Ուրվագծվում են հայ-ղազախական գիտակրթական համագործակցության նոր հեռանկարներ․ հանդիպում ԵՊՀ-ում

Հանդիպման շրջանակում քննարկվեցին երկու կրթական հաստատությունների միջև համագործակցության խորացմանն ու ընդլայնմանը վերաբերող մի շարք կարևոր հարցեր։

ԵՊՀ ռեկտոր Հովհաննես Հովհաննիսյանը նշեց, որ համալսարանների միջև բազմամյա գործընկերությունը կարևոր գործոն է ոչ միայն գիտակրթական կապերի ամրապնդման, այլև երկու երկրների միջև մշակութային ու գիտական երկխոսության զարգացման տեսանկյունից։ Նա ընդգծեց, որ ԵՊՀ-ն պատրաստ է ընդլայնելու համատեղ ծրագրերի շրջանակը՝ ներառելով ուսանողական շարժունություն, համատեղ գիտաժողովների կազմակերպում, երկկողմ հետազոտական նախագծեր և փոխադարձ ակադեմիական աջակցություն։

Ալ-Ֆարաբիի անվան Ղազախստանի ազգային համալսարանի ռեկտորն իրենց հերթին բարձր գնահատեց Երևանի պետական համալսարանի դերակատարումը տարածաշրջանի առաջատար գիտակրթական հաստատությունների շարքում։ Նա մատնանշեց, որ հերկու երկրների համալսարանների համագործակցությունը կարող է նոր որակ հաղորդել միջմշակութային փոխըմբռնմանն ու գիտական փոխանակմանը։ 

Երկուստեք նաև ընդգծեցին, որ նախատեսվում է մշակել և իրականացնել մի շարք նոր նախաձեռնություններ։

Հանդիպման ավարտին կողմերը վերահաստատեցին իրենց պատրաստակամությունը՝ շարունակելու և ընդլայնելու համագործակցությունը։