ԵՊՀ ՇՐՋԱՆԱՎԱՐՏՆԵՐԻ ԵՎ ԿԱՐԻԵՐԱՅԻ ԿԵՆՏՐՈՆԸ ՇԱՐՈՒՆԱԿՈՒՄ Է ԲՈՒՀ-ԳՈՐԾԱՏՈՒ ԿԱՊԻ ԱՄՐԱՊՆԴՄԱՆՆ ՈՒՂՂՎԱԾ ՔԱՅԼԵՐԸ
17.03.23
ԵՊՀ ՇՐՋԱՆԱՎԱՐՏՆԵՐԻ ԵՎ ԿԱՐԻԵՐԱՅԻ ԿԵՆՏՐՈՆԸ ՇԱՐՈՒՆԱԿՈՒՄ Է ԲՈՒՀ-ԳՈՐԾԱՏՈՒ ԿԱՊԻ ԱՄՐԱՊՆԴՄԱՆՆ ՈՒՂՂՎԱԾ ՔԱՅԼԵՐԸ
ԵՊՀ Ռոբերտ Շումանի անվան սրահում տեղի է ունեցել հանդիպում «Կոկա-կոլա Հելլենիկ Բոթլինգ Քամփնի Արմենիա» ընկերության ներկայացուցիչ Քնար Ծատուրյանի հետ։ Վերջինս ուսանողներին է ներկայացրել ընկերության գործունեությունը և առաջարկած երիտասարդական նախագծերը, որոնք ուղղված են կարիերա ստեղծելուն ու զարգացնելուն:

ԵՊՀ շրջանավարտների և կարիերայի կենտրոնի նախաձեռնությամբ կազմակերպված հանդիպման ընթացքում ներկաները առցանց ձևաչափով «շրջել են» «Կոկա-կոլա երջանկության գործարան»-ում: Այնուհետև բանախոսը ներկայացրել է «Երիտասարդների զարգացում» ծրագիրը, որն առաջարկում է կյանքի և բիզնես հմտությունների վերաբերյալ հետաքրքիր և բովանդակալից դասընթացաշարեր՝ ուղղված երիտասարդության շրջանում գործազրկության նվազեցմանը: Ուսանողներից շատերը, ծանոթանալով ծրագրի մանրամասներին, ցանկություն են հայտնել մասնակցելու դասընթացներին:

 

Անդրադառնալով «Կոկա-կոլա» ընկերության հետ համագործակցության կարևորությանը՝ կենտրոնի փոխտնօրեն Կարինե Նազարյանը փաստել է, որ այս գործակցության շրջանակում համալսարանականները հնարավորություն են ստանում ծանոթանալու ընկերության գործունեությանը: Նրանք պարբերաբար իրազեկվում են պրակտիկաների հնարավորությունների, ընկերությունում առկա թափուր հաստիքների և դրանց համար դիմելու օրինակելի կարգի մասին:

 

 

Նշենք, որ առաջիկայում հանդիպման մասնակից ուսանողների առաջարկով նախատեսվում է կազմակերպել շրջայց «Կոկա-կոլա երջանկության գործարան»:

Կրթական որակի շարունակական բարելավման նպատակով ԵՊՀ-ն ցանկանում է պարզել, թե, ընդհանուր առմամբ, որքանով եք գոհ ձեր ուսումնասիրած դասընթացներից և այն կրթական ծրագրերից, որում ընդգրկված եք:

Կոնտակտներ

Կենտրոնի տնօրեն՝ Արմեն Բուդաղյան 

Հասցե՝ 
Ալեք Մանուկյան 1, ԵՊՀ կենտրոնական մասնաշենք, 402 սենյակ

 

Հեռ.՝ (+374 60) 710121,
11-21 (ներքին), quality_center@ysu.am