29.10.2022 | 
Կրթություն
ԵՊՀ-ՈՒՄ ՏԵՂԻ ՈՒՆԵՑԱՎ ՄՈՎՍԵՍ ՍԻԼԻԿՅԱՆԻ 160-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ
ԵՊՀ-ՈՒՄ ՏԵՂԻ ՈՒՆԵՑԱՎ ՄՈՎՍԵՍ ՍԻԼԻԿՅԱՆԻ 160-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ
ԵՊՀ Շառլ Ազնավուրի անվան մշակույթի կենտրոնում անցկացված միջոցառման շրջանակում մշակութային համարների զուգորդմամբ ներկայացվեցին Մովսես Սիլիկյանի սխրագործությունները:

Միջոցառման ընթացքում ԵՊՀ զարգացման և նորարարությունների գծով պրոռեկտոր Միքայել Հովհաննիսյանն անդրադարձավ Երևանի պետական համալսարանի հիմնադրման և Սարդարապատի ճակատամարտի ժամանակագրական համապատասխանությանը՝ շեշտելով, որ երկու դեպքում էլ կարևոր է եղել բանիմաց ու արհեստավարժ մարդկանց առաջնորդությունը:

 

«Միջոցառումը լավագույն հնարավորությունն է վերարժևորելու Մովսես Սիլիկյանի գործը և ճանաչելու նրան՝ որպես նաև ուդի ժողովրդի զավակի»,- ընդգծեց Մ. Հովհաննիսյանը:

 

 

«Մշակույթի կենտրոնը կարևորում է այնպիսի միջոցառումների կազմակերպումը, որոնք ընդգծում են մշակույթ-գիտություն առնչակցությունը: Տվյալ դեպքում պատմական գիտությունը կապվում է մշակույթին, և դրանք, ըստ էության, իրարից հեռու լինել չեն կարող»,- փաստեց մշակույթի կենտրոնի տնօրեն Կ. Դավթյանը:

 

 

Անդրադառանալով միջոցառումը ԵՊՀ-ում անցկացնելու կարևորությանը՝ «Պատմական Աղվանքի ուդի ժողովրդի վերածնունդ» հասարակական կազմակերպության նախագահ, բանասեր, դասական ժանրի երգչուհի Սուսաննա Աբրահամյանն ընդգծեց. «Շատ պատվաբեր է այս միջոցառումը Երևանի պետական համալսարանում անցկացնելը, քանի որ համալսարանը հիմնադրվել է հերոսական ժամանակաշրջանում՝ 1919 թ․-ին, և այստեղ են ուսանել հայտնի պատմաբաններ, բանասերներ, փիլիսոփաներ, բանաստեղծներ և այլ նշանավոր մարդիկ, որոնք անջնջելի հետք են թողել հայ և համաշխարհային պատմության ու գիտության էջերում, որտեղ էլ այժմ ժամանակակից երիտասարդները ծանոթանում են նրանց շարունակական փորձին»։

 

 

Նշենք, որ միջոցառմանը ներկա էին նաև ԵՊՀ պրոֆեսորադասախոսական կազմի ներկայացուցիչներ, նշանավոր հյուրեր, պատմաբաններ, ազգագրագետներ և անվանի այլ մարդիկ: Միջոցառումը կազմակերպվել էր ԵՊՀ Շառլ Ազնավուրի անվան մշակույթի կենտրոնի և «Պատմական Աղվանքի ուդի ժողովրդի վերածնունդ» հասարակական կազմակերպության նախաձեռնությամբ։

 

Այլ նորություններ
«ՄՐՑՈՒՅԹՆԵՐՆ ՈՒՍԱՆՈՂԻ ՀԱՄԱՐ ՀԻԱՆԱԼԻ ԱՌԻԹ ԵՆ ՎԵՐԱՐԺԵՎՈՐԵԼՈՒ ՍԵՓԱԿԱՆ ԿԱՐՈՂՈՒԹՅՈՒՆՆԵՐԸ». ԱՇՈՏ ՄԿՐՅԱՆ
ԵՊՀ հայ բանասիրության ֆակուլտետի ուսանող Աշոտ Մկրյանը մագիստրոսի կրթական ծրագրով «Լավագույն ուսանող» հանրապետական մրցույթի հայագիտական ոլորտում 2-րդ տեղի մրցանակակիր է: Աշոտի հետ զրույցը ուղենշում է, թե ինչ ճանապարհ է անհրաժեշտ անցնել լավագույն ուսանող ճանաչվելու համար:
ԻՆՉՊԵ՞Ս ԴԻՄԵԼ «ԷՐԱԶՄՈՒՍ+» ՓՈԽԱՆԱԿՄԱՆ ԾՐԱԳՐԻՆ. ՈՒՂԵՑՈՒՅՑ
ԵՊՀ ուսանողներն ու ասպիրանտները յուրաքանչյուր կրթական աստիճանում հնարավորություն ունեն մեկ անգամ մասնակցելու «Էրազմուս+» փոխանակման ծրագրին և կրթություն ստանալու եվրոպական մի շարք բուհերում։ Ընդհանուր ուսումնառության ժամկետը չի կարող լինել 3 ամսից պակաս և 12 ամսից ավելի: