13.09.2006 | 
Հասարակություն
ԵՊՀ ԱՌԱՋԻՆ ԿՈՒՐՍԵՑԻՆԵՐԸ ԵՐԴՎԵՑԻՆ
ԵՊՀ ԱՌԱՋԻՆ ԿՈՒՐՍԵՑԻՆԵՐԸ ԵՐԴՎԵՑԻՆ
Սեպտեմբերի 12-ին Երեւանի պետական համալսարանի մեծարման եւ առաջին կուրսեցիների երդման օրն էր: ԵՊՀ կենտրոնական մասնաշենքի առջեւ տեղի ունեցավ համերգ-միջոցառում:

2006 թ-ին ուսանողների մուտքը Մայր բուհ կարեւորելու, խորհրդանշական ու առանձնահատուկ դարձնելու համար ԵՊՀ մշակույթի կենտրոնը բուհի ղեկավարության` ԵՊՀ ռեկտոր, պրոֆեսոր Արամ Սիմոնյանի, ուսանողների, շրջանավարտների եւ հասարակայնության հետ կապերի գծով պրոռեկտոր Արսեն Քարամյանի օժանդակությամբ, ձեռնամուխ էին եղել ծրագրի իրականացմանը:

Համալսարանի հիմնադրման պատմությունը ներկայացնող պարային թատերականացված ներկայացումից հետո հավաքված ուսանողներին ողջունեց ԵՊՀ ռեկտոր Արամ Սիմոնյանը: Հեռուստատեսության եւ ռադիոյի էստրադային սիմֆոնիկ նվագախմբի (գեղ. ղեկավար` Երվանդ Երզնկյան) եւ Երեւանի պետական կոնսերվատորիայի «Կոմիտաս» երգչախմբի (գեղ. ղեկավար` Հովհաննես Միրզոյան) կատարմամբ հնչեց ԵՊՀ հիմներգը:

Առաջին կուրսեցիների երդման տեքստի ընթերցման համար երկու առաջին կուրսեցի էր ընտրվել:

Այնուհետեւ ուսանողներին ողջունեցին սիրված ու ճանաչված երգիչներ Աննա Խաչատրյանը, Արթուր Իսպիրյանը, Տաթեւ Աղամիրյանը եւ «Անելիք բենդը», Արմեն Դարբինյանը, Շուշան Պետրոսյանը:

Լուսային էֆեկտները, հետաքրքիր ծրագիրն ու հրավառությունը աննախադեպ էին Երեւանի պետական համալսարանի պատմության մեջ:

Այլ նորություններ
ԵՊՀ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆԸ ՀԱՄԱԼՍԱՐԱՆԱԿԱՆՆԵՐԻՆ ԱՌԱՋԱՐԿՈՒՄ Է ՀԱՆԳԻՍՏՆ ԱՌԱՎԵԼ ՄԱՏՉԵԼԻ ԿԱԶՄԱԿԵՐՊԵԼ
ԵՊՀ արհեստակցական կազմակերպությունը պայմանավորվածություն է ձեռք բերել տուրիստական գործակալության հետ՝ համալսարանի աշխատողների հանգիստն առավել մատչելի դարձնելու համար:
ԵՊՀ ԻՐԱՎԱԲԱՆԱԿԱՆ ԿԼԻՆԻԿԱՆ ՇՆՈՐՀԱՎՈՐԵԼ ԵՎ ՎԿԱՅԱԳՐԵՐ Է ՇՆՈՐՀԵԼ ԻՐ 20-ՐԴ ՏԱՐՎԱ ՇՐՋԱՆԱՎԱՐՏՆԵՐԻՆ
Իրավաբանական կլինիկան 2019-2020 ուսումնական տարում տոնում է իր 20-ամյակը։ Ինչպես նախորդ տարիներին, կլինիկան 20-րդ տարվա շրջանավարտներին ևս ճանապարհում է վկայագրերով, որոնք այս տարի ուսանողներին նախապես ուղարկվել էին փոստով։