14.09.2011 | 
Կրթություն
ԵՊՀ-Ն ՏԱՐԱԾԱՇՐՋԱՆԻ ՆՈՐ ԼԱԲՈՐԱՏՈՐ ԿԵՆՏՐՈՆ
ԵՊՀ-Ն ՏԱՐԱԾԱՇՐՋԱՆԻ ՆՈՐ ԼԱԲՈՐԱՏՈՐ ԿԵՆՏՐՈՆ
Պաշտոնապես մեկնարկեց տարածաշրջանային մագիստրոսական ծրագրի առաջին դասընթացը:

Այսօր ԵՊՀ գիտական խորհրդի դահլիճում մեկնարկեց Եվրոպական միության աջակցությամբ հիմնադրված «Մարդու իրավունքներ եւ ժողովրդավարացում» տարածաշրջանային մագիստրոսական ծրագիրը: Մագիստրոսական ծրագրին մասնակցող 22 ուսանողներից 11-ը Հայաստանից են, իսկ մնացած 11-ը ժամանել են Բելառուսից, Մոլդովայից, Ուկրաինայից, Վրաստանից եւ Ռուսաստանից: Մասնակիցները հնարավորություն կունենան ձեռք բերելու խորը գիտելիքներ ու գործնական հմտություններ մարդու իրավունքների եւ ժողովրդավարացման ոլորտում: Միջոցառմանը մասնակցում էին ԵՊՀ ռեկտոր Արամ Սիմոնյանը, Հայաստանում ԵՄ պատվիրակության ղեկավար, դեսպան Ռաուլ դե Լյուցենբերգերը, ՄԱԿ-ի հայաստանյան գրասենյակի համակարգողի գլխավոր խորհրդական Արմեն Բայբուրդյանը, ՀՀ արտգործնախարարի տեղակալ Զոհրապ Մնացականյանը: Հյուրերը նախ շնորհավորեցին ծրագրի ղեկավարներին եւ ուսանողներին բացառիկ նախաձեռնության համար, այնուհետեւ կարեւորեցին մարդու իրավունքների եւ ժողովրդավարացման սկզբունքների հիմնադրումն ու եվրոպական փորձի կիրառումն այս ոլորտի զարգացման գործում:

 

«Այս իրադարձությունը շատ կարեւոր է, քանի որ տվյալ փորձարարական ծրագիրն առաջին անգամ է իրականացվում նախկին ԽՍՀՄ տարածքում: Սա ապացուցում է, որ ԵՊՀ-ն համաչափ եւ զուգահեռ է քայլում միջազգային ուսուցման մեթոդներին: Ուրախ եմ, որ մի քանի տարի առաջ սկսած աշխատանքն այսօր լուրջ ու գոհացնող արդյունքներ է տվել»,- ասաց Ռաուլ դե Լյուցենբերգերը: Ծրագիրն իրականացվում է Արեւելյան գործընկերության մասնակից չորս պետությունների առաջատար համալսարանների (ԵՊՀ (համակարգող), Տարաս Շեւչենկոյի անվան Կիեւի ազգային, Մոլդովայում եվրոպական քաղաքական եւ տնտեսական հետազոտությունների (USPEE) եւ Բելառուսի պետական համալսարաններ) կողմից: Մագիստրոսական ծրագիրը Հայաստանում, Բելառուսում, Մոլդովայում եւ Ուկրաինայում Եվրոպական հանձնաժողովի աջակցությամբ հիմնադրված «Մարդու իրավունքներ եւ ժողովրդավարացում» ծրագրերից 6-րդն է, որը ներառում է ԵՄ Արեւելյան գործընկերության տարածաշրջանը, իսկ տեւողությունը 3 տարի է: Երեւանում 1 տարի ուսանելուց հետո ուսանողները կարող են իրենց ուսումը շարունակել նշված գործընկեր համալսարաններից մեկում:

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: