25.06.2019 | 
Ուսանողական
«ՀՊԱՐՏ ԵՂԵՔ, ՈՐ ԵՊՀ ՇՐՋԱՆԱՎԱՐՏ ԵՔ». ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ ՓԻԼԻՍՈՓԱՅՈՒԹՅԱՆ ԵՎ ՀՈԳԵԲԱՆՈՒԹՅԱՆ ՖԱԿՈՒԼՏԵՏՈՒՄ
«ՀՊԱՐՏ ԵՂԵՔ, ՈՐ ԵՊՀ ՇՐՋԱՆԱՎԱՐՏ ԵՔ». ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ ՓԻԼԻՍՈՓԱՅՈՒԹՅԱՆ ԵՎ ՀՈԳԵԲԱՆՈՒԹՅԱՆ ՖԱԿՈՒԼՏԵՏՈՒՄ
Երևանի պետական համալսարանի փիլիսոփայության և հոգեբանության ֆակուլտետում այսօր տեղի ունեցավ բակալավրիատի և մագիստրատուրայի 2018-2019 թթ. կրթական ծրագրերի շրջանավարտների դիպլոմների հանձնման հանդիսավոր արարողությունը:

ԵՊՀ փիլիսոփայության և հոգեբանության ֆակուլտետի դեկան Ալեքսան Բաղդասարյանը, շնորհավորելով շրջանավարտներին, մաղթեց նրանց մեծ ձեռքբերումներ և հաջողություններ: «Մենք միշտ հպարտացել և հպարտանում ենք մեր ուսանողներով: Ես ներքին համոզմունք ունեմ, որ մեր շրջանավարտների ճնշող մեծամասնությունը կկայանա որպես մասնագետ: Մեր սիրելի՛ շրջանավարտներ, ես ձեզ ցանկանում եմ երջանիկ կյանք, մասնագիտությունից առավել կարևոր է, որ դուք կյանքում լինեք երջանիկ: Ցանկանում եմ, որ ունենաք լավ ընտանիք, հավատ ապագայի նկատմամբ, միշտ վստահեք ձեր ուժերին»,- հավելեց նա:

 

 

Ընդհանուր հոգեբանության ամբիոնի վարիչ Հրանտ Ավանեսյանը, մաղթելով շրջանավարտներին անձնական և գործնական հաջողություններ, ասաց. «Բարձր պահեք այն կոչումը, որը տրվում է այսօր: Դուք որակյալ շրջանավարտներ եք, և վստահ եմ, որ կայանալու եք ձեր իսկ ընտրած մասնագիտական ոլորտում: Հպարտ եղեք, որ ԵՊՀ շրջանավարտ եք»:

 

 

ԵՊՀ փիլիսոփայության և հոգեբանության ֆակուլտետի դեկանի տեղակալ Նելլի Ալավերդյանը նշեց, որ ուսումնական գործընթացի արդյունավետության համար ֆակուլտետի պրոֆեսորադասախոսական կազմը ջանք ու եռանդ չի խնայել՝ ուսանողներին փոխանցելով իրենց մասնագիտական կարողությունները և հմտությունները, որոնցով նրանք կկարողանան առաջնորդվել. «Ես ձեզ մաղթում եմ նորանոր ձեռքբերումներ»:   

 

Շնորհավորական խոսքերից հետո շրջանավարտները հանդիսավոր ստացան իրենց դիպլոմները:

 

Նադեժդա Տեր-Աբրահամյան

 

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: