19.12.2008 | 
Ուսանողական
ԵՊՀ ՈւԽ-Ն ՆՈՐ ԿԱԶՄՈՎ ՀԱՍՏԱՏՎԱԾ Է
ԵՊՀ ՈւԽ-Ն ՆՈՐ ԿԱԶՄՈՎ ՀԱՍՏԱՏՎԱԾ Է
Հաստատվեց յոթերորդ գումարման Ուսանողական խորհրդի կազմը:

Յոթերորդ գումարման ՈՒԽ նախագահի պաշտոնում առաջադրվեց եւ գաղտնի քվեարկությամբ միաձայն ընտրվեց Միջազգային հարաբերությունների ֆակուլտետի մագիստրատուրայի ուսանող Ցոլակ Ակոպյանը: «Մեր նոր ձեւավորված Ուսխորհուրդը շարունակելու է նախորդի լավագույն ավանդույթները, այսինքն` աշխատելու է հանուն ուսանողության բարեկեցության»,- ասաց ՈւԽ նորընտիր նախագահ Ցոլակ Ակոպյանը:

 

Այնուհետեւ ընտրվեցին ՈՒԽ փոխնախագահ եւ քարտուղար: Փոխնախագահի պաշտոնը զբաղեցրեց Մարիաննա Գալոյանը, իսկ քարտուղարի պաշտոնում ընտրվեց Հարություն Ազգալդյանը: Հաստատվեցին նաեւ ՈՒԽ մշտական հանձնաժողովների նախագահները: Ընտրությունն անցկացվեց Ուսանողական խորհրդի ընտրական կարգի համաձայն. ընտրական հանձնաժողովում ընդգրկված էին չորս ներկայացուցիչ ռեկտորատից, մեկը` ՈՒԳԸ-ից, չորսը` ՈւԽ նախագահությունից, երկուսն էլ` Արհկոմիտեից: «Մինչ այսօր ընտրություններ էին ընթանում ֆակուլտետներում:

 

Ոչ մի խնդիր չի առաջացել, չհաշված փոքրիկ կոնֆլիկտային իրավիճակները, որովհետեւ, եթե կա ընտրություն, կա նաեւ կարծիքների բախում: Ամեն ինչ անցավ բարիդրացիական մթնոլորտում: Եվ կարծում եմ` ընտրվել են արժանիները, որոնք համալսարանի համար գործ կանեն»,- ասաց ընտրական հանձնաժողովի նախագահ Միհրան Հակոբյանը: Նախագահի առաջարկով ստեղծվեց նաեւ ժամանակավոր հանձնաժողով, որը 2009-ին զբաղվելու է ԵՊՀ 90-ամյակին նվիրված ուսանողական միջոցառումների կազմակերպման հարցերով:

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: