅՍ ՕՐԸ ՀՐԱՇԱԼԻ ԱՌԻԹ ՊԵՏՔ Է ԴԱՌՆԱ, ՈՐ ՄԵՐ ԵՐԻՏԱՍԱՐԴՈՒԹՅՈՒՆԸ ՀԱՍԿԱՆԱ՝ ԳՐԱԿԱՆ  ՀԱՅԵՐԵՆՈՎ, ԳԵՂԵՑԻԿ ՀԱՅԵՐԵՆՈՎ ՈՒ ՀԱՅԿԱԿԱՆ ՀԱՅԵՐԵՆՈՎ ԽՈՍԵԼԸ ՆՈՐԱՈՃ Է». ԱՅՍՕՐ ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐՆ Է
Մայրենի լեզվի միջազգային օրն ընդունվել է ՅՈՒՆԵՍԿՕ-ի գլխավոր համաժողովի 30-րդ նստաշրջանի որոշումով 1999 թվականի նոյեմբերին, և 2000 թվականից սկսած՝ փետրվարի 21-ը նշվում է որպես մայրենի լեզուների իրավունքների ճանաչման և գործածության աջակցման օր։ Մայրենի լեզվի միջազգային օրը 2005 թվականից նշվում է նաև Հայաստանում: