22.12.2006 | 
Կրթություն
ԱՄՓՈՓՎՈՒՄ ԵՆ ԱՐԴՅՈՒՆՔՆԵՐԸ
ԱՄՓՈՓՎՈՒՄ ԵՆ ԱՐԴՅՈՒՆՔՆԵՐԸ
Դեկտեմբերի 22-ին ԵՊՀ Պալյանների անվան դահլիճում ՀՀ կրթության և գիտության նախարարությունը կազմակերպել էր կոնֆերանս:

Շուրջ երեք ժամ շարունակվող կոնֆերանսը կրում էր «Կրեդիտային համակարգին անցած բարձրագույն ուսումնական հաստատությունների փորձի վերլուծության և արդյունքների ընդհանրացում» խորագիրը:

Կրեդիտային համակարգին անցած վեց բարձրագույն ուսումնական հաստատություների ներկայացուցիչներ կոնֆերանսի ընթացքում ներկայացրեցին իրենց բուհերում իրականացրած աշխատանքները: Քննարկվեցին այդ գործընթացում ծագած խնդիրներն ու ապագա ծրագրերը:

«Ամեն ինչից զատ Բոլոնիայի գործընթացի շրջանակներում զգալի զարգանում է ՀՀ պետական բուհերի համագործակցությունը և սա, իմ կարծիքով, այն ճանապարհն է, որով կարելի է իրականություն դարձնել այս բոլոր անհրաժեշտ բարեփոխումները»,- իր զեկույցում նշեց ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը:

Առավել ուշագրավ էր Հայաստանի պետական տնտեսագիտական համալսարանի պրոռեկտոր Վարդան Սարգսյանի ելույթը, քանի որ ՀՊՏՀ-ի այս ուսումնական տարվա բոլոր առաջին կուրսեցիներն իրենց ուսուցումն սկսել են կրեդիտային համակարգով: Պրոռեկտորը ներկայացրեց արդեն իսկ զգալի դրական արդյունքներն ու խոսեց սպասվելիք գործընթացների մասին:

«Կարծում եմ ժամանակն է մի կողմ դնել զուտ տեսական սահմանումները և սկսել խոսել մեր արած աշխատանքների մասին միայն: Հույս ունեմ, որ նմանատիպ հանդիպումներն այսուհետ կլինեն առավել գործնական և արդյունավետ»,- կոնֆերանսի վերջում նշեց ՀՀ կրթության և գիտության փոխնախարար տեղակալ Արա Ավետիսյանը:

Կրթության եւ գիտության նախարար Լևոն Մկրտչյանը բոլոր ռեկտորներին հրավիրեց ԱՊՀ երկրների նախագահների հումանիտար կրթական ծրագրերի գծով խորհրդականների հետ հանդիպմանը: Հանդիպումը տեղի կունենա դեկտեմբերի 23-ին ԵՊՀ գիտխորհրդի նիստերի դահլիճում:

Այլ նորություններ
ԵՊՀ ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏՆ ԱՆՈՒՄ Է ԱՄԵՆ ՀՆԱՐԱՎՈՐԸ՝ ՀԵՌԱՎԱՐ ՈՒՍՈՒՑՈՒՄԸ ՊԱՏՇԱՃ ԻՐԱԿԱՆԱՑՆԵԼՈՒ ՀԱՄԱՐ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։
«ՖԱԿՈՒԼՏԵՏՈՒՄ ԱՄԲՈՂՋ ԾԱՎԱԼՈՎ ԻՐԱԿԱՆԱՑՎՈՒՄ ԵՆ ՆԱԽԱՏԵՍՎԱԾ ԲՈԼՈՐ ԴԱՍԵՐԸ». ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՆ ԱՄՓՈՓԵԼ Է ՆԱԽՈՐԴ ՇԱԲԱԹՎԱ ԸՆԹԱՑՔՈՒՄ ԻՐԱԿԱՆԱՑՎԱԾ ՀԵՌԱՎԱՐ ՈՒՍՈՒՑՄԱՆ ԳՈՐԾԸՆԹԱՑԸ
Այսօր տեղի է ունեցել ԵՊՀ իրավագիտության ֆակուլտետի դեկանատի ընդլայնված հեռավար նիստ՝ դեկանի, դեկանի տեղակալների, ամբիոնների վարիչների, լաբորանտների, առկա և հեռակա ուսուցման բակալավրիատի և մագիստրատուրայի բոլոր կուրսերի ու խմբերի ավագների մասնակցությամբ։