22.10.2018 | 
Ուսանողական, Կրթություն, Գիտություն
Այց ՀՀ Սահմանադրական դատարան
Այց ՀՀ Սահմանադրական դատարան

   Հոկտեմբերի 5-ին տեղի ունեցավ ԵՊՀ իրավագիտության ֆակուլտետի ուսանողների այցը Սահմանադրական դատարան, որ կազմակերպել էր Իրավագիտության ֆակուլտետի ՈՒԳԸ-ն: Սահմանադրական դատարանը կազմված է ինը անդամից։ՀՀ Սահմանադրական դատարանը լուծում է հանրային-իրավական կարևորության այնպիսի գործեր, որոնք անմիջականորեն կապված են ՀՀ Սահմանադրության նորմերի մեկնաբանման ու կիրառման, իրավական, քաղաքական անվտանգության, հանրային իշխանության անընդհատության, իշխանության մարմինների ու պաշտոնատար անձանց կողմից իրենց սահմանադրական գործառույթների անվերապահ կատարման, ինչպես նաև օրենքով նրանց վերապահված լիազորությունների սահմանադրականության որոշման հետ։

 

  Նման միջոցառման կազմակերպման կարևորությունը այն է, որ ուսանողները հաղորդակից լինեն Սահմանադրական դատարանի գործունեությանը և նրա դերակատարությանը ՀՀ իրավական համակարգում։ Սահմանադրական դատարան այցելությունը մեծ նշանակություն ունի նաև ուսանողության շրջանում սահմանադրական իրավագիտակցության ձևավորման և բարձրացման համար։ Այցի շրջանակներում ուսանողները մանրամասն ծանոթացան ՍԴ գործունեությանը, նրանց հանգամանալից բացատրվեց Սահմանադրական Դատարանի կառուցվածքային ստորաբաժանումների անմիջական և առավել քան էական դերակատարությունը սահմանադրական արդարադատության իրականացման գործում, պարզաբանվեց դիմումների ընդունման և ՍԴ որոշումների կայացման ընթացակարգը։ Ուսանողները բանախոսներին ուղղեցին իրենց հուզող հարցերը՝ ստանալով բովանդակալից և սպառիչ պատասխաններ:

 

Հեղինակ ` Վիկտորյա Հակոբջանյան

ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
Դեկտեմբերի 13-ին ԵՊՀ աշխարհագրության և երկրաբանության ֆակուլտետի Սերվիսի ամբիոնի երրորդ և չորրորդ կուրսի ուսանողներն ամբիոնի դասախոս Նարինե Հովհաննիսյանի ուղեկցությամբ այցելեցին «Երեմյանց Փրոջեքթս» ընկերության «Լավաշ», «Շերեփ» և «Պանդոկ Երևան գետափին» ռեստորաններ։
Փաստաբանների պալատի հիմնախնդիրները
ԵՊՀ իրավագիտության ֆակուլտետում էր ՀՀ Փաստաբանների պալատի նախագահ Արա Զոհրաբյանը: Հանդիպումը կազմակերպել էր ֆակուլտետի ՈՒԳԸ-ն Քրեական դատավարության և կրիմինալիստիկայի ամբիոնի հետ համատեղ: Տեղի ունեցավ հետաքրքիր և բովանդակալից քննարկում:
Կոնտակտներ

 ՈՒԳԸ նախագահ՝ Վանատուր Շերենց

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին