21.05.2019 | 
Ուսանողական, Կրթություն, Գիտություն
Լոռու մարզի զբոսաշրջության եվ հանքարդյունաբերության հեռանկարները
Լոռու մարզի զբոսաշրջության եվ հանքարդյունաբերության հեռանկարները
Մայիսի 7-ին ԵՊՀ աշխարհագրության և երկրաբանության ֆակուլտետի և ՎՊՀ ՈՒԳԸ համագործակցության արդյունքում տեղի ունեցավ «Լոռու մարզի զբոսաշրջության և հանքարդյունաբերության հեռանկարները» խորագրով համաժողովը:

    Համաժողովին ներկա էին ՎՊՀ ուսանողները և ԵՊՀ աշխարհագրության և երկրաբանության ֆակուլտետի շուրջ 30 ուսանողներ: ԵՊՀ ուսանողներին ՎՊՀ էր ուղեկցել սերվիս ամբիոնի դասախոս, ա.գ.թ., դոց. Ս. Սուվարյանը: Համաժողովի ընթացքում իրենց զեկուցումներով հանդես եկան Շահանե Ադամյանը, Դիանա Թադևոսյանը (Կայուն զբոսաշրջություն, 3-րդ կուրս)՝ «Լոռու մարզում զբոսաշրջության առկա վիճակն ու զարգացման հեռանկարները» թեմայով: Ուսանողուհիների զեկուցումից հետո ակտիվ քննարկում սկսվեց 2 բուհերի ուսանողների միջև: Մտքերի փոխանակության արդյունքում ուսանողները ցանկություն հայտնեցին նմանատիպ հանդիպումներն ու համագործակցությունները շարունակական դարձնել, որպեսզի ի կատար ածվեն նախատեսվող ծրագրերը՝ մարզում զբոսաշրջային գործունեությունն ակտիվացնելու և զարգացնելու նպատակով: Քանի որ մարզն օժտված է թե բնական և թե պատմամշակութային հարուստ ռեսուրսներով, երիտասարդների նորարարական տուր փաթեթների առաջարկներն իրականացնելը մեծ հնարավորություններ կարող է ստանալ: Անդրանիկ Բեժանյանն (Երկրաֆիզիկայի ամբիոն, 4-րդ կուրս) ու Գագիկ Մաշինյանը (Oգտակար հանածոների հետախուզման և որոնման ամբիոն, 4-րդ կուրս) իրենց զեկույցում, այն է՝ «Լոռու մարզի հանքարդյունաբերությունը», նշեցին, որ մարզի ընդերքը, հարուստ լինելով օգտակար հանածոներով, հիմք է հանդիսացել հանքարդյունաբերական ոլորտի ստեղծման համար: Այսօր մարզում առկա են շահագործվող բազմաթիվ հանքեր, որոնք իրենց ազդեցությունն են թողնում մարզի էկոլոգիական միջավայրի վրա, այնուամենայնիվ հանքերի շահագործման ամբողջական բացառումը ևս ընդունելի տարբերակ չէ: Համաժողովի ավարտին ուսանողները շրջայց ունեցան ՎՊՀ-ում, ծանոթացան բուհի կառուցվածքին և հույս հայտնեցին հյուրընկալել նրանց այս անգամ մայր բուհում: Համաժողովի ավարտից հետո խումբն այցելեց Ստեփանավանի Դենդրոպարկ, իսկ այնուհետև Լոռի բերդ: Մարզի այս հայտնի զբոսաշրջային դեստինացիաների ուսումնասիրությունները ևս մեկ անգամ փաստեցին, որ Լոռին ունի անհրաժեշտ բոլոր նախադրյալները զբոսաշրջության ոլորտում առաջատար մարզ դառնալու համար:

Հեղինակ՝ Վեներա Ատլուկյան

ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
Դեկտեմբերի 13-ին ԵՊՀ աշխարհագրության և երկրաբանության ֆակուլտետի Սերվիսի ամբիոնի երրորդ և չորրորդ կուրսի ուսանողներն ամբիոնի դասախոս Նարինե Հովհաննիսյանի ուղեկցությամբ այցելեցին «Երեմյանց Փրոջեքթս» ընկերության «Լավաշ», «Շերեփ» և «Պանդոկ Երևան գետափին» ռեստորաններ։
Փաստաբանների պալատի հիմնախնդիրները
ԵՊՀ իրավագիտության ֆակուլտետում էր ՀՀ Փաստաբանների պալատի նախագահ Արա Զոհրաբյանը: Հանդիպումը կազմակերպել էր ֆակուլտետի ՈՒԳԸ-ն Քրեական դատավարության և կրիմինալիստիկայի ամբիոնի հետ համատեղ: Տեղի ունեցավ հետաքրքիր և բովանդակալից քննարկում:
Կոնտակտներ

 ՈՒԳԸ նախագահ՝ Վանատուր Շերենց

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին