ԵՊՀ փիլիսոփայության և հոգեբանության ֆակուլտետի անբաժան մասն է ֆակուլտետի ուսանողական գիտական ընկերությունը: Փիլիսոփայական ուսանողական գիտական խմբակը ստեղծվել է 1924 թ. հոկտեմբեր-նոյեմբերին` անվանի հասարակական գործիչ, փիլիսոփա, պրոֆեսոր Հայկ Գյուլիքևխյանի կողմից: Դեռևս 1920-ական թթ. ձևավորման փուլում գտնվող ՈՒԳ խմբակների աշխատանքներում ակտիվորեն ներգրավված է եղել «Խորհրդային Հայաստան» թերթի կուսակցական բաժնի վարիչ, հետագայում փիլիսոփայական գիտությունների դոկտոր, պրոֆեսոր Հենրի Գաբրիելյանը: Խմբակի անդրանիկ սերնդի առավել ակտիվ և աչքի ընկնող անդամներից են եղել Աբգար Հովհաննիսյանը, Հարություն Փանոսյանը, Գարեգին Վանանդեցին, Նորայր Դաբաղյանը, Էզրաս Հասրաթյանը: ՈՒԳԸ լավագույն աշխատանքների համար խրախուսված և մրցանակակիրներ են եղել Գևորգ Բրուտյանը, Հրաչիկ Շաքարյանը:

Ֆակուլտետի ՈՒԳԸ-ն իր գործունեության ողջ ընթացքում իրականացրել է բազմաթիվ միջոցառումներ, որոնք նպաստել են ֆակուլտետի մշակութային և գիտական կյանքի աշխուժացմանն ու զարգացմանը: Միջոցառումների շարքում կարող ենք հատկապես առանձնացնել տարբեր տարիներին կազմակերպված գիտաժողովները, որոնք ԵՊՀ ՈւԳԸ շնորհիվ վերածվել են ամենամյա գիտական նստաշրջանների:

Ֆակուլտետային ՈՒԳԸ-ի կազմակերպած գիտական միջոցառումների թվին են պատկանում նաև բազմաբովանդակ սեմինարները և բաց դասերը, որոնք թույլ են տալիս առավել խորությամբ անդրադառնալ ուսանողներին հետաքրքրող թեմաներին, արտալսարանային քննարկումներ կազմակերպել, ինչպես նաև համագործակցել այլ ֆակուլտետների, համալսարանների, հոգեբանական կենտրոնների հետ: Այդպիսիք են եղել հոգեսոմատիկ հիվանդություններին նվիրված սեմինարները ԵՊԲՀ-ի հետ, թերապիաների մասին սեմինարների շարքը «Գոյ», «Հիլֆման» հոգեբանական կենտրոնների հետ: Միջֆակուլտետային կապերի ամրապնդմանն են ուղղված նաև բանավեճերը, ինտելեկտուալ խաղերը, որոնք օգտակար են հատկապես մասնագիտական էական հմտություններ միմյանց փախանցելու տեսանկյունից:

2014 թ. հոկտեմբերից սկսած՝ սեմինարների մի մասը անցկացվում է վիդեո-դասերի ձևաչափով: Դասերն անցկացնում են մագիստրատուրայի բաժնի ուսանողները:

Անմասն չեն մնում նաև մշակութային միջոցառումները, որոնցից հատկապես հիշատակության են արժանի տարբեր թանգարաններ և պատկերասրահներ կատարած այցերը, հայտնի մշակութային գործիչների հետ հանդիպումները: Այս միջոցառումները խթանում են ուսանողների մեջ հետաքրքրվածություն դեպի արվեստը և մշակույթը: Ուսանողական գիտական ընկերությունը օգտագործում է նաև ուսանողների ստեղծագործական, դերասանական ներուժը, որը առավել լավ արտացոլվում է փիլիսոփայության միջազգային օրվան նվիրված բեմականացումներում և այլ մշակութային միջոցառումներում:

Փիլիսոփայության և հոգեբանության ֆակուլտետի ՈՒԳԸ կազմը.

Մերի Ազիզյան (ֆակուլտետի ՈՒԳԸ նախագահ, 4-րդ կուրս)

Ծնվել է 1995 թ. հոկտեմբերի 17-ին Երևան քաղաքում: 2002- 2003 թթ. սովորել է հ. 12 միջնակարգ դպրոցում, իսկ 2002-2013 թթ. սովորել է Պ. Ի. Չայկովսկու անվան միջնակարգ հանրակրթական-երաժշտական դպրոցում: Առաջին մասնագիտությամբ դաշնակահար, նվագակցող է:

2013 թ. ընդունվել է Փիլիսոփայության և հոգեբանության ֆակուլտետի հոգեբանության բաժնի բակալավրիատ: 2015 թ.-ից անդամակցում է ֆակուլտետի ՈՒԳԸ-ին, իսկ 2016 թ.-ին ընտրվել է ֆակուլտետի ՈՒԳԸ նախագահ:

•  Սիրանուշ Գրիգորյան (ՈՒԳԸ քարտուղար, 4-րդ)                  
• Անի Պողոսյան (Մագ. 1-ին)
• Գինյա Սումբուլյան    (4-րդ)  
• Լուիզա  Գևորգյան (4-րդ)
• Մարիամ Մանուկյան (4-րդ)
• Շուշանիկ Ղամբարյան (4-րդ)                                             
• Սիփան Հայրապետյան (4-րդ)
• Վիկտորյա Ծատուրյան (4-րդ)                                             
• Ասյա Մարգարյան (3-րդ)
• Արմենուհի Դավթյան (3-րդ) 
• Գայանե Զուլալյան (3-րդ)
• Դավիթ Աքելյան (3-րդ)
• Էլեն Խալինյան (3-րդ)
• Էլեոնորա Սարգսյան (3-րդ)                 
• Էմմա Անտոնյան (3-րդ)                                          
• Սոնա Մովսիսյան (3-րդ)         
• Սվետլանա Հարութունյան (3-րդ)     
• Սուսաննա Շահբազյան (3-րդ)                                           
• Քնարիկ Ավդալյան (3-րդ)       

Վերջին թարմացումը՝  20.03.2018