ԵՊՀ պատմության ֆակուլտետը, կանգնած լինելով համալսարանական կյանքի ձևավորման ակունքներում, մշտապես առանձնացել է գիտական ու հասարակական եռանդուն գործունեությամբ, ինչպես նաև՝ բանիմաց ու հեռանկարային կադրերի առատությամբ: Հատկանշական է, որ Պատմության ֆակուլտետում ուսանողական գիտական աշխատանքների ծավալումը սկիզբ է առել դեռևս 1920-ական թթ.:

Ձևավորված հարուստ ավանդույթների հենքի վրա ֆակուլտետի ուսանողական կյանքը մշտապես աչքի է ընկել գիտական ուղղվածություն ունեցող տարաբնույթ միջոցառումների կազմակերպմամբ: Գիտաժողովները, սեմինար-քննարկումները, բաց դասախոսությունները, հիշարժան իրադարձություններին ու գործիչներին նվիրված ցերեկույթները ֆակուլտետի առօրյայի անբաժան ուղեկիցներն են: Պատմության ֆակուլտետի ՈՒԳԸ-ի կազմակերպած միջոցառումներից են դասախոսությունների շարքերը, դպրոցներում իրականացվող բաց դասերը, դպրոցական օլիմպիադաները և, իհարկե, միջֆակուլտետային ու հանրապետական գիտաժողովները: Ֆակուլտետի ՈՒԳԸ անդամները պարբերաբար մասնակցում են հանրապետական գիտաժողովների Գյումրիում, Վանաձորում և այլուր: Սերտորեն համագործակցելով ԵՊՀ տարբեր ֆակուլտետների ՈՒԳԸ-ների, ինչպես նաև «Վարդանանք» ռհդա-ի հետ, կազմակերպվում են սեմինար-քննարկումներ, մասնագիտական դասախոսություններ և այլն:

Վերջին տարիներին գեղեցիկ ավանդույթ է դարձել պատմաբանի օրվան նվիրված գիտաժողովի կազմակերպումը, որը համախմբում է մի քանի տասնյակ ուսանողների հանրապետության տարբեր բուհերից: Ֆակուլտետի ՈՒԳԸ անդամներն արժեքավոր զեկուցումներով բազմիցս հանդես են եկել ինչպես հանրապետական, այնպես էլ միջազգային հեղինակավոր գիտաժողովներում: Նրանց զգալի մասը, շարունակելով ակտիվ գործունեության ծավալումը, աչքի ընկնող դեր են կատարում գիտական, հասարակական, պետական կյանքի տարբեր ոլորտներում:

Տեղին է նշել, որ ֆակուլտետի ՈՒԳԸ նախագահներ են եղել ֆակուլտետի ներկայիս դեկան, պ.գ.դ., պրոֆ. Էդիկ Մինասյանը և ԵՊՀ ՈՒԳԸ նախկին նախագահ, ԵՊՀ հոգաբարձուների խորհրդի քարտուղար Միքայել Մալխասյանը: Գիտակցելով հարուստ ավանդույթների պահպանման ու խորացման անհրաժեշտությունը՝ ֆակուլտետի ՈՒԳԸ անդամներն այսօր էլ պատասխանատվությամբ ու նախանձախնդրությամբ են հետամուտ լինում տարաբնույթ միջոցառումների կազմակերպման գործին:

Պատմության ֆակուլտետի ՈՒԳԸ կազմը.

• Գեղամ Ասատրյան (ֆակուլտետի ՈՒԳԸ նախագահ, մագ. 1-ին կուրս)

Ծնվել է 1995 թ. մարտի 24-ին Կոտայքի մարզի Հրազդան քաղաքում:

2002-2013 թթ. սովորել է Հրազդանի հ. 10 դպրոցում:

2013 թվականին ընդունվել և 2017 թվականին գերազանցությամբ ավարտել է Երևանի պետական համալսարանի պատմության ֆակուլտետի Արվեստաբանության բաժինը` պաշտպանելով ‹‹Մաքրավանքի խաչքարերը›› թեմայով ավարտական աշխատանքը:

2014 թ.-ից ԵՊՀ պատմության ֆակուլտետի Ուսանողական գիտական ընկերության (ՈՒԳԸ) անդամ է: 2015 թ. ճանաչվել է ֆակուլտետի ՈՒԳԸ լավագույն անդամ:

2016 թ.-ից ֆակուլտետի Ուսանողական գիտական ընկերության նախագահն է:

2015 թ.-ից ԵՊՀ պատմության ֆակուլտետի գիտական խորհրդի անդամ է, 2016-ից՝ ԵՊՀ ՈՒԳԸ գիտական խորհրդի:

2016 թ.-ին դարձել է հաղթող «ԵՊՀ լավագույն ուսանող» մրցույթում` արժանանալով ԵՊՀ բրոնզե մեդալի:

Գիտական հետաքրքրությունները հիմնականում ընդգրկում են հայ արվեստի պատմությունն ընդհանրապես և 19-րդ դարի վերջի և 20-րդ դարի սկզբի հայոց ազգային-ազատագրական պայքարի, Արցախյան ազատագրական պայքարի և Հայաստանի Երրորդ Հանրապետության քաղաքական պատմությունը մասնավորապես: Անկուսակցական է: Այժմ ուսումը շարունակում է ԵՊՀ պատմության ֆակուլտետի Սփյուռքագիտության ամբիոնի մագիստրատուրայում:

Մասնակցել է 9 գիտաժողովի, հեղինակ է 7 գիտական հոդվածի և 1 թեզիսի:

• Սիրանուշ Բաղումյան (ՈւԳԸ քարտուղար, մագ. 1-ին)
• Սարգիս Բալդարյան (մագ. 2-րդ)
• Աննա Թադևոսյան (մագ. 1-ին)
• Մայա Ավանեսյան (մագ. 1-ին)
• Մոնթե Մաթևոսյան (4-րդ)
• Նարգիզ Գրիգորյան (4-րդ)
• Հայարփի Ավետիսյան (4-րդ)
• Կիմա Արտեմյան (3-րդ)
• Մանուշակ Գևորգյան (3-րդ)
• Տաթև Կարապետյան (3-րդ)
• Թագուհի Մարտիրոսյան (3-րդ)
• Դիանա Հակոբյան (2-րդ)
• Գրետա Գասպարյան (2-րդ)
• Շողակաթ Դևրիկյան (2-րդ)
• Մարգարիտ Հարությունյան (2-րդ)

ԵՊՀ պատմության ֆակուլտետի ՈՒԳԸ կամավորներն են՝

• Մարիամ Սարիբեկյան (մագ. 2-րդ)
• Շուշան Զաքարյան (մագ. 1-ին)
• Լիլիթ Գաբրիելյան (մագ. 1-ին)
• Դիանա Սահակյան (մագ. 1-ին)
• Գոհար Գալստյան (մագ. 1-ին)
• Տիգրան Զոհրաբյան (4-րդ)
• Անյուտա Սարգսյան (1-ին)
• Լուսինե Խեչումյան (1-ին)
• Սիմա Օհանյան (1-ին)
• Էլեն Ազոյան (1-ին)
• Միլենա Հարությունյան (1-ին)
• Տաթև Նուրիջանյան (1-ին)