16.05.2022 | 
Կրթություն, Գիտություն, Հասարակություն, Մշակույթ
ԵՊՀ ՌԵԿՏՈՐ ՀՈՎՀԱՆՆԵՍ ՀՈՎՀԱՆՆԻՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ
ԵՊՀ ՌԵԿՏՈՐ ՀՈՎՀԱՆՆԵՍ ՀՈՎՀԱՆՆԻՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ
Շնորհավորում եմ բոլորիս պատմական այս կարևորագույն օրվա կապակցությամբ, իսկ երիտասարդներին և ուսանողներին մաղթում եմ ստեղծագործ ու արդյունավետ գործունեություն։
Մեր երկրի նորագույն պատմության նշանակալի իրադարձություններից մեկը Երևանի պետական համալսարանի հիմնադրումն է։ Հայաստանի առաջին Հանրապետությունը 1919 թվականի մայիսի 16-ին ընդունեց համալսարանի հիմնադրման մասին օրենքը։
Սկզբնավորումից ի վեր համալսարանը եղել և մնում է մեր երկրի որակյալ կրթության ու գիտության կազմակերպման, մտավոր ներուժի, մտքերի ու գաղափարների գեներացման հիմնական տեղն ու հարթակը։
 
Բացառիկ է ԵՊՀ-ի դերը նաև աշխարհի գիտական մտքին հաղորդակցվելու, արդիական միտումները հասկանալու, մշակութային արժեքները պահպանելու ու հարստացնելու, ինչպես նաև երկրի ընդհանուր առաջընթացն ապահովելու գործում։
 
Այսօր ԵՊՀ-ում իրագործվում են բարեփոխման բազմաբնույթ ծրագրեր, և մենք միասնական ջանքերով պետք է ապահովենք դրանց իրականացումը՝ մեր ուսանողներին, դասախոսներին, հետազոտողներին և աշխատակիցներին ընձեռելով նոր հնարավորություններ, աշխատանքային ստեղծագործ պայմաններ և ոգեշնչող միջավայր։
 
Բարձրացնելով ուսումնառության որակը, խթանելով նորարար հետազոտությունները, ընդլայնելով միջազգային համագործակցությունն ու ամրապնդելով գիտական հաղորդակցությունն աշխարհի հետ՝ մենք միասին կկարողանանք ԵՊՀ-ն դարձնել միջազգային առաջատար կրթական ու հետազոտական կենտրոն, արդյունավետորեն կիրառել մեր հսկայական ներուժն ու միջազգային հանրությանը ներկայանալ կրթական մրցունակ ծրագրերով, նշանավոր բացահայտումներով ու արժեքավոր գաղափարներով։
 
Պատահական չէ, որ համալսարանի հիմնադրման օրը՝ մայիսի 16-ին, Հայաստանում նշվում է Ուսանողների և երիտասարդների օրը։ Այսօր ԵՊՀ-ում սովորող շուրջ 15 հազար երիտասարդները մեր երկրի ներկան ու ապագան են, համալսարանական լավագույն ավանդույթների շարունակողն ու նորը ստեղծողը։
 
Այլ նորություններ
ԿԱՆՈՆԱԿԱՐԳԵՐԻ ՀԱՍՏԱՏՈՒՄ ՈՒ ՆՈՐ ՈՐՈՇՈՒՄՆԵՐԻ ԸՆԴՈՒՆՈՒՄ․ ՏԵՂԻ ՈՒՆԵՑԱՎ ԱՅՍ ՈՒՍՏԱՐՎԱ ԳԽ ՎԵՐՋԻՆ ՆԻՍՏԸ
ԵՊՀ Պալեանների անվան դահլիճում այսօր տեղի ունեցավ գիտական խորհրդի նիստը՝ օրակարգային 7 և ընթացիկ հարցերով։ Նիստի ընթացքում հաստատվեցին ներկայացված նախագծերն ու հարցերը, ինչպես նաև հնչեցին ու քննարկվեցին նոր առաջարկներ։
«ԻՆՁ ՀԱՄԱՐ ԿԱՐԵՎՈՐ ԵՆ ՀԱՄԱԼՍԱՐԱՆՈՒՄ ՍՏԱՑԱԾ ԿՐԹՈՒԹՅՈՒՆՆ ՈՒ ՁԵՌՔ ԲԵՐԱԾ ՄՆԱՅՈՒՆ ԱՐԺԵՔՆԵՐԸ»․ ԵՊՀ ՇՐՋԱՆԱՎԱՐՏ ԷԼԻՆԵ ՊՈՂՈՍՅԱՆ
ԵՊՀ ժուռնալիստիկայի ֆակուլտետի շրջանավարտ, հանրային կապերի մասնագետ և նկարչուհի Էլինե Պողոսյանի հետ զրուցել ենք համալսարանի ընձեռած հնարավորությունների, մասնագիտությունների ընտրության, ապագայի պլանների և այլ թեմաների շուրջ: