22.03.2021 | 
Մշակույթ
«ԱՐԻ՛ ՄՐՑԵՆՔ». ՊԱՐԻ ՄՐՑՈՒՅԹԻ ԱՌԱՋՆՈՒԹՅՈՒՆ ԵՊՀ-ՈՒՄ
«ԱՐԻ՛ ՄՐՑԵՆՔ». ՊԱՐԻ ՄՐՑՈՒՅԹԻ ԱՌԱՋՆՈՒԹՅՈՒՆ ԵՊՀ-ՈՒՄ
«Արի՛ մրցենք» առաջնության շրջանակում ԵՊՀ ՈՒԽ մշակույթի հանձնաժողովն այսօր կազմակերպել էր պարի միջֆակուլտետային մրցույթ։

Այսօր բեմում մրցել է 16 ֆակուլտետ, ժողովրդական ոճում՝ 14, իսկ ազատ ոճում՝ 8 մասնակից:

 

 Ավանդաբար անցկացվող այս միջոցառման նպատակն է բացահայտել համալսարանի տարբեր ֆակուլտետների տաղանդավոր ուսանողներին, բարձրացնել արվեստի հանդեպ նրանց հետաքրքրությունն ու ոգևորությունը:
 
 
 Պարի միջֆակուլտետային մրցույթի ժյուրիի կազմում ընդգրկված էին Ա. Սպենդիարյանի անվան օպերայի և բալետի ազգային ակադեմիական թատրոնի պարուհի Մարիամ Ասլանյանը, Երևանի պարարվեստի պետական քոլեջի պարուսույց Պետրոս Կարապետյանը, «Կռունկ» անսամբլի հիմնադիր Նելլի Կարապետյանը:
 
 
 Մրցույթի առաջին փուլում մասնակիցները հանդես եկան ժողովրդական, իսկ երկրորդ փուլում՝ ազատ ոճի պարերով:  
 
Մեզ հետ զրույցում ԵՊՀ ՈՒԽ մշակույթի հանձնաժողովի քարտուղար Անահիտ Օրբելյանը նշեց, որ համաճարակային պայմաններում նմանաբնույթ միջոցառումները խթանում են ուսանողների ակտիվությունը:
 
 
«Մասնակիցները ոգևորությամբ սպասում են իրենց ելույթներին և, իհարկե, մարտական են տրամադրված»,- նշեց Անահիտը:
 
Այլ նորություններ
ՖՐԱՆՍԻԱԿԱՆ ԵՐԳԻ ՀՈԲԵԼՅԱՆԱԿԱՆ 12-ՐԴ ՓԱՌԱՏՈՆԸ ԵՊՀ-ՈՒՄ
Հայաստանում անցկացվող ֆրանկոֆոնիայի օրերի շրջանակում այսօր ԵՊՀ մշակույթի կենտրոնում տեղի է ունեցել ֆրանսիական երգի փառատոն:
«ՖՐԱՆՍԻԱԿԱՆ ՊՈԵԶԻԱ» ԳՐՔԻ ՇՆՈՐՀԱՆԴԵՍ  ԵՎ ԳԻՆԵՁՈՆԻ ԱՐԱՐՈՂՈՒԹՅՈՒՆ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
ԵՊՀ մշակույթի կենտրոնում Ֆրանկոֆոնիայի օրերի շրջանակում այսօր տեղի է ունեցել ԵՊՀ ԵԼՀ ֆակուլտետի արտասահմանյան գրականության ամբիոնի վարիչ, դոցենտ Անուշ Սեդրակյանի «Ֆրանսիական պոեզիա» գրքի շնորհանդեսը և գինեձոնի արարողությունը: