15.05.2007 | 
Կրթություն
ԿԼՈՐ ՍԵՂԱՆ
ԿԼՈՐ ՍԵՂԱՆ
Մայիսի 15-ին ԵՊՀ նոր մասնաշենքում «Անձ եւ հասարակություն» խորագրով կլոր սեղան էր կազմակերպվել:

ԵՊՀ ռուս բանասիրության ֆակուլտետի ռուսաց լեզվի ամբիոնի (հումանիտար ֆակուլտետների համար) կազմակերպած կլոր սեղանին մասնակցում էին ԵՊՀ աստվածաբանության, սոցոլոգիայի, փիլիսոփայության եւ հոգեբանության ֆակուլտետների ուսանողները:

«Մենք նպատակ ունեինք անձի և հասարակության խնդիրը դիտարկել հոգեբանության, աստվածաբանության եւ սոցոլոգիայի տեսանկյունից միաժամանակ: Վերջին հաշվով այս երեք մասնագիտացումներից ամեն մեկն իր ձեւով, իր տեսանկյունից է քննարկում այս հարցը: Բայց նրանք բոլորն էլ աշխատում են ի օգուտ մարդկանց»,- ասաց կլոր սեղանի կազմակերպիչը` ԵՊՀ ռուս բանասիրության ֆակուլտետի դասախոս Սոֆյա Օստրագորսկայան:

Զեկուցումները ժամանակ առ ժամանակ ընդհատվում էին ԵՊՀ փիլիսոփայության եւ հոգեբանության ֆակուլտետի փիլիսոփայության բաժնի ուսանող Գոռ Բաղդասարնի հեղինակած կարճամետրաժ ֆիլմերի ցուցադրությամբ:

«Ես թեմային հարմար կուրսային աշխատանք էի գրել եւ ինձ առաջարկել էին փոքրիկ զեկուցմամբ մասնակցել կլոր սեղանին: Ընտրական փուլում աշխատանքս կլոր սեղանին մասնակցելու հնարավորություն էր ստացել»,- ասաց ԵՊՀ փիլիսոփայության եւ հոգեբանության ֆակուլտետի հոգեբանության բաժնի ուսանող Քնարիկ Առաքելյանը:

Զեկույցները ընտրվել էին ուսանողների` դեռեւս մարտ ամսին ներկայացված աշխատանքներից: Զեկուցողները թեման ներկայացնում էին ռուսերեն լեզվով:

Ըստ Սոֆյա Օստրագորսկայայի` կլոր սեղանը ուսանողների համար ոչ միայն գիտական բարի ավանդույթ է, այլ նաեւ մեկ անգամ եւս ռուսերենով շփվելու, իրենց մասնագիտությունն ու գիտելիքները ռուսերենով ներկայացնելու հրաշալի հնարավորություն:

Այլ նորություններ
ԱՐՏԱԿԱՐԳ ԴՐՈՒԹՅԱՆ ԱՐՏԱԿԱՐԳ ԴԻՄՈՐԴՆԵՐԸ. ԵՊՀ-ՈՒՄ ԱՎԱՐՏՎԵԼ Է ԲԱԿԱԼԱՎՐԻԱՏԻ 2020-2021 ՈՒՍՈՒՄՆԱԿԱՆ ՏԱՐՎԱ ԴԻՄՈՐԴՆԵՐԻ ԴԻՄՈՒՄ-ՀԱՅՏԵՐԻ ԱՌՑԱՆՑ ԸՆԴՈՒՆՄԱՆ ԱՌԱՋԻՆ ՓՈՒԼԸ
ԵՊՀ-ում հունիսի 15-ին ավարտվել է 2020-2021 ուսումնական տարվա դիմորդների դիմում-հայտերի առցանց ընդունման առաջին փուլը, որին հայտագրվել է 4060 դիմորդ:
ԵՊՀ-ՈՒՄ ՄԱԳԻՍՏՐԱՏՈՒՐԱՅԻ ԸՆԴՈՒՆԵԼՈՒԹՅԱՆ ԴԻՄՈՒՄ-ՀԱՅՏԵՐՆ ԸՆԴՈՒՆՎՈՒՄ ԵՆ ԱՌՑԱՆՑ
ԵՊՀ գիտխորհրդի որոշմամբ մագիստրատուրայի ընդունելության հայտերն անհրաժեշտ է լրացնել առցանց: