15.11.2017 | 
Ուսանողական
Հաջողության պատմություններ
Հաջողության պատմություններ
Իր հաջողության գաղտնիքով կիսվում էր Տարոն Սիմոնյանը
Նոյեմբերի 15-ին ԵՊՀ Իրավագիտության ֆակուլտետի ՈՒԳԸ-ի նախաձեռնությամբ տեղի ունեցավ

«Հաջողության պատմություններ» հանդիպումների շարքի բացումը: Միջոցառումների շարքը, որ նախաձեռնել է ՈւԳԸ անդամ Լեյլի Թադևոսյանըլ, նպատակ ունի ուսանողներին ծանոթացնելու սիրված դասախոսների և ոլորտի հայտնի մարդկանց գործունեությանն ու հաջողության գաղտնիքներին:

 

Առաջին հանդիպման շրջանակներում ուսանողական հանրույթին էր հյուրընկալվել իրավաբանական գիտությունների թեկնածու, Իրավագիտության ֆակուլտետի Պետության և իրավունքի տեսության և պատմության ամբիոնի դասախոս Տարոն Սիմոնյանը: Միջոցառումը առանձնանում էր իր տեսակով, քանի որ միջոցառման ընթացքում սիրված դասախոսին ուսանողները հնարավորություն ունեցան ճանաչելու և՛ որպես համալսարանական կյանքից դուրս ապրող մարդու, ով ունի մի շարք նախասիրություններ, և՛ որպես ուսանողի հաջողություններով ուրախացող դասախոսի, ով անսահման գիտելիքներ է տալիս :


Հանդիպումը բաղկացած էր երեք մասից` բլից հարցեր, ծավալուն հարցադրումներ ակնկալող հարցերի մաս և երկխոսություն դահլիճի հետ: Հետաքրքիր և բացահայտումներով լի հանդիպման ընթացքում ներկա գտնվող ուսանողները կարողացան անգամ գտնել նմանություններ սիրելի դասախոսի հետ: Միջոցառման ընթացքում պարոն Սիմոնյանը նաև մասնագիտական խորհուրդներ տվեց ապագա իրավաբաններին ` կարևորելով, որ իրենց ոլորտում չլինեն միջակ, ձգտեն առավելագույնին:
 
Հանդիպման ավարտին պատվավոր հյուրին` իբրև շարքի առաջին բանախոսի, տրվեց հնարավորություն ուղղելու հարց հաջորդ բանախոսին, ով արդեն իսկ ընտրվել է ուսանողական հանրույթի կողմից: Իսկ թե ով է նա, և ինչ հարց է ուղղել պարոն Սիմոնյանը, կիմանանք հաջորդ հանդիպման ժամանակ :
ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
Դեկտեմբերի 13-ին ԵՊՀ աշխարհագրության և երկրաբանության ֆակուլտետի Սերվիսի ամբիոնի երրորդ և չորրորդ կուրսի ուսանողներն ամբիոնի դասախոս Նարինե Հովհաննիսյանի ուղեկցությամբ այցելեցին «Երեմյանց Փրոջեքթս» ընկերության «Լավաշ», «Շերեփ» և «Պանդոկ Երևան գետափին» ռեստորաններ։
Փաստաբանների պալատի հիմնախնդիրները
ԵՊՀ իրավագիտության ֆակուլտետում էր ՀՀ Փաստաբանների պալատի նախագահ Արա Զոհրաբյանը: Հանդիպումը կազմակերպել էր ֆակուլտետի ՈՒԳԸ-ն Քրեական դատավարության և կրիմինալիստիկայի ամբիոնի հետ համատեղ: Տեղի ունեցավ հետաքրքիր և բովանդակալից քննարկում:
Կոնտակտներ

 ՈՒԳԸ նախագահ՝ Վանատուր Շերենց

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին