04.05.2010 | 
Ուսանողական, Հասարակություն
ՌՈՒՍԵՐԵՆՈՎ ՔՆՆԱՐԿՈՒՄ ՈՒՍԱՆՈՂՆԵՐԻ ՄԱՍՆԱԿՑՈՒԹՅԱՄԲ
ՌՈՒՍԵՐԵՆՈՎ ՔՆՆԱՐԿՈՒՄ ՈՒՍԱՆՈՂՆԵՐԻ ՄԱՍՆԱԿՑՈՒԹՅԱՄԲ
ԵՊՀ ռուսական կենտրոնը շարունակում է Մեծ հայրենական պատերազմի 65-ամյակին նվիրված միջոցառումների շարքը:

Ռուսական կենտրոնի նախաձեռնությամբ Մայր բուհի մի խումբ ուսանողներ այցելեցին Գավառի պետական համալսարան: Այս ակցիայի շրջանակներում համալսարանականներն առաջին անգամ են բուհ այցելում, որը նպատակ ունի ԳՊՀ ուսանողներին եւս ներառել Գեղարքունիքի մարզի դպրոցներում Մեծ հայրենական պատերազմին վերաբերող մանրամասներ ներկայացնելու գործում:

 

ԵՊՀ ուսանողներն իրենց ընկերներին ներկայացրին հատվածներ Մեծ հայրենական պատերազմին վերաբերող ստեղծագործություններից: Այնուհետեւ ցուցադրվեց «Ալեքսանդր կրտսեր» ֆիլմը, որտեղ ներկայացվում են Մեծ հայրենական պատերազմից հետո որբ մնացած երեխաների ճամբարում տեղի ունեցող իրադարձությունները: Ռուս եւ գերմանացի երեխաների փոխհարաբերությունը եւս մեկ անգամ ընդգծում է համամարդկային արժեքների ու մարդկային փոխհարաբերությունների կարեւորությունը:

 

ԵՊՀ ռուսական կենտրոնի տնօրեն Արուսյակ Ներսեսյանն ասում է, որ ֆիլմերի դիտումներն ու քննարկումները երիտասարդներին հնարավորություն են տալիս կատարելագործելու ռուսերենի իմացությունը, ինչպես նաեւ դրանք ունեն ռազմահայրենասիրական դաստիարակչական նշանակություն: «Մեզ համար կարեւոր է համագործակցությունը նաեւ մարզային կրթօջախների հետ, ուրախալի է, որ Գավառի պետական համալսարանում կա ռուսաց լեզվի բաժին, եւ քննարկումներ ծավալելն ավելի հեշտ է դառնում»,- փաստում է կենտրոնի տնօրենը:

 

Ռուս բանասիրության ֆակուլտետի ուսանողական խորհրդի եւ ուսանողական գիտական ընկերության նախագահները ԳՊՀ ուսանողների հետ պայմանավորվածություն ձեռք բերեցին ապագայում համատեղ միջոցառումներ կազմակերպելու համար: ԵՊՀ ուսանողները Գավառի պետական համալսարանի դասախոսներին ու ուսանողներին հանձնեցին խորհրդանշական «Գեորգիեւյան ժապավեններ»` ի հիշատակ այս ակցիայի: Ռուսական կենտրոնը ԳՊՀ գրադարանին նվիրեց ԱՊՀ երկրների մշակույթին ու ավանդույթներին վերաբերող գրքի 15 հատորներից ութը, իսկ մնացած հատորները կնվիրի տպագրվելուց հետո: ԳՊՀ ռեկտոր Ռուզաննա Հակոբյանն ասաց, որ Մեծ հայրենական պատերազմին վերաբերող ֆիլմերի դիտումներ եւ քննարկումներ առաջիկայում կկազմակերպվեն բուհի մյուս ֆակուլտետներում եւս:

Այլ նորություններ
«ԿԱՌԱՎԱՐՈՒԹՅԱՆ ՈՐՈՇՈՒՄՆ ԱՆԸՆԴՈՒՆԵԼԻ Է ԻՐԱՎԱԿԱՆ ԵՎ ԲԱՐՈՅԱԿԱՆ ՆՈՐՄԵՐԸ ԽԱԽՏԵԼՈՒ ՏԵՍԱՆԿՅՈՒՆԻՑ». ԵՊՀ ԳԻՏԱԿԱՆ ԽՈՐՀՈՒՐԴԸ ԴԱՏԱՊԱՐՏՈՒՄ Է ԿԱՌԱՎԱՐՈՒԹՅԱՆ ՈՐՈՇՈՒՄԸ
ԵՊՀ գիտական խորհրդի նիստերի դահլիճում այսօր տեղի է ունեցել գիտական խորհրդի արտահերթ նիստ, որի ընթացքում քննարկվել են մայիսի 4-ին կառավարության ընդունած որոշումը և դրա վերաբերյալ հայտարարության տեքստի նախագիծը։
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԳԻՏԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆ
Ղեկավարվելով «Երևանի պետական համալսարան» հիմնադրամի կանոնադրության 49-րդ կետի 12-րդ և ԵՊՀ գիտական խորհրդի կանոնակարգի 4-րդ կետի 12-րդ ենթակետերով՝ Երևանի պետական համալսարանի գիտական խորհուրդը, 2021 թ. մայիսի 6-ի արտահերթ նիստում քննարկելով ՀՀ կառավարության կողմից նույն թվականի մայիսի 4-ին ընդունված` «ՀՀ կառավարության մի շարք որոշումներում փոփոխություններ և լրացումներ կատարելու մասին» որոշումը՝ հիմնադրամի կարգավիճակ ունեցող պետական բուհերի կանոնադրություններում կառավարման խորհուրդների փոփոխությունների վերաբերյալ, արձանագրեց.