09.11.2022 | 
Կրթություն, Հասարակություն
ԵՊՀ ԱՇԽԱՐՀԱԳՐՈՒԹՅԱՆ ԵՎ ԵՐԿՐԱԲԱՆՈՒԹՅԱՆ ՖԱԿՈՒԼՏԵՏՆ ԸՆԴԼԱՅՆՈՒՄ Է ՀԱՄԱԳՈՐԾԱԿՑՈՒԹՅՈՒՆՆԵՐԻ ՇՐՋԱՆԱԿԸ
ԵՊՀ ԱՇԽԱՐՀԱԳՐՈՒԹՅԱՆ ԵՎ ԵՐԿՐԱԲԱՆՈՒԹՅԱՆ ՖԱԿՈՒԼՏԵՏՆ ԸՆԴԼԱՅՆՈՒՄ Է ՀԱՄԱԳՈՐԾԱԿՑՈՒԹՅՈՒՆՆԵՐԻ ՇՐՋԱՆԱԿԸ
ԵՊՀ աշխարհագրության և երկրաբանության ֆակուլտետում տեղի ունեցավ հանդիպում Սեյսմիկ ռիսկի գլոբալ մոնիթորինգի միջազգային կենտրոնի տնօրեն, ֆ.մ.գ.դ. Սամվել Հակոբյանի հետ՝ քննարկելու երկկողմ համագործակցության հեռանկարները։

Աշխարհագրության և երկրաբանության ֆակուլտետը մշտապես աշխատում է տարբեր ձեռնարկությունների ու հիմնարկների հետ համագործակցային հարաբերություններ ձեռք բերելու ուղղությամբ՝ այդպիսով ֆակուլտետի ուսանողների համար ստեղծելով կարիերայի և աշխատանքի նոր հնարավորություններ:

 

Ֆակուլտետի դեկան, ե․գ․թ․, դոցենտ Մարատ Գրիգորյանն ընդգծեց, որ անչափ կարևոր է ունենալ տվյալ մասնագիտացմամբ որակյալ մասնագետներ երկրի սեյսմիկ ռիսկերի գնահատման աշխատանքներ կատարելու համար:

 

 

Մեզ հետ զրույցում Մ. Գրիգորյանը նշեց, որ երկկողմ համագործակցության շնորհիվ ուսանողները նորաբաց կենտրոնում կանցնեն պրակտիկա, որի համար կվարձատրվեն, ապա հնարավորություն կունենան աշխատանքի ընդունվելու: Մ. Գրիգորյանը հավելեց, որ համագործակցության շրջանակում գործընկերները կկազմակերպեն փոխադարձ դասախոսություններ, համատեղ կկատարեն գիտական ուսումնասիրություններ:

 

Սեյսմիկ ռիսկի գլոբալ մոնիթորինգի միջազգային կենտրոնի տնօրեն, ֆ.մ.գ.դ. Սամվել Հակոբյանը ներկայացրեց նորաստեղծ կազմակերպության հիմնական խնդիրները, իրենց աշխատանքի բնույթը և կարևորություն երկրաբանության, երկրաֆիզիկայի, մաթեմատիկայի և ֆիզիկայի բնագավառներում:

 

 

Անդրադառնալով Երևանի պետական համալսարանի հետ համագործակցությանը՝ նա վստահեցրեց, որ ԵՊՀ-ն գիտակրթական լավագույն կենտրոնն է: Ս. Հակոբյանի հավաստմամբ՝ երկկողմ համագործակցությունը կնպաստի սեյսմիկ ռիսկերի խնդիրների նվազմանը:

 

 

Նշենք, որ հանդիպմանը ներկա էին ֆակուլտետի պրոֆեսորադասախոսական կազմի ներկայացուցիչներ, ուսանողներ, շրջանավարտներ, որոնք հանդիպման վերջում բանախոսին ուղղեցին իրենց հետաքրքրող հարցերը:

 

Այլ նորություններ
ԵՊՀ ՖԻԶԻԿԱՅԻ ՖԱԿՈՒԼՏԵՏԸ ՇԱՐՈՒՆԱԿՈՒՄ Է ԸՆԴԼԱՅՆԵԼ ՀԱՄԱԳՈՐԾԱԿՑՈՒԹՅՈՒՆՆԵՐԻ ՇՐՋԱՆԱԿԸ
ԵՊՀ ֆիզիկայի ֆակուլտետում Տվենտեի համալսարանի պրոֆեսոր, Մոսկվայի ֆիզիկատեխնիկական ինստիտուտի լաբորատորիայի ղեկավար Ալեքսանդր Գոլուբովն անցկացրեց «Քվանտային տոպոլոգիայի ֆենոմենը գերհաղորդական համակարգում» թեմայով սեմինար:
ՏԱՐԻՆ ՉԱՐԵՆՑՅԱՆ Է. ԵՊՀ ՈՒՍԱՆՈՂՆԵՐԸ ԿԱՐԴՈՒՄ ԵՆ ՊՈԵՏԻ ԵՐԿԵՐԻ ՌՈՒՍԵՐԵՆ ԹԱՐԳՄԱՆՈՒԹՅՈՒՆՆԵՐԸ
ԵՊՀ ռուս բանասիրության ֆակուլտետում տեղի ունեցավ «Եղիշե Չարենցը ռուս պոետների թարգմանություններում» խորագրով միջոցառում՝ նվիրված մեծ գրողի 125-ամյակին: