Հարգելի՛ Տաթև,
ԵՊՀ-ի ցանկացած մասնագիտությամբ ասպիրանտուրայում հնարավոր է սովորել հեռակա ուսուցմամբ: Ասպիրանտուրա ընդունվելու համար անհրաժեշտ փաստաթղթերի ցանկը.
1.Դիմում ռեկտորի (Ա. Սիմոնյան) անունով:
2.Կադրերի հաշվառման անձնական թերթիկ, 3 նկար (3.4 չափի):
3.Ինքնակենսագրություն:
4.Դիպլոմի պատճենը և միջուկը (բակալավրի և մագիստրատուրայի) դիպլոմ չստանալու դեպքում բերել ֆակուլտետի դեկանի ստորագրությամբ տեղեկանք միջուկի հետ միասին:
5.Քաղվածք ֆակուլտետի գիտ. խորհրդի (ասպիրանտուրա երաշխավորելու մասին): 2012թ. ավարտածների համար:
6.Քաղվածք աշխատանքային գրքույկից (ովքեր ունեն):
7.Հավաստագիր օտար լեզվից և ինֆորմատիկայից հանձնած քննությունների մասին:
8.Ռեֆերատ մասնագիտությունից 20-25 մեքենագրական էջ կամ հրատարակված աշխատանքների ցանկ:

Հարգելի՛ Տաթևիկ,
Փետրվարի վերջը առկա ուսուցման հայտերի լրացման ժամկետն է, իսկ հեռակայի դեպքում հայտերն ընդունվում են օգոստոսի վերջին և սեպտեմբերին:

Հարգելի՛ Անի,
Առայժմ 2013/2014 ուս. տարվա մագիստրատուրայի ընդունելության կարգը դեռ հաստատված չէ:

Հարգելի՛ Թերեզա,
Այո, այս դեպքում ընդունելության համար անհրաժեշտ է հանձնել համապատասխան քննությունները և ընդունվել մրցութային կարգով:

Հարգելի՛ Դերենիկ,
Իրավագիտության ֆակուլտետի մագիստրատուրայում կարող են ուսումը շարունակել միայն բակալավրի բազային իրավաբանական կրթություն ունեցողները:

Հարգելի՛ Լիլիա,
ԵՊՀ-ում չի գործում հայցորդության համակարգ: