18.12.2008 | 
Ուսանողական, Գիտություն
ԺՅՈՒՐԻՆ ԿԸՆՏՐԻ ԼԱՎԱԳՈՒՅՆՆԵՐԻՆ
ԺՅՈՒՐԻՆ ԿԸՆՏՐԻ ԼԱՎԱԳՈՒՅՆՆԵՐԻՆ
Դեկտեմբերի 18-ին ԵՊՀ տնտեսագիտության ֆակուլտետում մեկնարկեց տնտեսագիտության ոլորտին վերաբերող ուսանողական գիտաժողովը:

Տնտեսագիտության ֆակուլտետի ՈՒԳԸ-ի կողմից կազմակերպած գիտաժողովին մասնակցում էին միայն տնտեսագետ ուսանողները: Գիտաժողովի ընթացքում հնչած 19 զեկույցները տնտեսագիտության ամենատարբեր ոլորտներն էին ներկայացնում` «Հոգեբանությունը գովազդում», «Կոռուպցիան եւ նրա ազդեցությունը տնտեսական աճի վրա», «Գործազրկություն», «Սուրճ տնտեսական բուրմունքով» եւ այլն: Տնտեսագիտության ֆակուլտետում մեկնարկած գիտաժողովը տարբերվում էր, քանի որ հնչած զեկույցները քննարկում էր ժյուրին, որի կազմում ընդգրկված էին նույն ֆակուլտետի տարբեր ամբիոնների դասախոսները:

 

Ժյուրին ներկայացված զեկույցները գնահատում էր նախօրոք ընտրված 4 չափանիշներով` որակ, նորույթ, ներկայացում, արդիականացում: Չափանիշներից յուրաքանչյուրի առավելագույն գնահատականը 10 բալն էր: Լիլիթ Պոպոյանը սովորում է Տնտեսագիտության ֆակուլտետի մագիստրատուրայի 1-ին կուրսում եւ ուսանողական գիտաժողովին մասնակցում է «Դոլարիզացիան եւ այն պայմանավորող գործոնները ՀՀ-ում» զեկույցով: Նա վերլուծել է մեր երկրում դրամի ստեղծման, զարգացման ու կայունացման մի շարք հարցեր եւ դրանց հետեւանքով առաջացած դժվարությունները հաղթահարելու արդիական տարբերակներ:

 

Լիլիթը նաեւ կարծում է, որ այսօրվա երիտասարդներն ունեն մեծ պոտենցիալ եւ կարող են այդ գիտական ներուժն օգտագործել գիտության զարգացման համար: Ի դեպ, գիտաժողովն անցկացվելու է 2 փուլով, որոնց ընթացքում ընտրված 3 լավագույն զեկույցների հեղինակները կպարգեւատրվեն պատվոգրերով, իսկ զեկույցները կներկայացվեն տպագրության:

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: