ԵՊՀ իրավագիտության ֆակուլտետը Մայր բուհի հնագույն և կրթական ու գիտական ավանդույթներով հարուստ ֆակուլտետներից է, որն ունի 80 տարիների պատմություն: Այսօր հանրապետությունում ԵՊՀ իրավագիտության ֆակուլտետն իրավամբ համարվում է առաջատարներից մեկը և իրավաբան կադրերի հիմնական դարբնոցը:

Ֆակուլտետի ՈՒԳԸ-ն գործում է դեռևս խորհրդային տարիներից: Այժմ էլ ուսանողական գիտական ընկերությունը Իրավագիտության ֆակուլտետում ակտիվ գործողներից է: Ֆակուլտետային ՈՒԳԸ-ն կազմակերպում և անցկացնում է տարբեր գիտական միջոցառումներ՝ գիտաժողովներ, դատախաղեր, սեմինարներ: Հաճախ կազմակերպվում են հանդիպումներ տարբեր պաշտոնատար անձանց հետ: Այցեր են կատարվում ՀՀ փաստաբանների պալատ, Ազգային ժողով, նախարարություններ և այլ պետական մարմիններ:

Հիշարժան միջոցառւոմների թվին են պատկանում՝ «Սահմանադրական զարգացումների առանձնահատկությունները ժամանակակից աշխարհում» խորագրով միջազգային, ամառային դպրոցը, ՄԱԿ-ի հայաստանյան ներկայացուցչության հետ կազմակերպվող «Փախստականների իրավունք» ամառային դպրոցը:

ԵՊՀ իրավագիտության ֆակուլտետի ՈՒԳԸ կազմը.

• Տիգրան Դադունց (ֆակուլտետի ՈՒԳԸ նախագահ, մագ․ 1-ին կուրս)
  
  Ծնվել է 1993 թ. հունիսի 17-ին, Երևանում: 2010 թ. գերազանցության ոսկե մեդալով ավարտել է Գորիսի թիվ 6 միջնակարգ դպրոցը։ 2010 թ․ ընդունվել է ԵՊՀ իրավագիտության ֆակուլտետ, 2011-2013 թթ․ ծառայել է ՀՀ զինված ուժերում։ 2016 թ. գերազանց առաջադիմությամբ ավարտել է ԵՊՀ իրավագիտության ֆակուլտետի բակալավրիատը և ընդունվել նույն ֆակուլտետի մագիստրատուրա։ Սյժմ սովորում է ԵՊՀ իրավագիտության ֆակուլտետի մագիստրատուրայի առաջին կուրսում։
  
  Աշխատել է «Լույս» հիմնադրամում, ՀՀ ֆինանսների նախարարությունում։ 2015 թ-ից աշխատում է «Յունիբանկ» ԲԲԸ-ում:
  2013 թ-ից ԵՊՀ իրավագիտության ֆակուլտետի ՈՒԳԸ անդամ է, 2014-2017 թթ.` ՈՒԳԸ քարտուղար, 2017 թ-ից՝ ՈՒԳԸ նախագահ:
  Մասնակցել է տարաբնույթ միջազգային ծրագրերի ու դատախաղերի, 7 գիտա­ժո­ղով­ների, ունի տպագրված 3 գիտական հոդված։
  
  
• Լուիզա Մելիքսեթյան (4-րդ կուրս)
• Հովհաննես Հովհաննիսյան (մագ․ 1-ին կուրս)
• Ելենա Ալեքսանյա (մագ․ 1-ին կուրս)
• Մերի Մոսինյան (մագ․ 1-ին կուրս)
• Վահագն Վարդանյան (մագ․ 1-ին կուրս)
• Արփինե Առաքելյան (4-րդ կուրս)
• Աննա Հակոբյան (4-րդ կուրս)
• Վիկա Հակոբջանյան (3-րդ կուրս)
• Պետիկ Մկրտչյան (3-րդ կուրս)

Վերջին թարմացումը՝  14.03.2017