27.02.2020 | 
Կրթություն
«ՄՇԱԿՈՒԹԱՅԻՆ ԿԱՌՈՒՑՈՂԱԿԱՆՈՒԹՅՈՒՆԸ ՍՏԵՂԾՎՈՒՄ Է ՄԵՐ ԱՆՀԱՏԱԿԱՆՈՒԹՅՈՒՆԻՑ. ՅՈՒՐԱՔԱՆՉՅՈՒՐ ԱՆՀԱՏ ՀԻՄՔՆ Է ԱԶԳԱՅԻՆԻ». ՊՅՈՏՐ ՕՍԿՈԼԿՈՎ
«ՄՇԱԿՈՒԹԱՅԻՆ ԿԱՌՈՒՑՈՂԱԿԱՆՈՒԹՅՈՒՆԸ ՍՏԵՂԾՎՈՒՄ Է ՄԵՐ ԱՆՀԱՏԱԿԱՆՈՒԹՅՈՒՆԻՑ. ՅՈՒՐԱՔԱՆՉՅՈՒՐ ԱՆՀԱՏ ՀԻՄՔՆ Է ԱԶԳԱՅԻՆԻ». ՊՅՈՏՐ ՕՍԿՈԼԿՈՎ
ԵՊՀ միջազգային հարաբերությունների ֆակուլտետում այսօր «Էթնիկությունը և ազգայնականությունը ժամանակակից աշխարհում» («Этничность и национализм в современном мире») հրապարակային դասախոսությամբ հանդես է եկել Մոսկվայի պետական ինստիտուտի և Մոսկվայի պետական համալսարանի դասախոս, քաղաքական գիտությունների թեկնածու Պյոտր Օսկոլկովը:

Դասախոսության ունկնդիրներն էին ԵՊՀ միջազգային հարաբերությունների ֆակուլտետի դեկան Գեղամ Պետրոսյանը, Քաղաքական ինստիտուտների և գործընթացների ամբիոնի վարիչ Գարիկ Քեռյանը, «Համաշխարհային քաղաքականություն» մասնագիտացման և «Երիտասարդ միջազգայնագետների» ակումբի անդամ ուսանողները:


Պյոտր Օսկոլկովին ողջունեց ֆակուլտետի դեկան Գեղամ Պետրոսյանը, ինչից հետո քաղաքագետը ներկայացրեց ազգային, էթնիկական մշակույթի առանձնահատկությունները:

«Անհատները չափազանց շատ են ու լիովին տարբեր՝ սոցիալական, արհեստավարժ, տարածական, քաղաքական անհատականություն, այդ թվում՝ամբողջ աշխարհում տարածված: Ի վերջո, մարդ, անհատ լինելը բոլորից ավելի կարևոր է: Ինչ-որ իրավիճակում տարիքն ավելի կարևոր է, քան արհեստավարժությունը, տարածքայինն ավելի կարևոր է, քան քաղաքականը, և քաղաքականն ավելի կարևոր է, քան սոցիալականը: Հետևաբար ոչ մի բաղադրիչ չի կարող լինել անկարևոր»,- ընդգծեց բանախոսը։

 

Խոսելով էթնոսի բաղադրիչների մասին՝ նա նշեց, որ պետականությունը, տարածքը, ավանդույթները, մշակութային առանձնահատկությունները, պատմական ժառանգությունը համարվում են էթնոսի առանցքային մաս։ 

Ըստ քաղաքագետի՝ էթնիկական ծագումը, լեզուն և ազգն ազգայինը կազմող բաղադրիչներն են համարվում։

Այդուհանդերձ, տարանջատելով էթնիկականի և ազգայնականի սահմանները, բանախոսը փաստեց, որ ազգայնականությունն ավելի լայն հասկացություն է. «Ազգայնականություն ասվածը թեմատիկորեն չափազանց ծանրաբեռնված է։ Այն ներառում է և՛ տարածքայինը, և՛ հոգեբանականը»:

Մեջբերելով հայտնի ազգայնականներից մեկի խոսքը՝ «Ազգայնականությունը խելքի, ուղեղի կարգավիճակ է», Պյոտր Օսկոլկովը նշեց. «Եվ համապատասխանաբար, պետք է ընտրել այն ուղղությունը, որը լրացնում է ճիշտ գաղափարախոսությանը, և հրաժարվել ամեն խանգարող գործոնից»։

Վերջինիս դիտարկմամբ, ազգայնականությունը կայուն կենսաբանական և ժառանգական հասարակություն է ենթադրում. «Անառողջ հասարակությունում սկսվում են շեղումներ: Մշակութային կառուցողականությունը ստեղծվում է մեր անհատականությունից. յուրաքանչյուր անհատ հիմքն է ազգայինի»։

 

Դասախոսության թեմայի ընտրության հետ կապված՝ «Երիտասարդ միջազգայնագետների» ակումբի նախագահ Անահիտ Ղազարյանն ասաց. «Պյոտր Օսկոլկովի՝ դասախոսության համար առաջարկած տարբեր թեմաներից մենք ընտրեցինք «Էթնիկությունը և ազգայնականությունը ժամանակակից աշխարհում» թեման՝ նկատի ունենալով վերջինիս արդիականությունը, իմացության կարևորությունը և խորքային լինելը»:

Ուսանողուհին հավաստիացրեց, որ նմանաբնույթ հանդիպումները շարունակական են լինելու:

 

Անգին Խաչատրյան

Այլ նորություններ
ՎԻՐՏՈՒԱԼ ՇՐՋԱՅՑ ՀԱՅԱՍՏԱՆԻ ՊԱՏՄՈՒԹՅԱՆ ԹԱՆԳԱՐԱՆՈՒՄ
ԵՊՀ պատմության ֆակուլտետի ուսանողական գիտական ընկերության և Հայաստանի պատմության թանգարանի համատեղ նախաձեռնությամբ օգոստոսի 3-ին տեղի ունեցավ վիրտուալ շրջայց Հայաստանի պատմության թանգարանում։ Էքսկուրսիան անցկացրեց թանգարանի էքսկուրսիոն բաժնի վարիչ Լիլիթ Հովհաննիսյանը:
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում: