26.02.2010 | 
Հասարակություն, Մշակույթ
ՃԱՊՈՆԱԿԱՆ ԹԵՅ, ԻԿԵԲԱՆԱ ԵՎ ՍՈՒՄԻԵ ԵՊՀ-ՈՒՄ
ՃԱՊՈՆԱԿԱՆ ԹԵՅ, ԻԿԵԲԱՆԱ ԵՎ ՍՈՒՄԻԵ ԵՊՀ-ՈՒՄ
Երեք օր անընդմեջ ԵՊՀ-ում համալսարանականները ծանոթանում են ճապոնական մշակույթին եւ «ճաշակում» են այն:

Առաջին օրը` փետրվարի 26-ին, ճապոնացի Միդորի Յամադան եւ նրա օգնականը ներկաներին ցուցադրեցին ճապոնական թեյախմության արարողությունը, դրա առանձնահատկությունները: Սենսեյ Միդորին հատուկ Ճապոնիայից բերված բույսերով տեղում պատրաստում էր թեյ, իսկ օգնականը, միաժամանակ բացատրելով արարողակարգի խորհուրդը, հյուրասիրում էր ներկաներին: Կազմակերպիչներն էին ԵՊՀ միջազգային համագործակցության վարչությունը եւ ՌԴ-ում Ճապոնիայի դեսպանատունը: Պարզվում է` Ճապոնիայում ամեն մարդու տրված չէ թեյ պատրաստելը:

 

Դա պետք է անի երկար տարիների (10-15 տարի) փորձ ունեցող, հատուկ պատրաստված վարպետը: Մինչեւ 15-16-րդ դարերը ճապոնացի կանանց արգելվել է թեյի գործին խառնվելը. դա եղել է տղամարդկանց մենաշնորհը: Իսկ այսօր ժամանակակից Ճապոնիայում թեյախմության արարողություն կազմակերպելու համար բավական մեծ գումար է անհրաժեշտ, եթե հաշվի առնենք միայն ձեռագործ սպասքի գինը:

 

«Ճապոնական մշակույթի մեջ այս ոլորտը ամենակարեւոր տեղերից մեկն է զբաղեցնում, եւ յուրաքանչյուր ճապոնացու համար սա արմատների հետ շփում է: Այն հասկանալու եւ սովորելու համար պետք է սեր եւ շատ ժամանակ»,- ասում է տիկին Մադորին, ով 30 տարուց ավելի է` սովորում եւ սովորեցնում է թեյի արվեստը:

 

Իսկ հաջորդ օրը հերթը ճապոնական իկեբանայինն էր: Նախ խոսվեց մշակույթում դրա նշանակության մասին, այնուհետեւ սենսեյը (ուսուցիչը) սկսեց կազմել ծաղկային կոմպոզիցիաներ` բացատրելով, թե ինչի համար է պետք այս կամ այն գույները, այս կամ այն բույսերը իրար հետ համադրել: Հետո նրան միացան նաեւ ներկաները, ումից տիկին Միդորին անպայման «խորհուրդ էր հարցնում» որեւէ դետալ օգտագործելուց առաջ: Իսկ երեկոյան շարունակվեց թեյախմության արարողությունը:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: