11.07.2022 | 
Կրթություն, Հասարակություն
ԵՊՀ-Ն՝ «STARMUS»-Ի ՊԱՇՏՈՆԱԿԱՆ ԳՈՐԾԸՆԿԵՐ․ ԿՆՔՎԵԼ Է ՓՈԽԸՄԲՌՆՄԱՆ ՀՈՒՇԱԳԻՐ
ԵՊՀ-Ն՝ «STARMUS»-Ի ՊԱՇՏՈՆԱԿԱՆ ԳՈՐԾԸՆԿԵՐ․ ԿՆՔՎԵԼ Է ՓՈԽԸՄԲՌՆՄԱՆ ՀՈՒՇԱԳԻՐ
ԵՊՀ ռեկտոր Հովհաննես Հովհաննիսյանը և «Starmus» գիտության, արվեստի և երաժշտության փառատոնի հիմնադիր տնօրեն Գարիկ Իսրայելյանն այսօր ստորագրել են փոխըմբռնման հուշագիր՝ իրավաբանորեն ամրագրելով համագործակցության եզրերն ու ընձեռվող հնարավորությունները։

«Starmus»-ը գիտական հաղորդակցության և արվեստի համաշխարհային փառատոն է, որը համախմբում է աշխարհի հետաքրքիր ու նորարար գաղափարները: Գիտական փառատոնն այս տարի անցկացվելու է սեպտեմբերի 5-10-ը Հայաստանում և կրելու է «Starmus festival VI. 50 տարի Մարսի վրա» խորագիրը:

 

 

Փառատոնի շրջանակում Հայաստան են այցելելու հանրահայտ գիտնականներ, արվեստագետներ, երաժիշտներ, այդ թվում՝ 8 Նոբելյան մրցանակակիրներ:

 

Ըստ այսօր կնքված հուշագրի՝ ԵՊՀ-ն լինելու է «Starmus»-ի գործընկերը՝ աջակցելով նախագծի լիարժեք իրականացմանը, իսկ «Starmus»-ն էլ իր հերթին ապահովելու է ԵՊՀ-ում հինգ բանախոսությունների անցկացում, այդ թվում՝ 3 Նոբելյան մրցանակակիրների։

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: