14.06.2021 | 
Հասարակություն
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը:

ԵՊՀ ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանողԳոռ Խաչատրյանն արդեն որոշել է. նա շարունակելու է իր ուսումը նույն ամբիոնի մագիստրատուրայում:

 

Գոռ Խաչատրյանն իր գիտական ղեկավարի՝ աշխարհ. գիտ. թեկնածու, դոցենտ Վարդուհի Մարգարյանի հետ միասին մասնակցել է «Արբանյակային տեղեկատվության կիրառում հիդրոօդերևութաբանության խնդիրների լուծման և շրջակա միջավայրի մոնիթորինգի համար» խորագրով որակավորման բարձրացման սեմինարին, որն իրականացվել է առցանց:

Այն կազմակերպվել է Ռուսհիդրոմետի (Росгидромет) և Օդերևութաբանական արբանյակների շահագործման Եվրոպական կազմակերպության («Европейской организацией по эксплуатации метеорологических спутников» («EUMETSAT»)) համագործակցության շրջանակում: Սեմինարն անցկացվել է երկու փուլով:  Դրան  մասնակցել է 477 մարդ ԱՊՀ տարածքից:

Սեմինարի ընթացքում մասնակիցները ներկայացրել են 66 պաստառի շնորհանդես՝ Արբանյակային տեղեկատվության  օգտագործմամբ անբարենպաստ կամ վտանգավոր եղանակային երևույթների վերլուծությունը խորագրով: ԵՊՀ ուսանող Գոռ Խաչատրյանը ներկայացրել է 2 պաստառ: Մասնակիցները, ըստ սահմանված կանոնների, պետք է քվեարկեին որևէ պաստառի օգտին: Մրցույթի արդյունքում Գոռ Խաչատրյանը ստացել է ամենաշատ ձայները և զբաղեցրել առաջին տեղը՝ իր «Արևադարձային ցիկլոններ» պաստառով:

Որպես գիտական ղեկավար՝ Վարդուհի Մարգարյանը ստուգել է Գոռի ներկայացրած պաստառները և հանդես եկել խորհրդատվությամբ:

 

Քնար Միսակյան

 

Այլ նորություններ
ԵՊՀ-Ն ԵՎ «ԱՅԳ»-Ը ՄԻԱՎՈՐՈՒՄ ԵՆ ՈՒԺԵՐԸ
ԵՊՀ կիրառական հոգեբանության կենտրոնն ու «Այգ» հոգեբանական ծառայությունների կենտրոնն այսօր համաձայնագիր են ստորագրել՝ ազդարարելով համագործակցության նոր սկզբի մասին:
«ԼՍԱՐԱՆՈՒՄ ՊԵՏՔ Է ՓՈԽՀԱՄԱԳՈՐԾԱԿՑՈՒԹՅՈՒՆ ԼԻՆԻ, ԻՍԿ ԴՐԱ ՀԻՄՔՈՒՄ՝ ԳԻՏԵԼԻՔ». ՆԱՐԻՆԵ ՀԱՐՈՒԹՅՈՒՆՅԱՆ
ԵՊՀ ընդհանուր հոգեբանության ամբիոնի դոցենտ Նարինե Հարությունյանը «Երևանի պետական համալսարանում դասավանդման գերազանցության մրցանակ» ամենամյա մրցույթի հասարակագիտական անվանակարգի հաղթողներից մեկն է: Տիկին Հարությունյանի հետ զրուցել ենք մասնագիտական ու մանկավարժական գործունեության, ընտանիքի կայունության վրա ազդող գործոնների, արժեհամակարգային փոփոխությունների, ինչպես նաև որդու՝ Արցախյան 44-օրյա պատերազմում հերոսացած ու անմահացած, ԵՊՀ իրավագիտության ֆակուլտետի ուսանող Խաչիկ Պողոսյանի մասին։