02.10.2018 | 
Ուսանողական
ՀՈԿՏԵՄԲԵՐԻ 2-Ը ՍՈՑԻԱԼԱԿԱՆ ՄԱՆԿԱՎԱՐԺԻ ՄԻՋԱԶԳԱՅԻՆ ՕՐՆ Է
ՀՈԿՏԵՄԲԵՐԻ 2-Ը  ՍՈՑԻԱԼԱԿԱՆ ՄԱՆԿԱՎԱՐԺԻ ՄԻՋԱԶԳԱՅԻՆ ՕՐՆ Է
Արդեն չորրորդ տարին է՝ ԵՊՀ մանկավարժության և կրթության զարգացման կենտրոնը (նախկինում՝ Մանկավարժության ամբիոնը) նշում է Սոցիալական մանկավարժի միջազգային օրը:

Ավանդական դարձած այս միջոցառմանը ներկա էին Հայ բանասիրության ֆակուլտետի դեկան Արծրուն Ավագյանը, փոխդեկաններ Արտաշես Սարգսյանը, Վարդան Եղիազարյանը, Մանկավարժության և կրթության զարգացման կենտրոնի տնօրեն Նազիկ Հարությունյանը, պրոֆեսորադասախոսական կազմի ներկայացուցիչներ և ուսանողներ:

Միջոցառման սկզբում հնչեցին  Շառլ Ազնավուրի երգերը՝ ի հիշատակ մեծ հայի:

Ողջույնի խոսքով հանդես եկավ Մանկավարժության և կրթության զարգացման կենտրոնի տնօրեն, մանկավարժական գիտությունների դոկտոր, պրոֆեսոր Նազիկ Հարությունյանը:

Վերջինս, կարևորելով սոցիալական մանկավարժի մասնագիտությունը, տեղեկացրեց, որ տոնին ընդառաջ տեղի է ունենալու առաջինկուրսեցիների երդման արարողությունը. «Դուք ձեր երդմամբ հաստատելու եք, որ հավատարիմ եք մնալու ձեր ընտրած մասնագիտությանը. այն ամենահումանիստական մասնագիտություններից մեկն է»:

Հարությունյանի խոսքով, հանրակրթական դպրոցներում, ընտանիքներում երեխաների առջև ծառացած են տարաբնույթ խնդիրներ, որոնց լուծման համար անհրաժեշտ է սոցիալական մանկավարժի օգնությունը:

Այնուհետև կայացավ առաջինկուրսեցիների երդման արարողությունը: Ապագա մասնագետները երդվեցին լինել երեխայասեր, օգնող, համբերատար, երեխաների շահերի պաշտպան և այլն:

Երդման արարողությունից հետո չորրորդ կուրսի ուսանողները շնորհավորեցին առաջինկուրսեցիներին և նվիրեցին խորհրդանշական վզկապներ:

Միջոցառման ընթացքում ուսանողները ներկայացրին սոցիալական մանկավարժի մասնագիտության առանձնահատկությունները, անդրադարձան ոլորտի խնդիրներին:

Իսկ կենտրոնի գործունեությանը և մասնագիտական առանձնահատկություններին նվիրված տեսաֆիլմն ավելի առարկայական և պատկերավոր դարձրեց սոցիալական մանկավարժի առաքելությունը:

 

Անգին Խաչատրյան

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: