01.10.2007 | 
Գիտություն
ԱԹԱՅԱՆԱԿԱՆ ԸՆԹԵՐՑՈՒՄՆԵՐ
ԱԹԱՅԱՆԱԿԱՆ ԸՆԹԵՐՑՈՒՄՆԵՐ
Հոկտեմբերի 1-ին ԵՊՀ Չարենցի անվան դահլիճում մեկնարկեց «Աթայանական ընթերցումներ» խորագրով միջազգային գիտաժողովը:

Ակադեմիկոս Էդուարդ Աթայանի ծննդյան 75-ամյակին նվիրված գիտաժողովի նախագահ, Կանադայի Մակգիլ համալսարանի պրոֆեսոր Դորա Սաքայանը բացման խոսքում հույս հայտնեց, որ գիտաժողովը հիմք կդնի աթանայական մտքի լայն տարածմանը ինչպես Հայաստանում, այնպես էլ ամբողջ աշխարհում: 

«Էդուարդ Աթայանն այն այցեքարտն է, որով մեր ժողովուրդը կարող է ներկայանալ աշխարհի բոլոր երկրներին, ինչքան էլ նրանք մեծ լինեն իրենց կատարած գործերով: Նա այցեքարտ է, որով հայ ժողովուրդը կարող է մտնել համաշխարհային գիտության եւ մշակույթի աշխարհ»,- նշեց փիլիսոփայական գիտությունների դոկտոր, պրոֆեսոր, ակադեմիկոս Գեւորգ Բրուտյանը:

Միջազգային գիտաժողովի հիմնական ուղղություններն են` լեզվափիլիսոփայություն, փիլիսոփայություն, տիպաբանություն, նշանագիտություն: Հայաստանյան գիտնականներից բացի` զեկույցներով հանդես կգան նաեւ մասնագետներ Կանադայից եւ Հոլանդիայից: 

«Հանձին Աթայանի` մենք գործ ունեինք մի անհատականության հետ, ում նմաններին մի ժամանակ կոչում էին եթե ոչ տիտաններ, ապա հանրագիտակներ, իսկ նման մարդիկ մեր գիտության երկնակամարում այսօր գրեթե չկան»,- ասաց ԵՊՀ ռեկտոր Արամ Սիմոնյանն ու կոչ արեց գիտաժողովը դարձնել ավանդական:

Գիտաժողովի վերջին օրը` հոկտեմբերի 3-ին, ԵՊՀ Պալյանների անվան դահլիճում նախատեսվում է կլոր սեղան կազմակերպել: Իսկ օրվա երկրորդ կեսին մասնակիցները ծաղիկներ կդնեն ակադեմիկոսի գերեզմանին:

Այլ նորություններ
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը:
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒ ՄՈՍԿՎԱՅԻ Մ. ԼՈՄՈՆՈՍՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ՄԱՍՆԱՃՅՈՒՂԻ ՄԻՋԵՎ
Երևանի պետական համալսարանի տնտեսագիտության և կառավարման ֆակուլտետի ու Մոսկվայի Մ. Լոմոնոսովի պետական համալսարանի Երևանի մասնաճյուղի միջև այսօր կնքվել է համագործակցության համաձայնագիր։