07.05.2022 | 
Կրթություն
«ՑԱՆԿԱՆՈՒՄ ԵՄ, ՈՐ ՄԱՅՐ ԲՈՒՀՈՒՄ ՍՈՎՈՐՈՂ ՈՒՍԱՆՈՂՆԵՐԸ ԾԱՎԱԼԵՆ ԹԵ՛ ԳԻՏԱԿԱՆ, ԹԵ՛ ՀԱՍԱՐԱԿԱԿԱՆ ԱԿՏԻՎ ԳՈՐԾՈՒՆԵՈՒԹՅՈՒՆ. ՊԵՏՔ Է ՎԱՅԵԼԵԼ ՀԱՄԱԼՍԱՐԱՆՈՒՄ ԱՆՑԿԱՑՐԱԾ ՅՈՒՐԱՔԱՆՉՅՈՒՐ ՕՐ». ՀԱՄԼԵՏ ՍԻՄՈՆՅԱՆ
«ՑԱՆԿԱՆՈՒՄ ԵՄ, ՈՐ ՄԱՅՐ ԲՈՒՀՈՒՄ ՍՈՎՈՐՈՂ ՈՒՍԱՆՈՂՆԵՐԸ ԾԱՎԱԼԵՆ ԹԵ՛ ԳԻՏԱԿԱՆ, ԹԵ՛ ՀԱՍԱՐԱԿԱԿԱՆ ԱԿՏԻՎ ԳՈՐԾՈՒՆԵՈՒԹՅՈՒՆ. ՊԵՏՔ Է ՎԱՅԵԼԵԼ ՀԱՄԱԼՍԱՐԱՆՈՒՄ ԱՆՑԿԱՑՐԱԾ ՅՈՒՐԱՔԱՆՉՅՈՒՐ ՕՐ». ՀԱՄԼԵՏ ՍԻՄՈՆՅԱՆ
ԵՊՀ փիլիսոփայության և հոգեբանության ֆակուլտետի ուսանող Համլետ Սիմոնյանը մագիստրոսի կրթական ծրագրով «Լավագույն ուսանող» հանրապետական մրցույթի հումանիտար ոլորտում զբաղեցրել է 1-ին հորիզոնականը: Համլետ Սիմոնյանի հետ զրուցել ենք մրցույթին մասնակցության, ուսանողական կյանքի, իր անցած ուղու, ապագայի ծրագրերի ու երազանքների մասին:

Փիլիսոփայի մասնագիտությունն ընտրած, սակայն լրագրությամբ ու ճափորդություններով հետաքրքրված երիտասարդը, նախքան լավագույն ուսանող դառնալը, հասցրել է «Էրազմուս+» ծրագրով մեկնել ու կրթություն ստանալ նաև արտերկրում:

 

«Սիրում եմ ուսումնասիրել միմյանց հետ կապ չունեցող տարբեր ոլորտներ ու մասնագիտություններ: Կարծում եմ՝ մարդ պետք է իրեն փորձի տարբեր ոլորտներում»:

 

«Լավագույն ուսանող» հանրապետական մրցույթում հաղթելուց առաջ Համլետը երկար ճանապարհ պիտի անցներ:

 

«Բակալավրիատի չորրորդ կուրսում դիմեցի մրցույթին, սակայն չստացվեց: Իրականում սա ինձ համար հրաշալի առիթ դարձավ՝ ինքնազարգացման և գիտության բնագավառում մեծ նվաճումներ գրանցելու համար: Յուրաքանչյուր իրավիճակում հնարավոր է գտնել մոտիվացիայի աղբյուր»:

 

Բակալավրիատում չհաջողվեց դառնալ լավագույն ուսանող, իսկ այժմ վստահ դիմեց, որովհետև գիտեր՝ հաստատ հաղթելու է:

 

«Մեր երկրում կրթության ու գիտության զարգացումը բավականին կարևոր է: Իմ կարծիքով՝ շատ գովելի է, որ ՀՀ-ում կազմակերպվում են նման մրցույթներ, որ երիտասարդներին իրենց գիտելիքները ցույց տալու հնարավորություն են տալիս: Նմանատիպ մրցույթները ևս մեկ անգամ ընդգծում են այն, որ Հայաստանում կա գիտություն, իսկ կրթությունն էլ բարձր մակարդակի է»:

 

 

Համլետի գիտական հետաքրքրությունները սոցիալական արդարության շուրջ են, մասնավորապես՝ միջսերնդային արդարության:

 

«Բուհում գիտությամբ զբաղվելը կրթության գործընթացում առավել ներգրավվելու, գիտության տվյալ բնագավառում նշանակալի փոփոխություններ կատարելու և զարգացնելու հնարավորություններ է ստեղծում: Կրթությունս ասպիրանտուրայում շարունակելու ուղղությամբ արդեն աշխատում եմ. չեմ ցանկանում գնալ համալսարանից, որովհետև այն շատ եմ սիրում: Կարծում եմ՝ կարող եմ փոքր ձևով նպաստել, որ համալսարանում կրթությունը էլ ավելի բարելավվի: Դասավանդման հետ կապված պլաններ ևս ունեմ»:

 

Գիտական գործունեություն ծավալելուց բացի՝ Համլետը շատ է կարևորում նաև ուսանողական կյանքը:

 

«Ցանկանում եմ, որ Մայր բուհում սովորող ուսանողները ծավալեն թե՛ գիտական, թե՛ հասարակական ակտիվ գործունեություն. պետք է վայելել համալսարանում անցկացրած յուրաքանչյուր օր»:

 

Այն ուսանողներին, որոնք պատրաստվում են դիմել մրցույթին, Համլետը խորհուրդ տվեց չերկմտել և միշտ պայքարել:

 

«Պետք է փորձել ու չկոտրվել. եթե անգամ ինձ նման սկզբում չհաջողեք, դա թող պատճառ չլինի, որ հետ կանգնեք ձեր նպատակներից»:

Այլ նորություններ
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ
Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում:
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։