29.05.2007 | 
Հասարակություն
ԵՊՀ-Ն ՊԱՐԳԵՎԱՏՐՈՒՄ Է
ԵՊՀ-Ն ՊԱՐԳԵՎԱՏՐՈՒՄ Է
Մայիսի 29-ը ԵՊՀ-ում կրկնակի պարգեւատրման օր էր:

ԵՊՀ ռեկտոր Արամ Սիմոնյանը նվերներ եւ դրամական պարգեւներ հանձնեց ապրիլ-մայիս ամիսներին անցկացված ՀՀ բարձրագույն ուսումնական հաստատությունների մարզական խաղերի 8-րդ մրցաշարում մրցանակային տեղ գրաված ուսանողներին: Նույն խրախուսմանն արժանացան նաեւ ապրիլ ամսին Արցախի պետական համալսարանում անցկացված միջբուհական ուսանողական հայկական առաջին օլիմպիադայից հաղթանակով վերադարձած ուսանողները:

Երկու մրցաշարերում 1-ին տեղ գրաված ուսանողները նվերներից բացի պարգեւատրվեցին ԵՊՀ բրոնզե մեդալով:

17 տարբեր համալսարանականների ներկայացուցիչների շարքում ԵՊՀ հավաքական թիմերը 7 մարզաձեւից 4-ում գրավել են մրցանակային տեղեր, իսկ շախմատի աղջիկների հավաքականը դարձել է մարզական խաղերի չեմպիոն:

Մեր համալսարանականները Արցախից նույնպես ձեռնունայն չեն վերադարձել: Օլիմպիադային մասնակցած ԵՊՀ հինգ ֆակուլտետների երեք ներկայացուցիչներ ստացել են առաջին կարգի մրցանակ:

«Կարեւորը նվերներն ու պարգեւները չեն, այլ Ձեր ուշադրությունը: Այս հաղթանակները ոչ միայն մեր, այլ նաեւ մեր դասախոսների ու մարզիչների հաղթանակներն են»,- ասաց պատմության ֆակուլտետի ուսանող Գագիկ Մելքոնյանը:

Պարգեւատրվեցին նաեւ ԵՊՀ ֆիզիկական դաստիարակության եւ սպորտի ամբիոնի ներկայացուցիչները, որոնք մրցաշարի մասնակից թիմերի մարզիչներն էին:

ԵՊՀ ռեկտոր Արամ Սիմոնյանը, շնորհավորելով բոլորին, մաղթեց միայն «հաղթական պահեր»: «Համալսարանը հպարտանում է ձեզնով: Առաջ դեպի նոր հաղթանակներ»:

Այլ նորություններ
ԵՊՀ ԳԻՏԱՇԽԱՏՈՂՆ ԱՐԺԱՆԱՑԵԼ Է ՊՈՂՈՍՅԱՆ ՄՐՑԱՆԱԿԻ ԲՆԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆ ՈԼՈՐՏՈՒՄ
ԵՊՀ կենսաբանության ԳՀ ինստիտուտի կենդանաբանության լաբորատորիայի գիտաշխատող Սարգիս Աղայանը սեպտեմբերի 22-ին ստացել է Պողոսյան մրցանակ (նախկինում՝ Նախագահի մրցանակ) բնական գիտությունների զարգացման ոլորտում:
ՔՆՆԱՐԿՎԵԼ ԵՆ «ARMDOCT» ՆԱԽԱԳԾԻ ՇՐՋԱՆԱԿՈՒՄ ԻՐԱԿԱՆԱՑՎՈՂ ԱՇԽԱՏԱՆՔՆԵՐԸ
ԵՊՀ աշխատանքային խումբն այսօր քննարկել է «Erasmus +» ծրագրի շրջանակում մեկնարկած «Armdoct» եռամյա նախագծի աշխատանքները: