06.10.2022 | 
Ուսանողական, Կրթություն
ԵՊՀ ՈՒՍԱՆՈՂՆԵՐԸ ԾԱՆՈԹԱՆՈՒՄ ԵՆ ԷՐԻՍՏԻԿԱՅԻ ՀԻՄՈՒՆՔՆԵՐԻՆ
ԵՊՀ ՈՒՍԱՆՈՂՆԵՐԸ ԾԱՆՈԹԱՆՈՒՄ ԵՆ ԷՐԻՍՏԻԿԱՅԻ ՀԻՄՈՒՆՔՆԵՐԻՆ
ԵՊՀ իրավագիտության ֆակուլտետի ուսանողական խորհրդի բանավեճի մասնագիտացված ակումբը շարունակական հաջողություններ գրանցելուց հետո մեկնարկել է իր նոր՝ աշնանային առաջնությունը, որի շրջանակում անցկացվում են նախապատրաստական դասընթացներ և դասախոսություններ:

«Բանավեճի ֆորմատ» թեմայով դասախոսության ընթացքում ակումբի նորընտիր մասնակիցները ծանոթացել են բանավիճելու արվեստին, մասնագիտական բանավեճերի ֆորմատին, կառուցվածքային հիմնական բնութագրիչներին և առանձնահատկություններին։

 

Դասընթացի նպատակն էր մասնակիցներին տալ գրագետ, բովանդակային գիտելիքներ՝ հիմնավոր ու տրամաբանված տեսակետներ արտահայտելու, թիրախային և ազդեցիկ խոսելու և բանավեճի հիմունքների վերաբերյալ:

         

 

Բովանդակային կողմից զատ՝ անդրադարձ կատարվել է բանավեճային առանձնահատկություններին, մասնավորապես՝ խոսնակների պարտականություններին, ժամանակի արդյունավետ օգտագործմանը, լեզվաոճական նրբություններին, թեմայի սահմանները ճիշտ գծելուն,  հիմնական հասկացությունների սահմանումներին և թիմային աշխատանքի կարևորությանը: Կառուցվածքային տեսանկյունից կարևոր դիտարկումներ են արվել պմդում-փաստ-փաստարկում դոգմայի վերաբերյալ։

 

Որպես բանախոս հանդես է եկել ԵՊՀ իրավագիտության ֆակուլտետի մագիստրանտ, ԵՊՀ ուսխորհրդի բանավեճի ակումբի նախագահ Դավիթ Թովմասյանը՝ ուսանողներին տալով մի շարք խորհուրդներ:

 

 

«Բանավիճելիս մշտապես գծեք ձեր սահմանները և ցանկացած պարագայում մնացեք ձեր առանցքում ու «խաղադաշտում»․ այդ դեպքում հաղթանակը միանշանակ կլինի, իսկ բովանդակային բանավեճը՝ ապահովված»,- նշել է Դ. Թովմասյանը։

 

 

Նշենք, որ բանավեճի մասնագիտացված ակումբի շրջանակում արծարծվել են արդիական թեմաներ, հատկապես առանցքային կարևորության օրենսդրական նախագծերի, գործող օրենքների, դրանց արդյունավետության հիմնախնդիրների վերաբերյալ, ինչը մեծ հետքրքրություն է առաջացնում ուսանողների շրջանում: Առաջնությանը մասնակցում է ավելի քան 40 ուսանող։

Այլ նորություններ
«ԹՎԱՅԻՆ ՄԱՐՔԵԹԻՆԳԻ ԴԵՐԸ ԲԻԶՆԵՍՈՒՄ» ԽՈՐԱԳՐՈՎ ՎԱՐՊԵՏՈՒԹՅԱՆ ԴԱՍ ԵՊՀ-ՈՒՄ
ԵՊՀ տնտեսագիտության և կառավարման ֆակուլտետում կառավարման և գործարարության ամբիոնի և «SSB Academy»-ի նախաձեռնությամբ անցկացվեց վարպետության դաս, որի հիմնական նպատակն էր ուսանողներին տալ պրակտիկ գիտելիք և հմտություններ:
ԿԱՅԱՑԵԼ Է «ՀԱՅԱՍՏԱՆԸ, ՄԻԱՑՅԱԼ ՆԱՀԱՆԳՆԵՐԸ ԵՎ ՏԱՐԱԾԱՇՐՋԱՆԱՅԻՆ ՓՈԽԱԿԵՐՊՈՒՄՆԵՐԸ ԵՎՐԱՍԻԱՅՈՒՄ. ԱՆԴՐԱԶԳԱՅԻՆ ՓՈԽԸՄԲՌՆՄԱՆ ԸՆԴԼԱՅՆՈՒՄ» ԽՈՐԱԳՐՈՎ ԳԻՏԱԺՈՂՈՎԻ ԵՐԿՐՈՐԴ ՆԻՍՏԸ
Ս․թ․ դեկտեմբերի 3-ին ԵՊՀ գիտխորհրդի նիստերի դահլիճի նախասրահում տեղի է ունեցել կլոր սեղան-քննարկում ԵՊՀ-ի և Արիզոնայի պետական համալսարանների կազմակերպած և ԵՊՀ Ամերիկյան հետազոտությունների կենտրոնի գործունեության շրջանակում իրականացվող միջազգային գիտաժողովի շրջանակում։