14.12.2021 | 
Մշակույթ
«ԴՈՍՏՈԵՎՍԿՈՒ ԱՇԽԱՐՀՈՒՄ». ՄԻՋՈՑԱՌՈՒՄ՝ ՆՎԻՐՎԱԾ ՄԵԾ ԳՐՈՂԻ 200-ԱՄՅԱԿԻՆ
«ԴՈՍՏՈԵՎՍԿՈՒ ԱՇԽԱՐՀՈՒՄ». ՄԻՋՈՑԱՌՈՒՄ՝ ՆՎԻՐՎԱԾ ՄԵԾ ԳՐՈՂԻ 200-ԱՄՅԱԿԻՆ
ԵՊՀ մշակույթի կենտրոնի դահլիճում այսօր տեղի է ունեցել «Դոստոևսկու աշխարհում» խորագիրը կրող միջոցառում, որը կազմակերպել էր ԵՊՀ ռուս բանասիրության ֆակուլտետի ռուս գրականության ամբիոնի դասախոս Վերա Ադամյանը ֆակուլտետի դեկան Պավել Բալայանի աջակցությամբ:

Միջոցառումը նվիրված էր ռուս մեծ գրող, գրականագետ, մտածող, փիլիսոփա, հրապարակախոս Ֆեոդոր Միխայլովիչ Դոստոևսկու ծննդյան 200-ամյակին:

 

 

Մեզ հետ զրույցում ամբիոնի դասախոս, միջոցառման կազմակերպիչ Վերա Ադամյանը նշեց, որ իրենց մեծ դժվարությամբ է հաջողվել մշակել Ֆեոդոր Դոստոևսկուն նվիրված միջոցառման անցկացման ծրագիրը, քանի որ Դոստոևսկի գրողին հնարավոր չէ  ամփոփել մեկ միջոցառման շրջանակում:

 

«Այնուամենայնիվ փորձեցինք ի մի բերել Դոստոևսկու՝ համաշխարհային գրականության գանձարանում ուրույն տեղն ունեցած վեպերն ու այսօր դրանք ներկայացնել հանդիսատեսին»,- ասաց մեր զրուցակիցը:

 

 

Միջոցառման ընթացքում նախ ներկայացվեց Ֆեոդոր Դոստոևսկու կյանքը, նշվեց, որ նա ծագում է ազնվական ընտանիքից, և որ նրա հայրը բժիշկ է եղել Մոսկվայի դաստիարակչական տան Մարիինյան հիվանդանոցում:

 

Թեև Դոստոևսկու ընտանիքը չքավոր էր, այնուամենայնիվ հիանալի կրթություն և դաստիարակություն է ստացել գրողը, ինչի համար ողջ կյանքում երախտապարտ է եղել ծնողներին։

 

Այնուհետև անդրադարձ եղավ նաև մեծ գրողի ստեղծագործական բեղուն գործունեությանը, հատկապես նրա, այսպես կոչված,  «մեծ հնգամատյանին», որի մեջ մտնում են խոհական վեպերը՝ «Ոճիր և պատիժը», «Ապուշը», «Դևերը», «Դեռահասը» և «Կարամազով եղբայրները»։

 

Հարկ է նշել, որ միջոցառման կազմակերպման և կայացման գործում իր ներդրումն է ունեցել նաև ԵՊՀ ռուս բանասիրության ֆակուլտետի ՈՒԽ-ն:

 

 

Այլ նորություններ
ԵՊՀ ՇԱՌԼ ԱԶՆԱՎՈՒՐԻ ԱՆՎԱՆ ՄՇԱԿՈՒՅԹԻ ԿԵՆՏՐՈՆԻ ՄԵՆԵՐԳՉՈՒՀԻՆ ՇԱՐՈՒՆԱԿՈՒՄ Է ՄԻՋԱԶԳԱՅԻՆ ՄՐՑՈՒՅԹՆԵՐՈՒՄ ՀԱՂԹԱՆԱԿՆԵՐ ԳՐԱՆՑԵԼ
Մարիցա Թիլիքյանը Բուլղարիայում անցկացված «Արծաթե յանտրա 2022» փոփ երաժշտության միջազգային մրցույթում արժանացել է Գրան պրի մրցանակի։ Մշակույթի կենտրոնի տնօրեն Կարինե Դավթյանի հետ զրուցել ենք միջազգային մրցույթի, Մարիցայի մասնակցության և գրանցած հաջողություններում կենտրոնի ունեցած դերի մասին:
ՄԵԿՆԱՐԿԵՑ «ԵՊՀ-ՍԹԱՐՄՈՒՍ ՆՈԲԵԼՅԱՆ ՇԱԲԱԹԸ»․ ԱՍՏՂԱՖԻԶԻԿՈՍ ՔԻՓ ԹՈՐՆԸ ՀԱՆԴԵՍ ԵԿԱՎ ԴԱՍԱԽՈՍՈՒԹՅԱՄԲ
«ԵՊՀ-Սթարմուս Նոբելյան շաբաթ» միջոցառման շրջանակում կազմակերպված առաջին դասախոսության ընթացքում Նոբելյան մրցանակի դափնեկիր աստղաֆիզիկոս Քիփ Թորնը և արվեստագետ, նկարչուհի Լիա Հալորանը ներկայացրին սև խոռոչների վերաբերյալ իրենց ուսումնասիրությունները, արվեստի դերը գիտության զարգացման գործում և այն, թե ինչ կկատարվի մարդու հետ, եթե նա հայտնվի սև խոռոչի մեջ։