20.02.2020 | 
Կրթություն
ՄԱՍՆԱԳԻՏԱԿԱՆ ԳԻՏԵԼԻՔՆԵՐ ԵՎ ՓՈՐՁԻ ՓՈԽԱՆԱԿՈՒՄ ԵՊՀ ՖԱՐՄԱՑԻԱՅԻ ԻՆՍՏԻՏՈՒՏՈՒՄ
ՄԱՍՆԱԳԻՏԱԿԱՆ ԳԻՏԵԼԻՔՆԵՐ ԵՎ ՓՈՐՁԻ ՓՈԽԱՆԱԿՈՒՄ ԵՊՀ ՖԱՐՄԱՑԻԱՅԻ ԻՆՍՏԻՏՈՒՏՈՒՄ
ԵՊՀ ֆարմացիայի ինստիտուտում այսօր «ԷՖ ԷՄ ԴԻ ՔԵՅ ԷԼ ԵՎՐՈՊԱ» (FMD K&L Europe) ՍՊԸ-ի ներկայացուցիչները հանդես են եկել մասնագիտական դասընթացով:

«ԷՖ ԷՄ ԴԻ ՔԵՅ ԷԼ ԵՎՐՈՊԱ» ՍՊԸ-ն միջազգային ՊՀԿ է, որը միջազգային դեղագործական և բուժպարագաների ընկերությունների համար առաջարկում է «ICH GCP» համատեղելի կլինիկական հետազոտական ծառայությունների ամբողջական փաթեթ:

 

Դասընթացի նպատակների, ուսանողների ներգրավվածության մասին ysu.am-ը զրուցեց «ԷՖ ԷՄ ԴԻ ՔԵՅ ԷԼ ԵՎՐՈՊԱ» ՍՊԸ-ի դեղերի կանոնակարգման բաժնի ղեկավարի տեղակալ Վահե Հունանյանի հետ:

 

Մասնագետը, որը ԵՊՀ ֆարմացիայի ինստիտուտի շրջանավարտ է եղել, նշեց, որ վերոնշյալ դասընթացների միջոցով նպատակ ունեն իրենց գործնական գիտելիքներն ու հմտությունները փոխանցելու ուսանողներին՝ նպաստելով նրանց՝ ոլորտի համար փորձառու մասնագետներ դառնալուն:

 

«Մեր նպատակն է վերոնշյալ դասընթացները դարձնել շարունակական՝ ներառելով ԵՊՀ բնագիտական ֆակուլտետների ավելի լայն խմբեր»,- ասաց Վ. Հունանյանը:

 

Դասընթացի ժամանակ մասնագետներն անդրադարձան կլինիկական հետազոտությունների, դեղերի ծագման, հայտնագործման, հետազոտման, արտադրության փուլերին և առանձնահատկություններին:

Նշենք, որ մասնագիտական դասընթացը կազմակերպվել էր փորձնական նպատակով, հետագայում 3-րդ և 4-րդ կուրսի ուսանողների համար 6-ամսյա դասընթաց և վերապատրաստման ծրագիր անցկացնելու ակնկալիքով: 

 

Անգին Խաչատրյան

Այլ նորություններ
ԶԲՈՍԱՇՐՋՈՒԹՅԱՆ ԱՌՋԵՎ ԾԱՌԱՑԱԾ ԽՆԴԻՐՆԵՐԸ ԵՎ ԼՈՒԾՄԱՆ ՃԱՆԱՊԱՐՀՆԵՐԸ. ԱՆՎՃԱՐ ԴԱՍԸՆԹԱՑՆԵՐ ՈԼՈՐՏՈՎ ՀԵՏԱՔՐՔՐՎՈՂՆԵՐԻ ՀԱՄԱՐ
ԵՊՀ աշխարհագրության և երկրաբանության ֆակուլտետի սերվիսի ամբիոնի դոցենտ Գոռ Ալեքսանյանը նախաձեռնել է հեռավար ուսուցմանը լրացնող առցանց անվճար դասընթացներ, որոնց օգնությամբ թե՛ ամբիոնի ուսանողները, թե՛ոլորտով հետաքրքրվողները կիրազեկվեն բնագավառում առկա խնդիրների մասին և կծանոթանան դրանց լուծման ճանապարհներին։
ՀԵՌԱՎԱՐ ՈՒՍՈՒՑՈՒՄՆ ԱՌԱՎԵԼ ԱՐԴՅՈՒՆԱՎԵՏ ԿԱԶՄԱԿԵՐՊԵԼՈՒ ՀԱՄԱՐ ԵՊՀ ՈՒՍՈՒՑՄԱՆ ԿԱՌԱՎԱՐՄԱՆ ԱՌՑԱՆՑ ՀԱՐԹԱԿՈՒՄ ՆԵՐԴՐՎԵԼ Է ՆՈՐ ԳՈՐԾԻՔ
ԵՊՀ ուսուցման կառավարման առցանց հարթակում՝ https://e-learning.ysu.am-ում («Moodle»), բացի արդեն առկա առցանց դասախոսությունների իրականացման («Webinar», «Bigbluebutton») համակարգերից՝ ներդրվել է նաև «Zoom» (վիդեոկոնֆերանս, վեբկոնֆերանս) գործիքը։