25.12.2012 | 
Մշակույթ
ՀՈԲԵԼՅԱՆԱԿԱՆ ՀԱՄԵՐԳ
ՀՈԲԵԼՅԱՆԱԿԱՆ ՀԱՄԵՐԳ
Կոմիտասի անվան պետական լարային քառյակի 90-ամյակին նվիրված համերգների շարքը մեկնարկեց Մայր բուհում:

Այսօր ԵՊՀ մշակույթի կենտրոնի դահլիճում ԵՊՀ ղեկավարության եւ Մշակույթի կենտրոնի նախաձեռնությամբ աշխարհահռչակ քառյակը համալսարանականների ուշադրությանը ներկայացրեց ինչպես համաշխարհային դասականների, այնպես էլ Կոմիտասի մի շարք հայտնի ու սիրված ստեղծագործություններ:


Միջոցառմանը ներկա էին ԵՊՀ ուսանողների, շրջանավարտների եւ հասարակայնության հետ կապերի գծով պրոռեկտոր Ռուբեն Մարկոսյանը, Մշակույթի կենտրոնի տնօրեն Կարինե Դավթյանը եւ ուսանողներ: Հյուրերին նախ ողջունեց Կարինե Դավթյանը, ով շնորհակալություն հայտնեց քառյակին հոբելյանական համերգների մեկնարկը հենց ԵՊՀ-ում սկսելու համար, այնուհետեւ որոշ մանրամասներ ներկայացրեց քառյակի ստեղծման պատմությունից:


Ողջույնի խոսք ասաց պրոռեկտոր Ռուբեն Մարկոսյանը. «Մեզ համար մեծ պատիվ է այսօր ԵՊՀ մշակույթի կենտրոնի դահլիճում հյուրընկալել այսպիսի աշխարհահռչակ քառյակի: Շնորհակալ ենք, որ բուհական համերգների մեկնարկը Մայր բուհում է լինում»: Համալսարանականներին ողջունեց նաեւ 1967 թ-ից մինչեւ այսօր շուրջ 45 տարի քառյակը ղեկավարող ՀՀ ժողովրդական արտիստ, պետական մրցանակների ու միջազգային մրցույթների դափնեկիր, քառյակի առաջին ջութակ Էդուարդ Թադեւոսյանը:


«Մեզ համար հաճելի է եւ կրկնակի պատիվ է այսօր համալսարանականների առջեւ ելույթ ունենալը: Շնորհակալ ենք ջերմ ընդունելության համար»,- ասաց Էդուարդ Թադեւոսյանը: ժամանակին Խորհրդային միության լավագույն քառյակը համարվող Կոմիտասի անվան պետական լարային քառյակն աշխարհում գործող հնագույն քառյակն է, որը տաղանդաշատ երաժիշտներ Ավետ Գաբրիելյանի եւ Սարգիս Ասլամազյանի կողմից հիմնադրվել է 1924 թ-ին Մոսկվայում:


2014 թ-ին լրանում է քառյակի 90-ամյակը: Այդ առիթով ՀՀ մշակույթի նախարարության եւ Մշակույթի զարգացման հիմնադրամի աջակցությամբ քառյակն ամբողջ 2013 թ-ի ընթացքում կազմակերպելու է համերգների եւ միջոցառումների շարք:

Այլ նորություններ
ՄՇԱԿՈՒՅԹՆԵՐԻ ՀԱՂՈՐԴԱԿՑՈՒԹՅԱՆ ՓԱՅԼՈՒՆ ՕՐԻՆԱԿ ԵՊՀ-ՈՒՄ. ԱՇԱԿԵՐՏՆԵՐԸ ՀԱՆԴԵՍ ԵԿԱՆ ՖՐԱՆՍԻԱԿԱՆ ԵՐԳԵՐՈՎ ՈՒ ԱՍՄՈՒՆՔՈՎ
Այսօր ԵՊՀ Չարենցի անվան դահլիճում տեղի ունեցավ Մայր բուհում անցկացվող Ֆրանկոֆոնիայի օրերի շրջանակում մշակութային միջոցառում, որի ընթացքում հանրապետության մի քանի դպրոցների աշակերտներ հանդես եկան ֆրանսիական երգերով և ասմունքեցին ֆրանսիացի ժամանակակից գրողների բանաստեղծությունները:
«Ս. ԶԱՏԿԻՆ ՄԻՇՏ ԲԱԽՏ ԵՆ ԲԱԺԱՆՈՒՄ, ԵՎ ՈՎ ՑԵՐԵԿԸ ՔՆԻ, ԿԶՐԿՎԻ ԻՐ ԲԱԺԻՆ ԲԱԽՏԻՑ». ՀԱՐՑԱԶՐՈՒՅՑ ԵՊՀ ՊՐՈՖԵՍՈՐ ՍԱՄՎԵԼ ՄԿՐՏՉՅԱՆԻ ՀԵՏ
Այս տարի Հայ առաքելական եկեղեցին Ս. Զատիկը` Քրիստոսի հրաշափառ Հարության տոնը, կնշի ապրիլի 1-ին: Ի թիվս այլ Տաղավար տոների՝ (Պայծառակերպության տոն կամ Վարդավառ, Սբ. Աստվածածնի ննջման և վերափոխման տոն, Խաչվերաց) Ս. Զատիկը նույնպես շարժական տոն է և միշտ նշվում է գարնանային գիշերահավասարից հետո՝ լուսնի լրմանը հաջորդող առաջին կիրակի օրը: Ըստ այդմ, այն տեղաշարժվում է մարտի 22-ից ապրիլի 25-ն ընկած ժամանակահատվածում: