12.05.2022 | 
Կրթություն
«ՀԱՄԱՀԱՐԹԵՑՈՒՄԸ ԵՎ ԻՆՔՆՈՒԹՅԱՆ ԶԱՐԳԱՑՈՒՄՆԵՐԸ» ԹԵՄԱՅՈՎ ՍԵՄԻՆԱՐ ԵՊՀ-ՈՒՄ
«ՀԱՄԱՀԱՐԹԵՑՈՒՄԸ ԵՎ ԻՆՔՆՈՒԹՅԱՆ ԶԱՐԳԱՑՈՒՄՆԵՐԸ» ԹԵՄԱՅՈՎ ՍԵՄԻՆԱՐ ԵՊՀ-ՈՒՄ
ԵՊՀ եվրոպական լեզուների և հաղորդակցության ֆակուլտետում անցկացվեց «Լեզուն և քաղաքականությունը» գիտական սեմինարների շարքի նախավերջին սեմինարը՝ «Համահարթեցումը և ինքնության զարգացումները» թեմայով, որը վարեց ֆակուլտետի՝ անգլիական բանասիրության ամբիոնի դոցենտ, բ.գ.թ. Նաիրա Գասպարյանը:

Զեկուցման ընթացքում բանախոս Ն. Գասպարյանը ներկայացրեց համահարթեցման ընդհանուր դրույթները, քննարկվեցին արդի ժամանակաշրջանում ընթացող համահարթեցման առանձնահատկությունները և ազդեցությունները սոցիալական ինստիտուտների վրա (քաղաքականություն, կրթություն, տնտեսություն, ընտանիք, կրոն), որոնց գործառույթների բովանդակային և անկանխատեսելի փոփոխությունների արդյունքում ձևավորվում է «նոր եվրոպական ինքնությունը» (եզրույթի հեղինակն է գերմանացի քաղաքագետ Դիտրիխ Շպերլինգը):

 

 

 

Ն. Գասպարյանը, անդրադառնալով եվրոպական ինքնության կերտման գերժամանակակից խնդիրներին, նշեց. «Քննարկելով ազգային պետությունների կողմից հանդիպող դժվարությունները՝ առանձնահատուկ ուշադրություն է դարձվում երիտասարդների կրթության վրա: Վերջիններս հեշտությամբ են ընդունում համահարթեցման զարգացումները, գլոբալ արժեքներն ու մտածողությունը: Համահարթեցման մուտքն արդեն հասցրել է մեր երկրում ձևավորել նոր գլոբալ արժեքներով ապրող որոշակի սերունդ, որն օտարոտի չի նայում գլոբալ ինքնության կրողը լինելու հարցին»:

 

 

Խոսելով սեմինարների շարքի և մասնավորապես այս թեմայի քննարկման կարևորությունից՝ ԵԼՀ ֆակուլտետի՝ անգլիական բանասիրության ամբիոնի վարիչ Սեդա Գասպարյանն ընդգծեց. «Սա շարքի թվով 5-րդ սեմինարն է, և նախորդ թեմաների նման այս թեման ևս կարևոր խնդիրներ է բարձրաձայնում: Սեմինարի ընթացքում հայի ինքնության խնդրից բացի՝ անդրադարձ է կատարվում նաև շոտլանդացու ինքնության խնդրին: Մենք ցանկանում ենք հասկանալ՝ այդ համահարթեցումը ինչպես է ազդում մարդու և առհասարակ մարդկության ինքնության վրա»:

Այլ նորություններ
ԿԱՆՈՆԱԿԱՐԳԵՐԻ ՀԱՍՏԱՏՈՒՄ ՈՒ ՆՈՐ ՈՐՈՇՈՒՄՆԵՐԻ ԸՆԴՈՒՆՈՒՄ․ ՏԵՂԻ ՈՒՆԵՑԱՎ ԱՅՍ ՈՒՍՏԱՐՎԱ ԳԽ ՎԵՐՋԻՆ ՆԻՍՏԸ
ԵՊՀ Պալեանների անվան դահլիճում այսօր տեղի ունեցավ գիտական խորհրդի նիստը՝ օրակարգային 7 և ընթացիկ հարցերով։ Նիստի ընթացքում հաստատվեցին ներկայացված նախագծերն ու հարցերը, ինչպես նաև հնչեցին ու քննարկվեցին նոր առաջարկներ։
«ԻՆՁ ՀԱՄԱՐ ԿԱՐԵՎՈՐ ԵՆ ՀԱՄԱԼՍԱՐԱՆՈՒՄ ՍՏԱՑԱԾ ԿՐԹՈՒԹՅՈՒՆՆ ՈՒ ՁԵՌՔ ԲԵՐԱԾ ՄՆԱՅՈՒՆ ԱՐԺԵՔՆԵՐԸ»․ ԵՊՀ ՇՐՋԱՆԱՎԱՐՏ ԷԼԻՆԵ ՊՈՂՈՍՅԱՆ
ԵՊՀ ժուռնալիստիկայի ֆակուլտետի շրջանավարտ, հանրային կապերի մասնագետ և նկարչուհի Էլինե Պողոսյանի հետ զրուցել ենք համալսարանի ընձեռած հնարավորությունների, մասնագիտությունների ընտրության, ապագայի պլանների և այլ թեմաների շուրջ: