15.10.2007 | 
Հասարակություն
ՀԱՅ ԴՈՒԴՈՒԿԻ ԵՐԳԸ ՌՈՒՍԵՐԵՆ
ՀԱՅ ԴՈՒԴՈՒԿԻ ԵՐԳԸ ՌՈՒՍԵՐԵՆ
«Միակ նպատակը, որին ձգտում եմ, այն է, որ մեր երկու ժողովուրդները երբեք չկորցնեն իրենց ընկերությունը»,- ասաց Անատոլի Եգինը:

Այսօր Պալեանների անվան դահլիճում ԵՊՀ-ն հյուրընկալեց Ռուսաստանի վաստակավոր բժիշկ, հասարակական եւ քաղաքական գործիչ, Վոլգոգրադի քաղաքային դումայի պատգամավոր, քաղաքային դումայի «Միացյալ Ռուսաստան» խմբակցության նախագահ, բանաստեղծ եւ հայերի մեծ բարեկամ Անատոլի Եգինին:

«Նա խորությամբ ուսումնասիրել է հայ ազգի եւ նրա մշակույթի պատմությունը, հրաշալի գիտի մեր բոլոր պատմական հուշարձանները, իսկ Հայաստանի հանդեպ նրա սերն իր արտացոլումն է գտել նաեւ իր գրած բանաստեղծություններում»,- ասաց ԵՊՀ ռուս բանասիրության ֆակուլտետի դեկան Պավել Բալայանը:

Հայ ժողովրդի մեծ բարեկամն արդեն տասներորդ անգամ է Հայաստանում, սակայն առաջին անգամ է այցելում ԵՊՀ: 

Երկու բանաստեղծական ժողովածուների հեղինակը համալսարանականներին ներկայացրեց իր «Դուդուկի երգերը» պոեմը: Հայ ժողովրդի պատմության գրեթե ողջ ընթացքը ներկայացնող պոեմը նվիրված է Հայոց մեծ եղեռնին եւ առաջին անգամ հնչել է այս տարվա ապրիլի 24-ին:

Ներկաները հնարավորություն ունեցան «Դուդուկի երգերը» լսել ամբողջությամբ: Դուդուկի կենդանի երաժաշտության ուղեկցությամբ պոեմը կարդացին հեղինակը` Անատոլի Եգինը, եւ Վոլգոգրադում Երեւանի ներկայացուցիչ Աշոտ Գրիգորյանը: Պոեմի վերջին լավատեսական տողերից հետո Նոր Նորք համայնքի պարի խումբը պարեց հայկական «Բերդը»:

Շնորհակալական ելույթից հետո ԵՊՀ ռեկտոր Արամ Սիմոնյանը Անատոլի Եգինին հանձնեց ԵՊՀ արծաթե մեդալ:

«Ի նշան մեր ժողովուրդների բարեկամությունը ամրապնդող Ձեր ծավալած գործունեության, ի նշան Երեւանի եւ Վոլգոգրադի համագործակցության եւ ի նշան Ձեր` ԵՊՀ այցելության մասին բարի հուշերի»,- ասաց ԵՊՀ ռեկտոր Արամ Սիմոնյանը:

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՄԱԼՍԱՐԱՆԱԿԱՆՆԵՐՆ ԱՄԱՆՈՐԸ ԿԱՐՈՂ ԵՆ ԱՆՑԿԱՑՆԵԼ ԾԱՂԿԱՁՈՐԻ ՈԻՍՈԻՄՆԱԱՐՏԱԴՐԱԿԱՆ ԲԱԶԱՅՈՒՄ
Այս տարի ևս ԵՊՀ հիմնական աշխատակիցներն ու բոլոր ցանկացողներն իրենց ամանորյա տոները 31.12.2020-06.01.2021 թթ. ընկած ժամանակահատվածում կարող են անցկացնել Ծաղկաձորի ուսումնաարտադրական բազայում։