27.06.2022 | 
Ուսանողական, Կրթություն
«ՄԵՐ ԴԱՍԱԽՈՍՆԵՐԸ ՑՈՒՅՑ ԵՆ ՏԱԼԻՍ ԴԵՊԻ ՀԱՋՈՂՈՒԹՅՈՒՆ ՏԱՆՈՂ ՃԱՆԱՊԱՐՀԸ». ԵՊՀ ՇՐՋԱՆԱՎԱՐՏ ՋՈԶԵՖ ՄՈՄՋՅԱՆ
«ՄԵՐ ԴԱՍԱԽՈՍՆԵՐԸ ՑՈՒՅՑ ԵՆ ՏԱԼԻՍ ԴԵՊԻ ՀԱՋՈՂՈՒԹՅՈՒՆ ՏԱՆՈՂ ՃԱՆԱՊԱՐՀԸ». ԵՊՀ ՇՐՋԱՆԱՎԱՐՏ ՋՈԶԵՖ ՄՈՄՋՅԱՆ
ԵՊՀ այս տարվա շրջանավարտներից է եվրոպական լեզուների և հաղորդակցության ֆակուլտետի ուսանող Ջոզեֆ Մոմջյանը, ում հետ զրուցել ենք համալսարանում ստացած կրթության, ֆակուլտետի ընձեռած հնարավորությունների, ապագայի պլանների և այլ հարցերի շուրջ։

Պատմում է ինքը՝ Ջոզեֆը:

 

Եվրոպական լեզուների և հաղորդակցության ֆակուլտետը տալիս է հիմնարար կրթություն։

 

Սովորել եմ ԵՊՀ եվրոպական լեզուների և հաղորդակցության ֆակուլտետի՝ միջմշակութային հաղորդակցության անգլերենի ամբիոնում, ապա կրթությունս շարունակել նույն ֆակուլտետի մագիստրատուրայում: Այստեղ կրթություն ստանալով՝ ես կարողացա ձևավորվել որպես անհատ, ստեղծել երկարաժամկետ կապեր, ձեռք բերել գործնական գիտելիքներ և ամենակարևորը՝ մասնագիտություն, որը ամենապահանջվածներից է աշխատաշուկայում:

 

 

Հնարավորություն եմ ստացել աշխատելու տարբեր ոլորտներում։

 

Իմ սովորած բաժնում աշխատում են պրոֆեսիոնալ դասախոսներ, որոնք, ցուցաբերելով ուսանողակենտրոն մոտեցում, ցույց են տալիս մեզ դեպի հաջողություն տանող ճանապարհը: Ստանալով բարձրորակ կրթություն՝ այժմ պատրաստվում եմ մուտք գործել աշխատաշուկա։ Վստահ եմ՝ համալսարանում ստացած գիտելիքներս կօգտագործեմ՝ ի բարօրություն մեր պետության: Այժմ ես կարող եմ աշխատել տեղեկատվական տեխնոլոգիաների, ընդհանուր ձեռներեցության, հաղորդակցման կամ ինձ առավել հոգեհարազատ ցանկացած ոլորտում:

 

Համալսարանն ավարտում եմ հպարտությամբ և հարուստ գիտելիքներով:

 

Համալսարանում ստացածս կրթությունն ուղի հարթեց՝ կյանքում իմ տեղը գտնելու համար: Կարծում եմ՝ ավելի լավ չէր կարող լինել: Ես արդեն ԵՊՀ շրջանավարտ եմ․ համալսարանից հեռանում եմ բարձր գլխով և ապագայի հանդեպ լուսավոր ակնկալիքներով․․․

 

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: