Կառուցվածք
Սոցիոլոգիայի ֆակուլտետ

Սոցիոլոգիայի ֆակուլտետի ուսանողական գիտական ընկերությունն ունի հստակ ձևավորված ավանդույթներ՝ շնորհիվ երկար տարիների կայուն և բեղումնավոր գիտական աշխատանքի: Այդ ընթացքում կառույցը հասցրել է ձեռք բերել վստահություն ֆակուլտետի ուսանողների և պրոֆեսորադասախոսական անձնակազմի կողմից՝ դառնալով ֆակուլտետի` գիտությամբ հետաքրքրվող ուսանողներին համախմբող հարթակ:

Ֆակուլտետային ՈՒԳԸ-ի գործունեության շրջանակը լայն է. կազմակերպվում են գիտաժողովներ, սեմինարներ, մասնագիտական ֆիլմերի դիտում-քննարկումներ, կլոր սեղան-քննարկումներ, օլիմպիադաներ: Հատկապես կարելի է շեշտել յուրաքանչյուր տարի նոյեմբերին կազմակերպվող գիտաժողովը՝ նվիրված ֆակուլտետի հիմնադրման հերթական տարեդարձին: Գեղեցիկ ու միավորող ավանդույթ դարձած գիտաժողովը համախմբում է ֆակուլտետի ուսանողներին՝ հնարավորություն տալով վերջիններիս ներկայացնելու սեփական հետազոտական վերջին ձեռքբերումները:

Ֆակուլտետային ՈՒԳԸ-ն քաջալերում է ապագա սոցիոլոգ ուսանողների մասնակցությունն ՈՒԳԸ աշխատանքներին. դեռ առաջին կուրսից կարելի է ֆակուլտետային ՈՒԳԸ-ին անդամակցել որպես կամավոր, իսկ հետագա արդյունավետ աշխատանքի դեպքում՝ արդեն որպես ՈՒԳԸ լիիրավ անդամ: Անկախ ամեն ինչից, գործունեության ընթացքում չի դրվում հստակ տարանջատում ՈՒԳԸ անդամի և կամավորի միջև՝ կարևորություն տալով ցանկացած նոր գաղափարի և իրականանալի առաջարկի:

Սոցիոլոգիայի ֆակուլտետի ՈՒԳԸ-ն ունի բլոգ-տիրույթ՝ ՍոցիոԲլոգիա:

   


Սոցիոլոգիայի ֆակուլտետի ՈՒԳԸ կազմը.

  • Տիգրան Աշոտի Ջզմաչյան (Ֆակուլտետի ՈՒԳԸ նախագահ)

Ծնվել է 1993թ. սեպտեմբերի 10-ին Երևան քաղաքում:

2000-2007 թթ. Աշոտ Նավասարդյանի անվան հ. 10 դպրոցում: 2007-2008թթ Գևորգ Չաուշի անվան հ. 188 դպրոցում: 2008-2010թթ հ. 195 դպրոցում:

2011-2013թթ ծառայել է Բալավոհիվիտի զորամասում, ծառայությունը ավարտել սերժանտ կոչումով: 2014 թվականին անվճար կարգով ընդունվել է ԵՊՀ սոցիոլոգիայի ֆակուլտետի սոցիոլոգիա բաժին: Ներկայումս գերազանցությամբ սովորում է 4-րդ կուրսում: 2015թ. ճանաչվել է սոցիոլոգիա ֆակուլտետի կողմից կազմակերպված սոցիոլոգիայի օլիմպիադայի հաղթող: 2016 թ.-ից ԵՊՀ սոցիոլոգիայի ֆակուլտետի Ուսանողական գիտական ընկերության (ՈՒԳԸ) անդամ է: 2017 թ.-ից ֆակուլտետի Ուսանողական գիտական ընկերության նախագահն է: 2017թ.-ից ԵՊՀ սոցիոլոգիա ֆակուլտետի գիտական խորհրդի անդամ է:

  • Շուշանիկ Հարությունյան (ֆակուլտետի ՈՒԳԸ քարտուղար, 3-րդ կուրս)
  • Տաթևիկ Կարապետյան (մագ. 2-րդ կուրս)
  • Շուշան Աբրահամյան (4-րդ կուրս)
  • Տիգրան Ջզմաչյան (3-րդ կուրս)

Վերջին թարմացումը՝  23.11.2017 

Կոնտակտներ

 ՈՒԳԸ նախագահ՝ Մհեր Հակոբյան

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին