23.06.2020 | 
Հասարակություն
«ԵՍ ԵՐՋԱՆԻԿ ԵՄ ԹԵԿՈՒԶ ԱՅՍ ՊԱՅՄԱՆՆԵՐՈՒՄ ԵՊՀ-ԻՆ՝ ՄԱՍՆԱՎՈՐԱՊԵՍ ԻՄ ՖԱԿՈՒԼՏԵՏԻՆ, ՈՐԸ ՄԵԾ ԱՎԱՆԴ Է ՈՒՆԵՑԵԼ ԻՄ ԿԱՅԱՑՄԱՆ ԳՈՐԾՈՒՄ, ՆՎԻՐԵԼՈՒ ԻՄ ԳԵՂԱՆԿԱՐՆԵՐԸ ». ԳՐԻՇԱ ՂԱՐԻԲՅԱՆ
«ԵՍ ԵՐՋԱՆԻԿ ԵՄ ԹԵԿՈՒԶ ԱՅՍ ՊԱՅՄԱՆՆԵՐՈՒՄ ԵՊՀ-ԻՆ՝ ՄԱՍՆԱՎՈՐԱՊԵՍ ԻՄ ՖԱԿՈՒԼՏԵՏԻՆ, ՈՐԸ ՄԵԾ ԱՎԱՆԴ Է ՈՒՆԵՑԵԼ ԻՄ ԿԱՅԱՑՄԱՆ ԳՈՐԾՈՒՄ, ՆՎԻՐԵԼՈՒ ԻՄ ԳԵՂԱՆԿԱՐՆԵՐԸ ». ԳՐԻՇԱ ՂԱՐԻԲՅԱՆ
ԵՊՀ տնտեսագիտության և կառավարման ֆակուլտետն այսօր «Zoom» հարթակի օգնությամբ կազմակերպել էր առցանց հոբելյանական հանդիպում՝ նվիրված ՀՀ ԳԱԱ թղթակից անդամ, պրոֆեսոր Գրիշա Ղարիբյանին, որի ընթացքում հոբելյարն իր գեղանկարները նվիրեց ֆակուլտետի կառուցվածքային ստորաբաժանումներին:

Առցանց հանդիպմանը մասնակցում էին ԵՊՀ ռեկտորի ժ.պ.  Գեղամ Գևորգյանը, Տնտեսագիտության և կառավարման ֆակուլտետի դեկան Հայկ Սարգսյանը, պրոֆեսոր Գրիշա Ղարիբյանը, ամբիոնի վարիչներ և դասախոսներ:

 

Ներկաներին ողջունեց Հայկ Սարգսյանը և տեղեկացրեց, որ վերջերս պրոֆեսոր Գրիշա Ղարիբյանը տոնել է իր հոբելյանական 90-ամյակը:

 

«Հոբելյարը մեծ նվիրումով և պատրաստակամությամբ ԵՊՀ-ին՝մասնավորապես իր հարազատ ֆակուլտետին է հանձնելու իր գեղանկարները, որոնցով հիանալու են ներկա և գալիք սերունդները»,- նկատեց դեկանը:

 

Ողջունելով և շնորհավորելով պրոֆեսորին 90-ամյակի առթիվ՝ ԵՊՀ ռեկտորի ժ.պ. Գեղամ Գևորգյանը նրան մաղթեց առողջություն և երկար տարիների ստեղծագործական կյանք․ «Վերջերս, երբ այցելեցի Ձեզ, նկատեցի, թե որքան գեղեցիկ է Ձեզ շրջապատող բնաշխարհը, ինչն էլ Ձեր հաջողված գեղանկարների «նախասկիզբն» է: Շատ գեղանկարիչներ կերազեին ապրելու այն վայրում, որտեղ Դուք եք ապրում և ստեղծագործում»:

 

Շնորհակալություն հայտնելով առցանց հանդիպման և հնչած բոլոր շնորհավորանքների համար՝ մեծավաստակ պրոֆեսորը նշեց, որ մարդու ամենավառ արժանիքներից մեկը, ըստ իրեն, մարդկանց բարիք բաշխելը պետք է լինի․ «Ես երջանիկ եմ թեկուզ այս պայմաններում ԵՊՀ-ին՝ մասնավորապես իմ ֆակուլտետին, որը մեծ ավանդ է ունեցել իմ կայացման գործում, նվիրելու իմ գեղանկարները: Թո՛ղ դրանք երջանկություն և հաջողություն բերեն մեր սերունդներին»։

 

Խոսելով ներկա իրավիճակի և առկա դժվարությունների մասին՝ Գ. Ղարիբյանը հույս հայտնեց, որ շուտով հանդիպելու են և նշելու են նորանոր առիթներ:

 

 

Նշենք, որ գեղանկարներն իրենց տեղն են գտնելու ԵՊՀ տնտեսագիտության և կառավարման ֆակուլտետի 5 ամբիոններում:

 

Անգին Խաչատրյան

 

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՄԱԼՍԱՐԱՆԱԿԱՆՆԵՐՆ ԱՄԱՆՈՐԸ ԿԱՐՈՂ ԵՆ ԱՆՑԿԱՑՆԵԼ ԾԱՂԿԱՁՈՐԻ ՈԻՍՈԻՄՆԱԱՐՏԱԴՐԱԿԱՆ ԲԱԶԱՅՈՒՄ
Այս տարի ևս ԵՊՀ հիմնական աշխատակիցներն ու բոլոր ցանկացողներն իրենց ամանորյա տոները 31.12.2020-06.01.2021 թթ. ընկած ժամանակահատվածում կարող են անցկացնել Ծաղկաձորի ուսումնաարտադրական բազայում։