08.06.2022 | 
Կրթություն, Գիտություն
ՄԱՍՆԱԳԻՏԱԿԱՆ ՀՈԳԵԲԱՆԱՍՈՑԻԱԼԱԿԱՆ ԿԱՐՈՂՈՒՆԱԿՈՒԹՅՈՒՆՆԵՐԻ (ԿՈՄՊԵՏԵՆՑԻԱՆԵՐԻ) ՎԵՐԱՁԵՎԱՎՈՐՈՒՄԸ ՃԳՆԱԺԱՄԱՅԻՆ ՊԱՅՄԱՆՆԵՐՈՒՄ (COVID-19, ԱՌՑԱՆՑ ԿՐԹՈՒԹՅՈՒՆ, ՀԵՏՊԱՏԵՐԱԶՄՅԱՆ ԻՐԱԴՐՈՒԹՅՈՒՆ). ԳԻՏԱԿԱՆ ԹԵՄԱ
ՄԱՍՆԱԳԻՏԱԿԱՆ ՀՈԳԵԲԱՆԱՍՈՑԻԱԼԱԿԱՆ ԿԱՐՈՂՈՒՆԱԿՈՒԹՅՈՒՆՆԵՐԻ (ԿՈՄՊԵՏԵՆՑԻԱՆԵՐԻ) ՎԵՐԱՁԵՎԱՎՈՐՈՒՄԸ ՃԳՆԱԺԱՄԱՅԻՆ ՊԱՅՄԱՆՆԵՐՈՒՄ (COVID-19, ԱՌՑԱՆՑ ԿՐԹՈՒԹՅՈՒՆ, ՀԵՏՊԱՏԵՐԱԶՄՅԱՆ ԻՐԱԴՐՈՒԹՅՈՒՆ). ԳԻՏԱԿԱՆ ԹԵՄԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Մասնագիտական հոգեբանասոցիալական կարողունակությունների (կոմպետենցիաների) վերաձևավորումը ճգնաժամային պայմաններում (COVID-19, առցանց կրթություն, հետպատերազմյան իրադրություն)» գիտական թեման: Այն ներկայացրել է ԵՊՀ հոգեբանության ֆակուլտետի՝ ընդհանուր հոգեբանության ամբիոնը: Թեմայի շուրջ զրուցել ենք աշխատանքային խմբի ղեկավար, հ․գ․թ․, պրոֆեսոր Վարդուհի Պապոյանի հետ:

Հասարակությունը վերջին մեկ տարում առնչվել է առողջապահական, կրթական ու պատերազմական բարդ իրողությունների, հետևաբար առավել քան արդիական է մասնագիտական կարողունակությունների, հատկապես հոգեբանասոցիալական կարողունակությունների վերաձևավորման և զարգացման գնահատումն ու հետազոտումը:

 

Մեզ հետ զրույցում Վ. Պապոյանը նշեց, որ ուսումնասիրության նպատակն է վերանայել և հետազոտական ճանապարհով բացահայտել տարբեր մասնագիտությունների համար մինչ այժմ ամրագրված կարողունակությունները, համալրել դրանք սոցիալ-հոգեբանական այն նոր որակներով ու հմտություններով, որոնք նշանակալի կլինեն ճգնաժամային պայմաններում փոխակերպված գործառույթների սահմանափակումները լրացնելու և առաջացած խնդիրները արդյունավետ կերպով լուծելու համար:

 

 

«Հետազոտության արդյունքում նախատեսում ենք ստեղծել մասնագիտական հոգեբանասոցիալական կարողունակությունների եռամակարդակ մոդել, որը կապահովի մասնագետի զարգացման և կայացման ուղին: Այն ուղղված կլինի մասնագիտական հոգեբանասոցիալական կարողունակությունների վերաձևավորմանը և առաջադրմանը, հատկապես մեր հասարակության համար ներկայումս առավել պահանջված կոնկրետ մասնագետների՝ ռազմական բժիշկների, բուժքույրերի, հոգեբանների, ռազմական հոգեբանների, նախնական զինվորական պատրաստության ուսուցիչների, տարբեր բնագավառների այլ գիտնականների ու մանկավարժների համար»,- նշեց Վ. Պապոյանը:

 

 

Նշենք, որ մասնագիտական կարողությունների վերաձևավորումից և հստակեցումից հետո ստացված ելքային արդյունքները կներկայացվեն ԵՊՀ որակի ապահովման կենտրոն:

 

Գիտական խմբում ընդգրկված են նաև ամբիոնի դասախոս Ալինա Գալստյանը, հ.գ․թ., դոցենտ Դիանա Սարգսյանը և երիտասարդ մասնագետ Միլենա Կարապետյանը:

 

Այլ նորություններ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԻՐԱՎԱԲԱՆԱԿԱՆ ԿԼԻՆԻԿԱՅԻ ՈՒՍԱՆՈՂՆԵՐՆ ՍՏԱՑԱՆ ՎԿԱՅԱԿԱՆՆԵՐ
ԵՊՀ իրավագիտության ֆակուլտետի դատական նիստերի դահլիճում տեղի ունեցավ ֆակուլտետի իրավաբանական կլինիկայում որպես կամավոր ընդգրկված 28 ուսանողների վկայականների հանձնման արարողությունը:
«ՄԵՐ ԴԱՍԱԽՈՍՆԵՐԸ ՑՈՒՅՑ ԵՆ ՏԱԼԻՍ ԴԵՊԻ ՀԱՋՈՂՈՒԹՅՈՒՆ ՏԱՆՈՂ ՃԱՆԱՊԱՐՀԸ». ԵՊՀ ՇՐՋԱՆԱՎԱՐՏ ՋՈԶԵՖ ՄՈՄՋՅԱՆ
ԵՊՀ այս տարվա շրջանավարտներից է եվրոպական լեզուների և հաղորդակցության ֆակուլտետի ուսանող Ջոզեֆ Մոմջյանը, ում հետ զրուցել ենք համալսարանում ստացած կրթության, ֆակուլտետի ընձեռած հնարավորությունների, ապագայի պլանների և այլ հարցերի շուրջ։