16.10.2017 | 
Ուսանողական
ԵՐԵՎԱՆԻ ՏՈՆԻՑ «ՄԻ ԿՏՈՐ» ԵՊՀ-ՈՒՄ
ԵՐԵՎԱՆԻ ՏՈՆԻՑ «ՄԻ ԿՏՈՐ» ԵՊՀ-ՈՒՄ
ԵՊՀ պատմության ֆակուլտետում ուսանողները նշում էին Երևանի տոնը:

Այսօր ԵՊՀ պատմության ֆակուլտետի կովկասագիտության բաժնի 4-րդ կուրսի ուսանողները կազմակերպել էին Երևանի տոնին նվիրված միջոցառում: Մասնաշենքի բոլոր հարկերում ներկայացված էին մայրաքաղաք Երևանի պատմությանն առնչվող լուսանկարներ: Դրանք պատկերում էին Էրեբունի-Երևանի հիմնադրման ժամանակահատվածը, խորհրդային շրջանն ու մեր օրերը:

 

Բացման խոսքով հանդես եկավ կովկասագիտության բաժնի ուսանողուհի Նելլի Ղահրամանյանը. «Քանի որ մենք ապագա պատմաբաններ ենք, ուստի որոշեցինք անմասն չմնալ այս իրադարձությունից և մեր ներդրումն ունենալ Երևանի տոնին նվիրված միջոցառումների կազմակերպման գործում»:

 

Ֆակուլտետի ուսանողուհիներից Մարիամ Կարապետյանը կարճ հոլովակի օգնությամբ ներկայացրեց մայրաքաղաք Երևանի հայտնի և շատերի համար անհայտ արձանները: Դրանց թվում անդրադարձ կատարվեց ավետարանական-կրոնական թեմատիկայով մշակութային կոթողներին, ինչպես նաև արդեն ապամոնտաժված արձաններին:

 

Միջոցառման ընթացքում ելույթ ունեցավ քաղաքագետ Էդգար Խաչատրյանը: Նա պատմական ակնարկ կատարեց Էրեբունի-Երևան քաղաքի հիմնադրման ժամանակաշրջանին, քաղաքական դրությանը և խոսեց մայրաքաղաքի ներկայիս խնդիրներից:

 

Կազմակերպիչները կարճ ֆիլմի միջոցով ցուցադրեցին ժամանակակից Երևանի համայնապատկերը և հանդիպումն եզրափակեցին մայրաքաղաքին նվիրված երգով:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: