03.06.2022 | 
Կրթություն
«ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՈՒՄԸ ՊԵՏԱԿԱՆ ՀԱՄԱԿԱՐԳՈՒՄ» ԹԵՄԱՅՈՎ ԴԱՍԱԽՈՍՈՒԹՅՈՒՆ ԵՊՀ-ՈՒՄ
«ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՈՒՄԸ ՊԵՏԱԿԱՆ ՀԱՄԱԿԱՐԳՈՒՄ» ԹԵՄԱՅՈՎ ԴԱՍԱԽՈՍՈՒԹՅՈՒՆ ԵՊՀ-ՈՒՄ
ԵՊՀ ժուռնալիստիկայի ֆակուլտետում տեղի ունեցավ հանդիպում ֆակուլտետի «PR և հաղորդակցային տեխնոլոգիաներ» մագիստրոսական ծրագրի շրջանավարտ, Պետական վերահսկողական ծառայության ընդհանուր բաժնի գլխավոր մասնագետ Նոննա Խաչատրյանի հետ: Վերջինս ներկայացրեց մարդկային ռեսուրսների կառավարման տասը գործառույթներն ու դրանցից յուրաքանչյուրի կարևորությունը պետական համակարգում:

«Մարդկային ռեսուրսների կառավարումը պետական համակարգում» թեմայով դասախոսության ընթացքում Ն. Խաչատրյանը նշեց. «HR-ի կարևոր պայմաններից է այն, որ ղեկավարը լինի ոչ միայն թելադրողի դիրքում, այլև ստեղծի աշխատանքային այնպիսի միջավայր, որտեղ հաշվի կառնվեն աշխատակիցների գաղափարներն ու կարծիքները»:

 

 

Բանախոսն այնուհետև ներկայացրեց հայտնի կազմակերպություններ, որոնք այդ սկզբունքով աշխատելու շնորհիվ գրանցել են մեծ հաջողություններ:

 

Ֆակուլտետի ՈՒԳԸ նախաձեռնած հանդիպման ընթացքում Ն. Խաչատրյանը, անդրադառնալով մարդկային ռեսուրսների կառավարման գործառույթներից մեկին՝ անձնակազմի գնահատմանը, ասաց. «Պետական համակարգում աշխատանքային պրոցեսն իրականացվում է էլեկտրոնային համակարգով, որտեղ ներառված է ընթացիկ գնահատման մեխանիզմը: Շատ կարևոր է, որ աշխատողներից յուրաքանչյուրի աշխատանքը գնահատվի յուրաքանչյուր պահի»:

 

 

Խոսելով ԵՊՀ ժուռնալիստիկայի ֆակուլտետում ստացած կրթությունից՝ բանախոսը նշեց, որ այն ոլորտում կայանալու մեծ հնարավորություն է ընձեռում:

 

 

«Հնարավոր չէ լինել լավ մասնագետ առանց այն հմտությունների, որ սովորեցնում է համալսարանը»,- ասաց Ն. Խաչատրյանը:

 

Դասախոսության ընթացքում ուսանողները հղեցին իրենց հետաքրքրող հարցերը և ստացան հանգամանալից պատասխաններ:

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: