Երեւանի համալսարանի բարեկամների, Հայկական միջազգային քոլեջի բարեգործական դրամաշնորհի միջոցներով մայիսի 22-ին ԵՊՀ ռադիոֆիզիկայի ֆակուլտետում բացվեց տերահերցային ալիքների լաբորատորիա:
Պրոֆեսոր Յուրի Ավետիսյանը մանրամասն բացատրեց տերահերցային համակարգի կատարող ֆունկցիաները: Այդ սարքավորումը հնարավորություն է ստեղծում մի քանի հաճախությունների տիրույթում կատարել նյութերի հետազոտություն:
«Տերահերցային համակարգը, ֆիզիկական հիմնարար նշանակություն ունենալուց բացի, անվտանգության առումով ունի նաեւ ռազմական կարեւորություն»,- նկատեց պրոֆեսոր Ավետիսյանը:
Գիտությունների ազգային ակադեմիայի նախագահ Ռադիկ Մարտիրոսյանն էլ կարծիք հայտնեց, թե տերահերցային ալիքների լաբորատորիայի բացումը գիտության առաջընթացի մեծ քայլ է:
Այսուհետ ռադիոֆիզիկայի ֆակուլտետի լաբորանտները, ասպիրանտներն ու մագիստրոսները հնարավորություն կունենան հետազոտություններ կատարել ժամանակակից սարքավորումների օգնությամբ:
Վերջում ցուցադրվեց ֆիլմ, որտեղ պատմվում էր տերահերցային համակարգ միջոցով կատարված ուսումնասիրությունների մասին:
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։
Այսօր տեղի է ունեցել ԵՊՀ իրավագիտության ֆակուլտետի դեկանատի ընդլայնված հեռավար նիստ՝ դեկանի, դեկանի տեղակալների, ամբիոնների վարիչների, լաբորանտների, առկա և հեռակա ուսուցման բակալավրիատի և մագիստրատուրայի բոլոր կուրսերի ու խմբերի ավագների մասնակցությամբ։
