20.09.2010 | 
Հասարակություն
ՀԱՅԱՍՏԱՆՈւՄ ԱՐԱԲԱԳԻՏՈւԹՅԱՆ ԶԱՐԳԱՑՄԱՆ ՆՈՐ ՀԵՌԱՆԿԱՐՆԵՐԸ
ՀԱՅԱՍՏԱՆՈւՄ ԱՐԱԲԱԳԻՏՈւԹՅԱՆ ԶԱՐԳԱՑՄԱՆ ՆՈՐ ՀԵՌԱՆԿԱՐՆԵՐԸ
Այսօր տեղի ունեցավ ԵՊՀ ռեկտոր Արամ Սիմոնյանի եւ Եգիպտոսի փոխարտգործնախարար Սոմայա Սաադի հանդիպումը:

Եգիպտոսի Արաբական Հանրապետության արտաքին գործերի նախարարի տեղակալ, ինչպես նաեւ ԱՊՀ երկրների հետ տեխնիկական համագործակցության եգիպտական հիմնադրամի գլխավոր քարտուղար Սոմայա Սաադիի գլխավորած պատվիրակությունը հյուրընկալվել էր ԵՊՀ-ում` ոչ միայն ծանոթանալու Համալսարանի արեւելագիտության ֆակուլտետին եւ ԵՊՀ-ում գործող եգիպտագիտության կենտրոնի կատարած աշխատանքներին, այլ նաեւ համագործակցությունը նոր փուլ տեղափոխելու: ԵՊՀ ռեկտորի հետ հանդիպման ընթացքում քննարկվեցին հնարավոր համագործակցության մի քանի շրջանակներ, որոնք կներկայացվեն ԱՊՀ երկրների հետ տեխնիկական համագործակցության եգիպտական հիմնադրամին: Երեւանի պետական համալսարանի կողմից առաջարկ եղավ, ըստ որի, Եգիպտոսից ճշգրիտ գիտություններ ուսումնասիրող ուսանողները կարող են գալ եւ կրթությունն ստանալ ԵՊՀ բակալավրիատում կամ մագիստրատուրայում:

 

 

Բացի դրանից, դեսպանատանը եւ հիմնադրամին առաջարկ եղավ աջակցելու Եգիպտոս մեկնել այն ուսանողներին, ովքեր ներգրավված են Եգիպտագիտության կենտրոնի աշխատանքներում: Հիմնադրամի ջանքերով յուրաքանչյուր տարի Համալսարան են գործուղվում արաբագետ դասախոսներ, ովքեր ոչ միայն դասախոսություններ են կարդում, այլեւ որոշակի վերապատրաստման դասընթացներ են անցկացնում հայ մասնագետների համար:

 

Ըստ ԵՊՀ միջազգային համագործակցության վարչության պետ Ալեքսանդր Մարգարովի` Կահիրեի եւ Երեւանի պետական համալսարանների միջեւ համագործակցությունը հիմք է դարձել, որպեսզի Հիմնադրամի անմիջական աջակցությամբ Կահիրեի համալսարանի մասնագետները` մասնավորապես կրոնագետները, դասավանդեն ԵՊՀ-ում: Վերջինիս վստահեցմամբ` հիմնադրամը պատրաստակամություն է հայտնել համագործակցելու ԵՊՀ-ի հետ նաեւ մաթեմատիկա եւ ֆիզիկա մասնագիտությունների գծով:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: