09.09.2010 | 
Հասարակություն
ՌԵԿՏՈՐԸ ՀԱՆԴԻՊՈՒՄ Է ՈՒՍԱՆՈՂՆԵՐԻՆ
ՌԵԿՏՈՐԸ ՀԱՆԴԻՊՈՒՄ Է ՈՒՍԱՆՈՂՆԵՐԻՆ
Այսօր մեկնարկեց ուսանողների հետ ԵՊՀ ռեկտորի սեպտեմբերյան հանդիպումների շարքը:

Ավանդույթի համաձայն` ԵՊՀ ռեկտոր Արամ Սիմոնյանը սեպտեմբերին հանդիպում է բոլոր ֆակուլտետների ուսանողների հետ: Այս տարի հանդիպումների շարքը մեկնարկեց այցելությամբ ԵՊՀ փիլիսոփայության եւ հոգեբանության ֆակուլտետ: Ռեկտորից բացի, ուսանողների առաջարկություններն ու կարծիքները լսելու եւ նրանց հարցերին պատասխանելու էին եկել ԵՊՀ ուսանողների, շրջանավարտների եւ հասարակայնության հետ կապերի գծով պրոռեկտոր Ռուբեն Մարկոսյանը, ուսանողների հետ տարվող աշխատանքների բաժնի վարիչ Միհրան Հակոբյանը: Հանդիպման սկզբում Արամ Սիմոնյանը ներկա ուսանողներին եւ դասախոսական անձնակազմին առաջարկեց մի կողմ թողնել գովեստի ու հիացմունքի խոսքերը եւ խոսել միայն խնդիրներից: Ինքն էլ ԵՊՀ-ի գործունեության մասին խոսելիս հիմնական շեշտը դրեց խնդիրների եւ բացթողումների վրա: Հարցերի առումով ուսանողներն այնքան էլ ակտիվ չէին:

 

Առաջին կուրսեցիների հարցերն առնչվում էին ուսանողական կարգապահությանը, բարեգործությանը: Ավելի բարձր կուրսեցիներին հետաքրքրում էր արտերկրում կրթությունը շարունակելու հարցը: «Դուք դեռ այն տարիքում եք, երբ թվում է` կյանքը հավերժ է: Ցավոք, մեր կյանքը շատ կարճ է, ու այն լավ, արդյունավետ ապրելու համար պետք է օգտագործեք ցանկացած րոպեն: Հիշեք, որ եթե գիտելիքների կուտակման ընթացքում ինչ-որ բան բաց եք թողնում, հետո այն վերականգնելը եթե ոչ անհնար, ապա շատ ու շատ դժվար կլինի»,- ասաց ռեկտորը:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: