09.12.2021 | 
Հասարակություն
«ՀՈԳԵԲԱՆՈՒԹՅԱՆ ՆԵՐՈՒԺԸ ՌԱԶՄԱԿԱՆ ԱԳՐԵՍԻԱՅԻՑ ՀԵՏՈ». ԶԵԿՈՒՑՈՒՄՆԵՐԻ ԺՈՂՈՎԱԾՈՒԻ ՇՆՈՐՀԱՆԴԵՍ ԵՊՀ-ՈՒՄ
«ՀՈԳԵԲԱՆՈՒԹՅԱՆ ՆԵՐՈՒԺԸ ՌԱԶՄԱԿԱՆ ԱԳՐԵՍԻԱՅԻՑ ՀԵՏՈ». ԶԵԿՈՒՑՈՒՄՆԵՐԻ ԺՈՂՈՎԱԾՈՒԻ ՇՆՈՐՀԱՆԴԵՍ ԵՊՀ-ՈՒՄ
ԵՊՀ փիլիսոփայության և հոգեբանության ֆակուլտետում տեղի է ունեցել «Հոգեբանության ներուժը ռազմական ագրեսիայից հետո» խորագրով զեկուցումների ժողովածուի շնորհանդեսը, որի ընթացքում անդրադարձ է կատարվել Արցախյան 44-օրյա պատերազմի հոգեբանական հետևանքներին, ցուցաբերված մասնագիտական հոգեբանական աջակցությանը և հետագա ծրագրերի քննարկմանը։

Նշենք, որ ժողովածուն լույս է տեսել «Տեսական և կիրառական հոգեբանության արդի հիմնախնդիրները» խորագրով 8-րդ միջազգային գիտաժողովի ընթացքում գումարված նստաշրջանի շրջանակում:

 

Հանդիպման բացման և ողջույնի խոսքով հանդես եկավ Ընդհանուր հոգեբանության ամբիոնի վարիչ, հ.գ.դ., պրոֆեսոր Հրանտ Ավանեսյանը, որը շեշտեց հոգեբանների առջև ծառացած խնդիրները, ընդգծեց հոգեբանների կոդեքս ստեղծելու, հեռանկարների և տարբեր հոգեբանական կազմակերպությունների միավորման անհրաժեշտությունը։

 

 

Փիլիսոփայության և հոգեբանության ֆակուլտետի դեկան Ալեքսան Բաղդասարյանը կարևորեց Երևանի պետական համալսարանի հոգեբանների ակտիվ ներգրավվածությունը պատերազմի ընթացքում և հետպատերազմական ժամանակահատվածում։

 

ՀՀ ԶՈՒ բարոյահոգեբանական ապահովման վարչության հոգեբանական ապահովման բաժնի պետ, փոխգնդապես Սամվել Բարոյանն իր ելույթում խոսեց վերջին մեկ տարվա ընթացքում բանակում առաջացած խնդիրների, զինվորականների բարոյահոգեբանական պատրաստվածության և բարոյալքման մասին։

 

Հայկական հոգեբուժական ասոցիացիայի նախագահ Արմեն Սողոյանը ներկայացրեց ասոցիացիայի ստեղծման իր փորձը, ապա կարևորեց ընդհանուր հոգեբանական ասոցիացիայի ստեղծման հրատապությունը՝ նշելով, որ հոգեբանական դաշտն ունի շատ բացթողումներ։ 

 

 

Կառավարման ակադեմիայի պրոֆեսոր Ռուբեն Աղուզումցյանն էլ անդրադարձավ վերջին 6 ամիսների ընթացքում գործող հոգեբանական աջակցության կոնսորցիումի ձևաչափին և դրական փոփոխություններին։

 

Ելույթներով հանդես եկան նաև «Ինթրա» հոգեբանական կենտրոնի տնօրեն Խաչատուր Գասպարյանը, Կառավարման ակադեմիայի հոգեբանության դոկտոր Արսեն Լոքյանը և «Ապագա» հոգեբանական կենտրոնի տնօրեն Արմեն Բեջանյանը:

 

Այլ նորություններ
ԳԻՏԱՃԱՆԱՉՈՂԱԿԱՆ ԱՅՑ՝ ՆՎԻՐՎԱԾ ՍԼԱՎՈՆԱԿԱՆ ԳՐԻ ԵՎ ՄՇԱԿՈՒՅԹԻ ՕՐՎԱՆ
ԵՊՀ ռուս բանասիրության ֆակուլտետի դասախոսներն ու ուսանողներն այցելեցին Լոռու մարզի Ֆիոլետովո գյուղ՝ ծանոթանալու Հայաստանում մոլոկան համայնքի ներկայացուցիչների կյանքին ու մշակույթին, ինչպես նաև տեղում ուսումնասիրելու նրանց բարբառի արդի լեզվավիճակը։
ԵՊՀ-ՈՒՄ ՏԵՂԻ ՈՒՆԵՑԱՎ ՎԱՉԱԳԱՆ ՄԱՆՈՒԿՅԱՆԻ ԱՆՎԱՆ ԿՐԹԱՄՐՑԱՆԱԿՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
Այսօր ԵՊՀ ժուռնալիստիկայի ֆակուլտետում տեղի ունեցավ Արցախյան 44-օրյա պատերազմի հերոս, գրող-հրապարակախոս Վաչագան Մանուկյանի անվան կրթաթոշակի համար հայտարարված մրցույթի արդյունքների ամփոփումը։ «Ոսկի սերմեր․ հարգանքի և երախտիքի կրթամրցանակներ» ծրագրի շրջանակում կազմակերպված մրցանակաբաշխության ընթացքում ցուցադրվեց հերոսի մասին պատմող տեսանյութ։ Մրցույթի մասնակիցներն ստացան դրամական պարգևներ և այլ մրցանակներ։