12.09.2006 | 
Հասարակություն
ԻԻՀ ՄԵՋԼԻՍԻ ՆԱԽԱԳԱՀԸ ՄԱՅՐ ԲՈՒՀՈՒՄ
ԻԻՀ ՄԵՋԼԻՍԻ ՆԱԽԱԳԱՀԸ ՄԱՅՐ ԲՈՒՀՈՒՄ
«Հայերի եւ իրանցիների բարեկամությունը նման է ծառի, որի արմատները գտնվում են պատմության խորքում, իսկ հասակը եւ տերեւները այսօր մեր աչքի առջեւ են»:

Իրանի Իսլամական Հանրապետության Մեջլիսի նախագահ Ղոլամ Ալի Հադդադ Ադելը սեպտեմբերի 12-ին Երեւանի պետական համալսարանի հյուրն էր:


«Դուք նոր ուսումնական տարվա առաջին պաշտոնական հյուրն եք, եւ այս հանգամանքն ավելի նշանակալից է դարձնում Ձեր այցելությունը: Չեմ կասկածում, որ Ձեզ համար` որպես գիտության մարդու եւ մշակույթի գիտակի, մեր երկրի հիմնական գիտակրթական օջախ այցելությունը նույնպես կարեւոր նշանակություն ունի»,- ողջույնի խոսքում նշեց ԵՊՀ ռեկտոր, պրոֆեսոր Արամ Սիմոնյանը:

Վերջին տարիներին Հայաստանի եւ Իրանի շփումների համար ստեղծվել են ավելի նպաստավոր պայմաններ, գիտակրթական ոլորտում հարաբերություններն ավելի ինտենսիվ են դարձել: Իրանցի ուսանողների առկայությունը հայաստանյան բուհերում, ինչպես նաեւ` հայ ուսանողների` Իրանում ուսումը շարունակելու ցանկությունը դրա վառ ապացույցն են: Երեւանի պետական համալսարանում լուրջ հիմքերի վրա են դրված իրանագիտությունն ու պարսից լեզվի եւ գրականության դասավանդումը, որին հարգանքով են վերաբերվում նաեւ Իրանի իրանագետ գիտնականներն ու պարսից լեզվի մասնագետները:

Թեհրանում գործում են 10 եկեղեցի, տարրական եւ միջնակարգ 22 հայկական դպրոց, բազում մշակութային եւ գիտական օջախներ: Պարոն Հադդադ Ադելի խոսքով` «հայերի եւ մուսուլման իրանցիների համատեղ կյանքն աշխարհում կրոնների հետեւորդների խաղաղ գոյակցության գերազանց եւ դրվատելի օրինակ է»: Հայաստան պաշտոնական այցի շրջանակներում Իրանի Իսլամական Հանրապետության Մեջլիսի նախագահն այցելել է նաեւ Ծիծեռնակաբերդ` հարգանքի տուրք մատուցելու Եղեռնի զոհերի հիշատակին:

ԵՊՀ արեւելագիտության ֆակուլտետի ուսանողները պարսիկ բանաստեղծներից հատվածներ ընթերցեցին: Հանդիպման վերջում ԵՊՀ ռեկտոր Արամ Սիմոնյանը Մեջլիսի նախագահին պարգեւատրեց ԵՊՀ ոսկե մեդալով, Հայաստանի մասին պատմող գրքեր նվիրեց, նախագահն էլ հուշանվերներ էր պատրաստել ինչպես ռեկտորի, այնպես էլ արեւելագիտության ֆակուլտետի համար:

Այլ նորություններ
ԵՐԲ ԱՇԽԱՏԱՆՔԸ ՃԱՄՓՈՐԴԵԼՆ Է. ԱՎԻԱԸՆԿԵՐՈՒԹՅՈՒՆԸ ԵՊՀ ՈՒՍԱՆՈՂՆԵՐԻՆ ԱՇԽԱՏԱՆՔԻ ԱՌԱՋԱՐԿ Է ԱՐԵԼ
Երևանի պետական համալսարանի և «Fly one Armenia» («Ֆլայ ուան Արմենիա») ավիաընկերության միջև հաստատված համագործակցության շրջանակում տեղի ունեցավ հանդիպում երկու կառույցների ներկայացուցիչների, ինչպես նաև ԵՊՀ ուսանողների միջև։
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ԿՈՒՆԵՆԱՆ ԱՇԽԱՏԵԼՈՒ ԲԻՈՏԵԽՆՈԼՈԳԻԱՅԻ ՈԼՈՐՏՈՒՄ
ԵՊՀ շրջանավարտների և կարիերայի կենտրոնն ինֆորմատիկայի և կիրառական մաթեմատիկայի ֆակուլտետի ուսանողների համար կազմակերպել էր տեղեկատվական հանդիպում՝ «Բիոտեխ ծրագրային ապահովման ճարտարագիտությունը թվային ճշգրիտ բժշկության մեջ» խորագրով: